عنوان الموضوع : تريدين بشرة خالية من الشعرر لبشرة صحية
مقدم من طرف منتديات العندليب

تريدين بشرة خالية من الشعرر



هلا بنات اشلووووووونكم ؟؟

عندي لكم سالفه يدتي مساعه قالتها لي عاد قلت اقولكم وافيدكم ..

هذي السالفه مثل ما قالتها يدتي :

شوفي يمه انا لما كنت صغيره عمري 11 او 12 حفيت ريولي بموس لأن شفت وحده فيها شعر وايد وكنت ابي يطلع لي مثلها .. عقب طلع لي شعر وايد مكانه وشافته رفيجة امي وقالت لي اسوي شي ومن سويته ولي الحين وانا ماحفيت ريولي ...

انا صرت جذي انخبلت قلت لها شنو سويتي يمه ؟؟

جان تقول : رحت حفيت ريولي بشيره، وبعدها على طوووول بدون ما اغسلها ولا شي رحت وحطيت عليه خشوف مطحوون ..

الخشووف اهو شي اممم يبيعونه عند العطار اهو ابيض على بيج ومدور، يحطونه في الصالونات قبل مايحفون الشنب والحواجب ..
بس الفرق انج الحين بتحطينه بعد الحفاف مباااااشره.. وتخلينه على ريلج يعني جم ساعه وعقب تغسلينها بماي عادي يعني مو بارد ولا دافي ..
والخشوف هذا لما تشترينه قولي حق العطار يعطيج اياه بس مو مطحوون، وانتي بروحج طحنيه وبعدين نخليه (ماعرف شنو هالكلمه بس يدتي قالتها) وخليه بعلبه ولا يروح عليه ماي، واول ماتحفين على طول حطيه ..

بس اهم شي يكون الحفاف بشيره ، وماتغسلين ريلج قبل الخشووف..

وللأمانه انا لحين ماستخدمت هالطريقه، بس انتظر تكرمون اخلص الدورة واحف عشان استخدمها .. لأن انا اشوف ريول يدتي مافيها ولا شعره وصاااااااااافيه يعني المسامات فيها مو متفتحه وتبين ماشالله ..

على قولتها يدتي تقول جان زين بعد لما سويت حق ريلي سويت بعد حق ..... ههههههههه

@@@ منقــــ$$ــول @@@

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة حبيبتي لكن للأسف ما عرفت الخشوف واش يعني يا ريت تسميه لنا ابالفصحى

__________________________________________________ __________

>>>> الرد الثاني :

مشكوره غاليتى


بس يليت توضحين ايش هو الخشوف

بصراحه اول مره اسمع فيه

وانا متحمسه اسويهاااااااااا

__________________________________________________ __________

>>>> الرد الثالث :

سلام ياحلوين اسعدني تواجدكن .....

الخشوف تلقينه عند العطارين ......

بصراحة انا ماجربتها ولا مرة شفت الخسوف لكني سمعت فيه ...

وما اعرف اسم ثاني له ..

__________________________________________________ __________

>>>> الرد الرابع :

يسلمووووووووووووووووو حبيبتى وان شاء الله نجربه

__________________________________________________ __________

>>>> الرد الخامس :

يابنات شكله الترمس عندنا كذا اسمه فالسعوديه وهو مدور ولونه مايل للاصفر وينفع يخفف الشعر بس من اول استخدام
بس ماادري باربي انحطه وهو ناشف والا لازم نخلطه بمويه


ياحلوك ماتعرفين يعني ايش نخليه يعني حطيه بالمنخل وصفيه عشان يصير بودره هههههه