عنوان الموضوع : وصفة تطويل ، تكثيف ، مجرب .. لصحة شعرك
مقدم من طرف منتديات العندليب

وصفة تطويل ، تكثيف ، مجرب ..



السلام عليكم ورحمه الله وبركاته



كيف الحال خواتي


استوقفني موضوع أحدى العضوات ومشكلتها مع شعرهااا وحطيت لها الحل وقلت خل افيد الجميع لاني من جد استفدت من خلطتي


تبين شعرج يكثف/يطول/ يمنع التساقط/يصير ناعم/فيه لمعه حريريه


عندي الحل


والله يابنات اني من النوووع اللي مايستمر على خلطات بس هالخلطه من اول استخداااااااااااااااااام


كل اللي شاف شعري سالني وعطيته الطريقه


وان شاء الله ماراح تندمون


النتيجه من اول استعمال مابالغ في هالشي


راح يطول شعرك ويكثف ويصير قوي وله لمعه تجننننننن


تخيلووا استخدمت الخلطه اربع مرات ومحد شافني ويوم رحت النادي وقعدت امارس الرياضه انفل شعري الكل تهبل عليه حتى المدربة الاجنبية ماتت عليه وسالتني عن الطريقه


واحلفلكم بالله جاتني بعد يومين تحبني وتقول اشكرك على الطريقه تقول عجيبه بينت معها من اول استعمال


ماراح اطول عليكم هذي هي الخلطه
(لحظه أخوات من الحين أقول لكم
الي مايحب ريحة الثوم بلاه
وما أريد في الردود عوار رأس
لأن الموضوع منقول وأنا عجبني
وحبيت أفيدالكل من خلال نقله
ف الله يرحم والديكم ما ريد
أنتقادات ع الثوم لأنك مو مجبوره فيه
وتقدري تستغني عنه إذا حبيتي
وسلامتكم )



تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماااء


الطريقه


جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر


بعدها صفي الماي من الثوم والبصل


وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرج بالمساااء وبالصبح اغسليه



راح تقولين ثوم وبصله وريحه ..الخ اوعدج وووعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد


وصدقيني بتلاحظين الفرق من اول استخدام


ويفضل تستخدمينها مرتين بالاسبوووووع لنتيجه اسرع


منقول و انا راح اجربها من هالأسبوع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسلمين حبيبتي على الطرح المميز


جعله الله في ميزان حسناتك


في انتضار جديدك


دمتي بود

__________________________________________________ __________

>>>> الرد الثاني :

شكرا لك عزيزتي

__________________________________________________ __________

>>>> الرد الثالث :

الله يجزيكي الخير حبيبتي

__________________________________________________ __________

>>>> الرد الرابع :

بوركت غاليتي

__________________________________________________ __________

>>>> الرد الخامس :

السدر والثوم لهم مفعول طيب عالشعر
ربي يسعدك حبيبتي