عنوان الموضوع : توقف شعري عن النمو....وتجربتي الشخصيه لشعر طويل
مقدم من طرف منتديات العندليب

توقف شعري عن النمو....وتجربتي الشخصيه



يسعد صباح / ومساء الحلوات
حابه اطرح موضوع وفكره اتمنى انها تنال اعجاب الجميع ون شاء الله يتثبت الموضوع
..............اتمنى من مشرفات القسم تنال اعجابهم الفكره.................ا

بدايت قصصتي مع توقف نمو شعري:
عاد كلنا يعرف لمى ربي يعطي البنت شعر طويل وتتبطر عليه
كان شعري طويل جدا لمى خلصت الثانوي قررت اقصه وامي عارضتني بشده لكن مع الاصرار وكثر الزن وافقت وقصيتو قصه معقوله
جا فترت الكليه وعاد كلنا يعرف اش يعني مرحلت كليه يعني اناقه وقصات وروشنه قررت اني اخسف بشعري الى الربع يعني الى ما يقارب حد اذني مع بدايت رقبتي شايفين التدريج من طويل طول زياده عن الازم الى متوسط الى قصير زياده عن الازم ولكن لقيت العقاب من الله

اهم شي قصيت الشعر وتروشنت شويه وبعدها جاني فقر دم وانتو عارفين انو فقر الدم يعني سؤ تغذيه وهزول في الجسم وتوقف نمو الشعر

عدت بعد ما قصيت سنه سنتين وشعري مافي غير يتساقط وعلى نفس الطول والله يا اخوات ما طول ولا انش ووصلت لمرحلت اني ممكن اعد شعر راسي من كثر ما طاح وخف

وصفولي الحلبه اطحنها واحطها مع زيت العافيه في علبه من الزجاج واحطها تحت اشعة الشمس لمدة عشره ايام وسويت الفكره اللي قالوها ليه بعض الاخوات ولازم احطها في الاسبوع مره بس كلكم عارفين ريحت الحلبه ما تنطاق وعاد كيف لو حطيتيها على شعرك والله يا اخوات اني انا كنت متعفنه من نفسي اهم شي سويتها وطال شعري شويه مره

جا وقت الوصفه الثانيه لمى شفت الاولى بطيأت المفعول وريحتها ماتنطاق واهلي بدو ما يجلسو معي والسبه ريحة شعري على اني بعدها كنت احط بلسم بروايح عطريه قويه واحط بعض العطور الدهنيه لاكن مافي فايده الريحه لاصقه يعني لاصقه قالولي على وصفه ثانيهوهي:
علبة لبن زبادي مع ملعقه من الخميره اللي نحطها مع المعجنات وسويتها وبرضو الريحه مو طيبه على الشعر ومفعولها مو سريع

نوصل للمهم تجربتي الشخصيه مع هالوصفه:
استخدمت المقادير التاليه:
ا-حزمه جرجير
2-حزمه بقدونس
3-حزمه نعناع
4-حزمه حبق
5- فص ثوم
6-ملعقه خل ابيض
7-ملعقتين عسل طبيعي
8- حبه موزه
9-ملعقه سبرتو "تلاقوه في الصيدليه سائل وهو نفس الكحول اللي يستخدموه قبل ما نظرب الابره
المسحات الطبيه" بس هذا سائل في علبه
10- نصف فنجان حق الشاهي ماء
الطريقه:
تاخذي هذي المقادير كلها وتخلطيها في الخلاط مع بعض وتخليهم ينخلطو مع بعض جيداً
بعدين تجيبي وعاء مجوف وصفايه اللي فتحاتها مره صغيره طبعا الوعاء من اسفل والصفايه على الوعاء وتقومي تاخذي الخليط وتكبيه على الصفايه اللي تحتها الصحن لان احنا محتاجين الماء تبع الاخضار اللي نزل في الوعاء
طبعا حاولي انك تضغطي على خليط الخضار اللي موجود على الصفايه بملعقه عشان نجمع اكبر قدر من ماء الخضار في الوعاء
وبعدين خذي الماء اللي حصلتي عليه وحطيه على شعرك وربطي على شعرك باي غلاف من النايلون وخليه لمدة نصف ساعه وستخدمي ها الوصفه كل سته اشهر مره

والله وبالله وتالله ان شعري طول طول اكثر من ماكان عليه اول والله على ما اقول شهيد وشعري كثر كثره مو طبيعيه في اقل من سنه
وانا لمى شفت النتايج حق الخلطه مبهره وسريعة المفعول سرت استخدمها كل نهاية اسبوع بس ازيل منها الاسبرتو
وبعد ما تحطيها وتغسلي شعرك استخدمي بلسم لان زي منتو عارفين الخل ينشف الشعر
واللحين الكل يسالني كيف طول شعرك بها السرعه وكثر ولي اقلهم عليها قسم بالله بعد فتره يجو ويشكروني على الخلطه جربوها وراح تدعولي
ما اكذب عليكم لو رحت عند احد وشعري انفتح فجاءه الناس تذكر الله وتسمي على شعري من طولو ويسالوني اش سر طول شعرك بهالسرعه
بس لازم يكون عندك ملابس ما تحتاجيها لان الخلطه تنزل على الجسم وتعدم الملابس ولون الخضار يقعد على الملابس ما يروح لتنبيه فقط
ولاهم انو لازم لازم ناكل خضار وفواكه واحنا نستخدم الخلطه والله يابنات شعري طول وانا لسى فيه نسبه من فقر الدم
ولاهم انك لازم لازم تشجعي نفسك وتعطيها انطباع انو شعرك طول ولازم تصبري شويه مو كل شويه توقفي عند المرايه وتقولي والله ما طول لا قولي طول ولمره الجايه راح يطول اكثر من كذا

وما اوصيكم بعد كل ماتحطي الخلطه اسجدي سجود شكر لله لان الله قال وان شكرتم لازيدنكم
وبالفعل ربي زادني شي وشويات اليوم انحسد على طول شعري

..(ومن هنا حابه اعرض فكره لو عجبت مشرفات القسم ولعضوات اتمنى ان الموضوع يتثبت)..

لاننا راح نسوي حاجه زي الموسوعه خاصه بوصفات لتطويل الشعر والاهم انها تكون عن تجربه شخصيه يعني محد يقول بنت عمتي سوتها ولا بنت خالي جربتها لا تكون من تجربتك انتي الشخصيه وبس
الفكره كا تالي:



"ان عضوات المنتدى يكتبو وصفات استخدموها لشعورهم وطالت اهم شي عن تجربه شخصيه ويكتبو معاير الوصفه وطريقة تطبيقها بحذافيرها وتكون الوصفه طبيعيه وتكتب النتائج اللي ظهرت بعد استخدام الوصفه وكم مره تستخدمها ولمده اللي ظهرت فيها النتيجه واللتوصيات المتبعه خلال استخدامها للوصفه"

اتمنى ان العضوات اللي يقرو الموضوع وتعجبهم الفكره يطالبو معي بالتثبيت لاننا راح نسوي زي الموسوعه وما نحتاج ندور على وصفات من اماكن ثانيه وحتى تعم الفايده على الجميع في هالمنتدى الرائع

......اتمنى اشوف ردودكم وتفاعلكم مع الموضوع.......

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكوره .....ياختي بس مادري تصلح لي الافريقيات؟؟.......وإذافي خلطه تصلح للي الافريقيات ارسلوهالي الله يرضى علينا وعليكم

__________________________________________________ __________

>>>> الرد الثاني :

مشكورة على الوصفة

__________________________________________________ __________

>>>> الرد الثالث :

تسلمووووو على المرور كيف يعني الافريقيات هي تصلح لجميع انواع الشعر

__________________________________________________ __________

>>>> الرد الرابع :

الله يعطيك العافية حبيبتى تقبلى مرورى...

__________________________________________________ __________

>>>> الرد الخامس :