عنوان الموضوع : تعالي وقوولي مين ضربك العاب
مقدم من طرف منتديات العندليب

تعالي وقوولي مين ضربك





السلام عليكم ورحمة الله وبركاته

بنات مساء الخير عليكم جميعا انا الليله جايبه لكم موضوع لزيز جدا منه نتسلى ونضحك ومنه نتذكر الايام الماضيه
اريد كل وحده ترجع بذاكرتها للورا شويه وتذكر متى ضربها والدها او والدتها ضرب تذكره الى الان وايش كان السبب
ابيكم ترجعون بذاكرتكم للورى شويه ولا احد تقول انا ما ضربوني لازم تكتبون حتى لو مجرد هواااااش كان بينكم



يالله من اول وحده راح تذكر وتضحكناااااااااااا

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هلا حبيبتي
يسعدني اكون اول من ترد على الموضوع الجميل

بصراحه
ما عمر ابوي(الله يرحمه)او امي(الله يطول بعمرها )
ضربوني

بس افتكر مرتين امي ضربتني فيها
مره وانا صغيره كنت ابكي عشان ابغى اللعب بالشارع مع الاولاد
وقامت امي واخذت فلفله وحطتها في فمي
بس بالعكس جلست اضحك وبنفس اوقت ابكي

ومره اختي الكبيره غابت عن المدرسه وانا ابغى اغيب معاها وجلست امي تحاول فيني
اداوم وبعدين اخذت كعب الجزمه وانتو بكرامه وطررررراخ على شفاتي وقالت خلاص غيبي وجلست شفايفي كاني نافختها بوتكس


وبس

طولت عليكم

__________________________________________________ __________

>>>> الرد الثاني :

والله حلوه اللعبه
انا اتذكر ان ابوي الله يرحمه ضربني مره لاني كنت العب طول الوقت وما كنت اكل
ههههههههههههههههه والله ايام الطفوله حلوه

__________________________________________________ __________

>>>> الرد الثالث :

هههههههههههههه صراحه ضحكتوني ومشكورات على الرد اما انا راح اخبركم متى انظربت ظرب ما انظربه حمار بمطلع على قولة اخوانا المصريين بس اشوفكم اولاا

__________________________________________________ __________

>>>> الرد الرابع :

بس بدون ضحك طيب الحمد لله انا مدلله عند امي وابوي
بس بابا مره ضرب نفسه مني وماما ظربتني

اول مره شعري كان بابا يحبه مره ناعم وطويل وكل شوي بابا يسرحه لي مليه

رحة قصيته وجن جنونه وجلس ضرب نفسه وانا دوروني ماتلقوني
وماما قبل زواجي بيوم
كان شعري طويل
رحة الكوافير وقصيته كاريه قصير مرررره
ويم جيت وشافته ماما جن جنونها قالت غبيه احديقص شعره قبل زواجه
كيف بتسويه بكرى تسريحه ووراي تضربني
وانا اهدي فيها

بس كانت ايام الله من الدلع وين ايام زمان نفسي ارمي نفسي بحضن بابا وماما

__________________________________________________ __________

>>>> الرد الخامس :

انا يااما انظربت خخخخخخخخ بس امي كنت اهرب منهااا اما ابويه فكنت اوقف لين يضربني
المهم اذكر مره ضربني لما كنت انا واختى نبكي نبي نروح مع وامي لزيارة ناس كنا نعرفهم مسك ابوي ضفيرتي وضفيرة اختى الي كانت اكبر مني وربطهم مع بعض وجاب الخيزرانه والله لايوريكم خخخخخخخخخخخخخخ
وامي ضربتني ضرب ما انساه مره لاني لعبت بحفرة المجاااااااري ووسخت نفسي وملاابسي
الحين تشمتو فيني بس وين الباقين كلهم ما حد ضربهم