عنوان الموضوع : بوقالات 2015 من الثقافة المحلية
مقدم من طرف منتديات العندليب

بوقالات في خاطر لحباب معليكم غير تنويو الفال
افرح يا القلب يااللي تترجى فينا ... واحنا جينا... وعلى ربي توكلنا . اللي يبغينا ربي يكملو ...
معانا... واللي مايبغيناش ندعو ربنا يصفي قلبو علينا ....وكي اليوم يلاقينا




يا ريت يوصلهم ندايا ...يا سامع روح أحكيلهم أقوالي...أنا هوما دايا ودوايا...هوما ربحي وراس مالي...هما الذهب و اللي ينكسب هوما الدايمين... الدايمين في لساني




زغرتوا وفرحوا يا جيراني...
حبيبي لي راح جا اليوم وداني...
أنتوما حبيتو تفرقو بيناتنا ربي وكيلكم يا عدياني...
والله ما نسمح فيه ياك أنا بغيتو وهو بغاني...




بشمعتي ضويت للغير و دموعي عالخدود تسيل. بربي تضوالي شمعتي و تتمسح على خدودي دمعتي , و يبدل ربي الساعة و تشاركيني يا لحبيبة فرحتي



لباسها مستور ارتاحت ليها نفسي ...
و نفسها طاهرة و نقية ... حبيت نكلمها حشمت مني ...
يا يما راني ، خايف يفوتوني الناس... روحو اخطبوهالي .
هاداك النهار نديرو لفراح ...يزهاو بربي ان شالله حبابها و حبابي




سبحان الله خالق السماء والنجوم ...
سبحان الله مسخر لجبال وعلا لغيوم ...
سبحان الله يبعدالشدة وينحي لهموم ..
ويولي كل بعيد بشملو ملموم




قلبي قلبي مشطون مقسوم بسيوف ساطور
مرمي على طرف النسيان مهموم حيران
قلبي قلبي محروق بنار رهيفة
تلهب تحرق في حشايا من فراق الهيفة
الي ما جرب طعم الفراق ايجي عندي ندوق بنبال نسيفة




- بنتي يا بنتي اجعلي السترة لباسك والحرمة فوق راسك تعيشي في أمان وتتفتحلك بيبان الخير والحسان، وتتعمر دارك ،هذا كنز يورثوه ولادك.




بخرتلك بالجاوي .. كي ماتلقانيش تجي تحوس عليا فالقهاوي ... بخرتلك بالصوف ... كي ماتلقانيش تجي تبعبع كي لخروف ... بخرتلك بالكسبر ... ونت عليا ماتصبر .. بخرتلك بالكبريت ... وتجي تحوس عليا من بيت لبيت




الوردة يا الوردة صيفتك تبهر و ريحتك تعطر ندخل لجنانك نخطفك و أنا بالبرنوس مستر نديرك في بستاني و نكون خديمك طول زماني




لعقل يفكر فيك .. ..والقلب متعلق بيك اتمنيت او حبيت ان دير امعاك البيت وان شاء الله غير انت الي نديك .. واو طول حياتي نتهلا فيك




يا لي زينك غواني...علاش بالهجر..و انا نويتك حلالي...
درتك وردة في جناني...و قلت من غيرك انت حد ما يحلالي...
.انشاء الله نفرح بيك...و نقيم معال لفراح فسبع ليالي....
...و نجعلك زوجتي علي سنة الله و رسوله مول الشان العالي..




حبيتكم يالوالدين بجاه النبي العربي لا تخلوني وحدي يطول عدابي انا بغيتها وزينها سباني




بالنيّه يفتح الزهر...و أيامنا مدفيه....الي جوزتو معاك مرّ....نذو بو بالشويه...و نفو تو حياتنا سكر...غير أنا و انتيا ...بالحب و طول العمر ...تحلى العشريه...يصفى الليل بشعاع الفجر ...يا النجمة القطبيه...برضاك الربيع ينور ....يا الوردة العكريه....




يا لعزيزة الله يرضى عليك .. ديري الحنة في يديك .. و زيدي رجليك .. وستناي ربي يفرج عليك .. يجي الحمام لبيض يبشرك .. و الغزال يديك .. و تفرحي .. و يفرحو والديك




زغرتوا وفرحوا يا جيراني...
حبيبي لي راح جا اليوم وداني...
أنتوما حبيتو تفرقو بيناتنا ربي وكيلكم يا عدياني...
والله ما نسمح فيه ياك أنا نبغيه وهو بغاني




ما عييت نغضب عليك و نحير كيفاش نواسي....نضلمك و نبكيك نندم و يروح نعاسي.... نجي ليك و نرضيك و نبربرك غير باحساسي....حنينة و القلب يبغيك معاك انشاء الله نطلع ساسي




الي ابغاتو ابغاها ...ولي اتمناتو لدارو اداها ...برضايت باباها... سعدها كي الشمعة يضوالها... ولي تفرحلها اتروح موراها او تدي الي ابغاها...




قولتلهم نبغيها قالولي هدا سحور...
قولتلهم هي ممو عينيا قالولي تجري او ما تعيا تدور...
قولتلهم غير انا لي نديها و نقيم معاها لفراح و السرور







القعدة قعدتنا...واللمة لمتنا...لي يحبنا نحبوه و لي مايحبناش
ما نسالو عليه....قعدتنا زينة... فيها لحباب والنساب ...والبراني يقعد زاه قدام الباب... قعدتنا مبروكة سعيدة...فريدة ما ليها عنيدة... ♥


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

القعدة قعدتنا...واللمة لمتنا...لي يحبنا نحبوه و لي مايحبناش
ما نسالو عليه....قعدتنا زينة... فيها لحباب والنساب ...والبراني يقعد زاه قدام الباب... قعدتنا مبروكة سعيدة...فريدة ما ليها عنيدة... ♥

__________________________________________________ __________

>>>> الرد الثاني :

بارك الله فيك . عندنا شجرة معمرة بالياقوت وعندنا فوارة معمرة بالحوت اعطونى ابنتكم ولا نطيح نموت

__________________________________________________ __________

>>>> الرد الثالث :

شكرا على البوقالات المتميزة
لالة يا لالة يا مولات الشعور الذهبي اذا اسكتني لقصور نكريلك سلوم واذا سكنتي لشجور نكريلك عصفور واذ سكتني لبحور نكريلك بابور واذا سكتني لقبر وكيلك ربي مولانا والتراب لي يغمك ايعني انا .

__________________________________________________ __________

>>>> الرد الرابع :

المشاركة الأصلية كتبت بواسطة حمزة عون الله
هههههههههههههههههههههههههههههههههههههههههههههههههه ههههههههههههههههه

بارك الله فيك الاخ . كون تعرف معنى هدى البوقالا .كانوا يقولها فى القصبة

__________________________________________________ __________

>>>> الرد الخامس :

المشاركة الأصلية كتبت بواسطة mohamed160
بارك الله فيك . عندنا شجرة معمرة بالياقوت وعندنا فوارة معمرة بالحوت اعطونى ابنتكم ولا نطيح نموت

و فيك البركة أخي الكريـــــــــــــــم