الناس تموت على بلادها وقلال الاصل يقولك من يقتل من خبر جزائري

[kouka]

عنوان الموضوع : الناس تموت على بلادها وقلال الاصل يقولك من يقتل من خبر جزائري
مقدم من طرف منتديات العندليب

اللي داروا العمليات الانتحارية تاع شرشال البارح
هي القاعدة الحقيرة
اللي دارو تفجير برج منايل هي القاعدة الحقيرة
اللي يدافع عليها الله يحشره مع هادو اللي فجرو روحهم
باسم الدين وحابين يقتلو اللي يقول لا اله الا الله

الناس تموت علاجال لبلاد والحركة يقولو هدرة
canal + و TF1
ومن يقتل من

وحتى كي تتبنى القاعدة الهجمات
يقولو وشكون قالكم كان القاعدة اصلا
لا اله الا الله محمد رسول الله ؟؟؟؟؟؟؟؟؟؟؟

هادي بلادنا نحبوها كيما هي ونتمناو ليها الخير والاصلاح
اللي ما عجباتهش يخيطنا
ها هي ليبيا يمشي يعيش فيها
واللي يحبس الراس حابين يفرضو علينا رايهم بالسيف
وعاطيين لرواحهم لفهامة
اللي يخالفهم يقولو عليه ابن النظام وغبي ووووووووووووو
وبزاف منهم مريح في دارهم مع يماه حاب هاد النظام يعيشه
في حيدرة والخدمة تنزل عليه من السمى
وكي حاسب روحو حاجة
يدخل للمنتديات يبكي على حقوقه
وكي تخلصلو الانترنت مايلقاش باش يخلصها
ياخي رجلة يا خي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كي كونت انا في شرشال كان عمرك 10 سنين
لا توجد حرب نضيفة التكفيريين قتلوا الكثير و الدولة قتلت كذلك قتلت الكثير من الابرياء سواءا سهوا او عمدا

__________________________________________________ __________

>>>> الرد الثاني :

المشاركة الأصلية كتبت بواسطة نحب بلادي اللي داروا العمليات الانتحارية تاع شرشال البارح هي القاعدة الحقيرة اللي دارو تفجير برج منايل هي القاعدة الحقيرة اللي يدافع عليها الله يحشره مع هادو اللي فجرو روحهم باسم الدين وحابين يقتلو اللي يقول لا اله الا الله الناس تموت علاجال لبلاد والحركة يقولو هدرة canal + و tf1 ومن يقتل من وحتى كي تتبنى القاعدة الهجمات يقولو وشكون قالكم كان القاعدة اصلا لا اله الا الله محمد رسول الله ؟؟؟؟؟؟؟؟؟؟؟ هادي بلادنا نحبوها كيما هي ونتمناو ليها الخير والاصلاح اللي ما عجباتهش يخيطنا ها هي ليبيا يمشي يعيش فيها واللي يحبس الراس حابين يفرضو علينا رايهم بالسيف وعاطيين لرواحهم لفهامة اللي يخالفهم يقولو عليه ابن النظام وغبي ووووووووووووو وبزاف منهم مريح في دارهم مع يماه حاب هاد النظام يعيشه في حيدرة والخدمة تنزل عليه من السمى وكي حاسب روحو حاجة يدخل للمنتديات يبكي على حقوقه وكي تخلصلو الانترنت مايلقاش باش يخلصها ياخي رجلة يا خي

راح نسالك شحال يديروا الفريجيدارات عندكم بارك الله فيك

__________________________________________________ __________

>>>> الرد الثالث :

شكون قالك عمري حتى تفهمنا انو انت قاعد عسكري محنك فاهم

.....................

ياو ما نيش ندافع على النظام مي اللي يقول ما كانت جماعات مسلحة فالجزائر قليل أصل هدا اللي قلقني

جزائرنا اللي مر بيها خلاها تتخلط وكل الاطراف غلطت

مي هاد السنين الاخيرة القاعدة راها تقوم بتفجيرات انتخارية وتتبناها

ومن بعدتلقى واحد يقولك لا لا ماشي القاعدة واصلا ما كانش القاعدة

وخوتو مسلمين جزائريين قاتلينهم في هجوم انتحاري

هدا اللي قصدتو يا جنرال

__________________________________________________ __________

>>>> الرد الرابع :

المشاركة الأصلية كتبت بواسطة حسان 9 راح نسالك شحال يديروا الفريجيدارات عندكم بارك الله فيك

اللهم اني صايم

وربي وكيلك

خير ما نقولك كلمة تستاهلها راك عارفها

__________________________________________________ __________

>>>> الرد الخامس :

جريدة الشروق ::: تونس تدين التفجير الإرهابي لشرشال وتعلن وفاة رائد كان يجري تكوينا بالأكاديمية

أدانت الحكومة التونسية الهجوم الإرهابي الشنيع الذي استهدف الأكاديمية العسكرية بشرشال و قالت انه يستهدف أمن واستقرار هذا البلد الجزائر، مؤكدة تعاطفها وتضامنها مع أسر الضحايا والشعب الجزائري الشقيق في هذا الظرف الأليم حسبما نقلته وكالة الأنباء الرسمية عن وزارة الخارجية التونسية .
و أكد البيان رفض الحكومة التونسية القاطع للإرهاب بشتى أشكاله، مؤكدة ثقتها في قدرة الجزائر الشقيقة على مواجهة هذه الآفة ومعالجتها ووضع حد لمخاطرها الوخيمة على أمنها واستقرارها".
و في نفس السياق أعلنت وزارة الدفاع التونسية وفاة الرائد التونسي حمدي بن بشير الورغي على إثر التفجير الارهابي الذي استهدف مساء الجمعة الأكاديمية العسكرية لمختلف الأسلحة بشرشال بالجزائر والذي خلف عديد الضحايا من ضباط هذه الأكاديمية.
و قالت وكالة الأنباء الرسمية التونسية أن الفقيد عين لمتابعة دروس مدرسة الأركان الجزائرية صلب الأكاديمية المذكورة منذ 5 أوت الجاري لمدة سنة دراسية وذلك في إطار تبادل تكوين ورسكلة الإطارات بين مدرسة الأركان التونسية ونظيرتها الجزائرية.