عنوان الموضوع : ممكن تدخلووووووو من فضلكم ؟؟؟ من قضايا الساعة
مقدم من طرف منتديات العندليب

السلام عليكم
أحبتي الغالين اناا اليوم بغيت نستشيركم في موضوع عائلي يخصني أنا في حقيقة دائما ضد فكرة الزوج يلي يتزوج على مرته بصراحة الا للضرووووووورة القصوى جدااااا جداااااا يعني ادا كانت الزوجة طايحة فرااااااش طول العااااام في هده الحالة من حقه أن يتزوج
أما في حالة أبن عمي يعني أبوه شقيق أبي روح بروح وبنت عمي هي أيضا أبوها شقيق أبي روح بروح تزوجو هادي مدة 20عام ؟؟؟؟يعني عشرة طوووووووويلة وأنجبو أطفالا لكبير عنده لباك هد عام؟؟؟تصورو غادي يتزوج عليها هده الأيام؟؟؟والله والله غابنها من نهار تزوجها حارمها من كل شئ مافي تلفاز في دارها ولا مدياع ولا هاتف جوال كلش حرام عنده في حرام حتى مصروفها لبسها يعني وملتزمتها عندها ماكنة خياطة تخيط وتشري لبسها؟؟ حتى خوتها ماتروح لزيارتهم الا من شهر لشهر وهم ساكنين معاها في نفس الحووووووومة؟؟؟وهي يتيمة لا أب ولا أم غير خوتها فقط؟؟هنا تكلم معاه بويا وأهلنا الكل قالوله متتزوجش على بنت عمك هدي لحمك ودمك وعشرة عمر لكن لا حياة لم تنادي قالهم هادي حياتي وأنا حررررررر نجيب 10 مكانش لي يسالني؟؟؟ مهم والمهم ابن عمي أقصد سي السيد راه عارضني لعرسه؟؟؟تصوروووو؟؟؟أنا سألت زوجي قلتله روح قالي دبري راسك هدا ولد عمك وهي بنت عمك؟؟؟ وأنتم أخوتي ش تقولولي؟؟؟متقولوليش ديريله كادووووووو وروووحي ههههههه ؟؟؟أفيدووني مادا أفعل؟؟؟روح ولا مروحش والله غاضتني بنت عمي وجابني عليها النيف بصراحة

تحياااااااااااااااااااااتي


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

موقف صعيب صح ......بصح نورمال اشري زوج فيوزات وروحي باركي للمخلوق ماهوش ادير في حاجة حرام ومهما كان يبقى من اهلك ولا يجوز مقاطعته.

__________________________________________________ __________

>>>> الرد الثاني :

المشاركة الأصلية كتبت بواسطة j.p.sarter
موقف صعيب صح ......بصح نورمال اشري زوج فيوزات وروحي باركي للمخلوق ماهوش ادير في حاجة حرام ومهما كان يبقى من اهلك ولا يجوز مقاطعته.

يعني روح ونزيد كادوووووووووو؟؟؟والله لغاية؟؟ شكرا أخي على افادتك ومرورك

__________________________________________________ __________

>>>> الرد الثالث :

السلام عليكم
لوكان تروحي بنت عمك والله متنساهالك ابداً.......................................

__________________________________________________ __________

>>>> الرد الرابع :

المشاركة الأصلية كتبت بواسطة أم لجيـن
السلام عليكم
لوكان تروحي بنت عمك والله متنساهالك ابداً.......................................

وعليكم السلام أم لجين كيف حالك؟ شفتي حبيبتي حتى انا هدا ش راني نقول مروحش أحسن يعني مايحس بالجمرة غير لي كواتو مشكووووووورة حبيبتي

__________________________________________________ __________

>>>> الرد الخامس :

انا راي تروحى لبنت عمك احسن
هو راه فى حالة فرح وما اكثر المباركين
وهى تحتاج لمن يقف معها ولو بالكلمة الطيبة وخاصة انك قولتى انها يتيمة
باذن الله فى ميزان حسناتها ويعوضها الله بالاولاد خيرا
لا شئ يستحق الحزن
مجرد دنيا فانية لا تساوى طرف بعوضة