الخوف من الله ام من الناس؟

[admin]

عنوان الموضوع : الخوف من الله ام من الناس؟
مقدم من طرف منتديات العندليب

السلام عليكم يا جماعة الخير واش احوالكم تقبل الله صلاة الجميع دعواتكم للطفل ياسر ربي يرجعو لاهلو سالم إن شاء الله
يا جماعة يا ريت لو نتناقشو في موضوع عايشينو ونعيشوه في حياتنا اليومية وفي بيوتنا كلها لما نتصرفو اي تصرف غالط الاهل نتاعنا يلومونا على اساس الناس مثلا تقولك لالا ما ديريش همذا كلام الناس ما يقولولش حرام وخافي ربي وكذا وكذا لالا دايما عاداتنا وكلام الناس يهمنا اكثر من منزلتنا عند الله نتمنى ما تفهموش الامر سطحي الموضوع هام في مجتعنا نمدو اهمية كبيرة للناس وواش يقولو علينا اكثر من خوفنا من الله علاه هل لأانو نقولو الله غفور رحيم او لانو الناس عايشين معاهم ونخافو على مكانتنا وسطهم مع إنهم في كل الاحوال راحين يتكلمو مهما درنا واش رايكم يا جماعة من المفروض نخافو ربي قبل الناس او نخافو من الناس ومن عاداتنا النقاش لكم شكرا



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
اهلا ميري , الخوف من الله طبعا لكن لكن اغلب الناس تخاف من نظرت الناس لها و من كلام الناس لها تذهب لتصلي باش ميقولوش الناس هذا ميصليش يصدقو باش يقولو هذا انسان يصدق و و و و ونجدهم يخافون المسؤولين و الاخوة و لا يخافون الله
ربي يجيب ساعة الخير

__________________________________________________ __________

>>>> الرد الثاني :

كلامك كله درر وحكم بارك الله فيك وعند الحق بزاف ناس يخافو من كلام الاخرين مع ان الناس تهدر عليك وتنسى بصح ربي ماينساش ابدا
حسبي الله ونعم الوكيييل

__________________________________________________ __________

>>>> الرد الثالث :

المشاركة الأصلية كتبت بواسطة اميرة الجزائر2010 السلام عليكم اهلا ميري , الخوف من الله طبعا لكن لكن اغلب الناس تخاف من نظرت الناس لها و من كلام الناس لها تذهب لتصلي باش ميقولوش الناس هذا ميصليش يصدقو باش يقولو هذا انسان يصدق و و و و ونجدهم يخافون المسؤولين و الاخوة و لا يخافون الله ربي يجيب ساعة الخير

السلام عليكم اختي واش احوالك ربي يتقبل صلاتك وصلاتنا آمين
هذا اللي حبيت نوصولو بالموضوع نخافو من الناس نجرو نرضو الناس اللي هوما مهما درت ما يرضاوش ونخلو ربي يا ختي نقولك الصح بعد ربي ويمى ما على بالي بحتى واحد إلا اللي عندهم مكانة ختصة في قلبي نتقبل منهم النصيحة ونحب نسمعلهم لكن في حدود إلا إني نخافهم ونخلي ربي هذي محال شكرا اختي بار ك الله فيك

__________________________________________________ __________

>>>> الرد الرابع :

المشاركة الأصلية كتبت بواسطة ليلى خانم كلامك كله درر وحكم بارك الله فيك وعند الحق بزاف ناس يخافو من كلام الاخرين مع ان الناس تهدر عليك وتنسى بصح ربي ماينساش ابدا حسبي الله ونعم الوكيييل

السلام عليكم اختي إنت اللي حكيمة وكلامك جواهر ربي يبارك فيك
وي ختي للأسف نخافو من الناس حتى اهلنا لما يجو ينصحونا يقولك بالاكي ديري هكذا الناس ما ترحمش صح الناس ما ترحمش لكن ما ننساوش الناس لو بيدها الحياة والموت لكنا نتقاتلو واللي يكره واحد يقتلو وهكذا لكن ربي رحيم بعيادو وغفور والناس راهي قلوبها مليان حقد وكره ربي يستر برك شكرا اختي

__________________________________________________ __________

>>>> الرد الخامس :

اختي كلمة حرام راهي في زوال امام كلمة عيب
واللي يدير على كلام الناس فقط انسان ضعيف الشخصية
لانهم كيما قلتي هوما يهدرو يهدرو يمالا النسان يدير واش راه حاب وخليهم يغيطو حتا يشبعو ولا يلقاو موضوع اخر يهدرو فيه
انا ندير واش نحب وخليهم يتحرقو بالهدرة
مدام اللي رانا نديرو فيها مشي حرام كلامهم لا يسمن ولا يغني من جوع