عنوان الموضوع : انا في ورطةوحياتي كلها معلقة ساعدوني تم حل المشكلة
مقدم من طرف منتديات العندليب

]السلام عليكم . اريد ان احكي لكم قصتي وانتم اعطوني الحل وساعدوني
انا عمري 23 سنة تزوجت وانا في 21 خطبني واحد يخدم معايا كنت نعرفو من بعيد وكان يعجبني بصح هو كبير عليا كثيرا في السن ومطلق مرتو الاول وعندو معاها ولاد هو يلي مربيهم المهم منعرف واش صرالي ساعتها قبلت بهذا زواج وفي فترة الخطوبة حبيتو بزاف وهو ثانيومن بعد ماتزوجنا اول حاجة بطلني من الخدمة ومن بعد بداو يبانو المشاكل مع عائلتو عندو اختو مطلقة كذلك وعايشة معانا هبلتني هي وامو كانو يامروني ندير حوايج في الدار وانا بالحمل باه نخصر بنتي المنكر والويل شفتهم عندهم وظهرو بلي هوما يلي طلقولو مرتو الاول ماقدرتش نلوى هذا الشئ رجعت لاهلي وزادت بنتي في دار ماليا بصح هو كان ديما معايا لكن ماعندو حتى راي قدام ماليه وعدني باه نعيشو في بيت منفصلعنهم كان ابوه في فرانسا قالي حتان يجي ابي ولما رجع قالي لازم نتي تاني ترجعي للبيت ومن بعد نحلوها رجعت بعد5 اشهر وزادت بعدهنا يماه راحت وعاودو المشاكل مع اختو كي العادة حتان في الاخير حشت باباها باه يزعكني من دار رفدت بنتي ورجعت ومن يومها عندي6 اشهر وانا في دارنا درك هو كل يوم عندي ويقولي غير اصبري ويماه ضرك كي رجعت ولات تديرلي في التبهديل مع الناس برى تهدر فيا وفي ماليا وقالتلهم ما نعيا مطلقتها .عندهم دار ثانيا فارغة وجدناها كنا رايحين نسكنو فيا درك كل يوم تديرلو مشكل باه ما يروحش و في لخر قالتو انا الي نروح نسكن في هديك الدار الرايبة بصح الزم تخدمهالنا هذا اكل باه تكرهني .انا بالفعل كرهت وهو راه قاعد غير يتفرج فيا وانا نتعذب مني زوجت ماشفت لهنا عندو كون جا صح يحبني يخايني يصرالي هكذ وخاصة وان امكانياتو المالية جيدة .قولولي واش ندير ارجوكم حاس روحي رايحة نهبل[/size][/size][/size]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لاحول ولا قوة الا بالله


اختي بلاعقل شوي وتتحل المشكلة نتاعك

قولولي زوجك راهو راضي على تصرفات امو ولا واقف بجنبك انتي؟؟؟؟

ان شاء الله يفيدوك الاعضاء

ماتتقلقيش برك

كل مشكل عندو حل





تقبلي مرووووووووري اختي


__________________________________________________ __________

>>>> الرد الثاني :

اااااااه يا حبيبة قلبي والله ضاعت مني الكلمات..ما لقيت واش نقولك
تمسكي بربنا وزيدي اصبري شوية ع الأقل من أجل بنتك اللي لازم تكبر ف أحضان أمها وأبوها..
ادعي ربي وثقي بيه وأكيد ما رح يخيبك..ان بعد العسر يسرا..
لك دعواتي في ظهر الغيب أخيتي الغالية
*.*الصبر مفتاح الفرج*.*
..هذا اختبار ولازم تجتازيه بنجاح ..كل الاعضاء ف المنتدى جنبك عزيزتي
أختك سمر

__________________________________________________ __________

>>>> الرد الثالث :

السلام اختي
نعطيك نصيحة مدالبيك تولي للدار دار رجلك راكي في 6 اشهر بعيدة عليك بالاكي يخربوله في عقله وهدي مدة طويلة تخاي يوالف يبعد ومدابيك تكوني معاه وغير بلعقل راح تفرا قاع المشاكل
اول حاجة تديريها ترجعي للدار توقفي معاه اسكو هكاكا عهجوزتك تبقي تهدر فيك ......
ومن بعد حبة حبة طلبي عجوزك ولا دخلي مواليك ولا اهدري معاها تفاهموا
وادعي ربي يفرج عليك

__________________________________________________ __________

>>>> الرد الرابع :

إحمدي الله واشكريه على أن زوجك متمسك بك لأنه لا يريد أن يكرر خطأ الطلاق مرة أخرى ويبدو أنه يعرف أنك على حق وأهله على خطأ والدليل أنه يقول لك دائما إصبري ولا يقولها لا هله لانه يعرف انهم على خطأ والمشكلة فيك أنك حساسة وتسمعي لكل كبيرة وصغيرة وخصوصا عندما تتحدث حماتك للناس
أختي الكريمة لا يهمك الناس فالناس لاتنفعك ولا تضرك فهي كلما وجدتك تتأثرين بكلامها لك وكلامها للناس زادت أكثر في الكلام
أختي الكريمة عليك بالتجاهل والتغافل يعني دائما كأنك ماسمعت ماشفت خليها تتحدث فهي كلما تحدثت عنك زادت حسناتك وقلت سيئاتك وزادت سيئاتها وقلت حسناتها
لاتزيدي عذابا لزوجك فيكفيه عذاب الطلاق الاول وإلى متى وهو يطلق وييتم أولاده ضحي من أجل هذا الزوج المسكين الذي لازال متمسكا بك الذي من المفروض أن يعيش سعيدا بقي دائما يتردد على أذنه الا الطلاق الطلاق الطالاق
نعم إصبري كما قال لك زوجك فهذا هو سلاحه الوحيد واكثري من الدعاء فكلما طعت زوجك إستجاب الله لدعائك
وابحثي معه عن الحل المناسب معه وخصوصا له من المال مايكفيه وهنا مادام عنده المال لماذا لا تخططي انت معه من أجل شراء منزل مستقل لكما ولو سرا
اعلمي ان أمه لن تدوم ولا تفكري في الطلاق ولو كان مرة في بيت ابيه ومرة في بيت ابيك ولما لا تتحملي عودي الى بيت ابيك أما إذا كبرت البنت فهنا يجب أن تعيش بعيدة عن المشاكل حتى لا تتأثر وتتعقد وما دامت صغيرة فلايهم الان وأنت اتركي الحساسية الزائدة يعني السماع للقيل والقال فهو نقطة ضعفك الكبرى لان مشكلتك كلها قالت امه قالت اخته قال ابيه قالي زوجي
الله أعلم

__________________________________________________ __________

>>>> الرد الخامس :

يا اختي ماتسنايش بوقف في وجه يماه ..هادي jamais يديرها الراجل
حكايتك يا سبحان الله كانها حكاية ابنة عمتي الا ان زوجها توفيت زوجته و ابناؤه في زلزال بومرداس 2003 ...هي انهارت في البداية لكن لم تترك بيت زوجها ...
ارجعي الى بيتك لقد افسحت لهن المجال لتكبير المشكل ...
اتمنى ان تفرج في وجهك قريبا ...ربي يهنيك ان شاء الله