عنوان الموضوع : تقعد هاك...ولا معريفة...ولاسعفية...ولا رشوة ...وأنت خيّر المهم ندعولك تم الاجابة
مقدم من طرف منتديات العندليب

السلام عليكم ورحمة الله وبركاته

أود أن أنقل لكم مايدور بداخلي فيأعضاء المنتدى أدلوا بدلوكم لعلّ الأمر يخفّف عنّي

ولكم مني جزيل الشكر

سأحكي لكم وأنا لا أدري من أين أبدا

أأبدأ من نظرتي للمجتمع كيف كنت أنظر إليهم...........وكيف انقلب الأمر..........وأصبحوا هم ينظروا إليّ ..

..........................................
في صغري أيام الدراسة الإبتدائية والمتوسطة .............كنت أقول لما فلان وفلان وفلان لا يعملوا إنهم يحبون الفشل


يحبون الكسل..لا يحبون الخير لأنفسهم فكيف يريدون الخير في الغير..............كانت نظرتي على أن العمل متوفر

والعاطل عند العمل ماهو إلا متقاعس ......تدوووور الأيام ....ونكبر ونتخرج من الجامعة ..........ويبدا الواحد في الإستنتاجات .................

.............................واستنتجت أن العمل ماشي وارواح وقول راني خدّام ..لازم اليل

بالنهار وماانعرف لتلقاه .....................واستنتجت بلي هناك ناس ماعلابلهمش لا بالحلال ولا بالحرام المهم يخدم ويجيب الجورني

لكن أنا ماحبيتش نكون مثلهم .....حاب نفرض روحي كي ما فرضوا رواحهم ..بطرقهم الخاصة ..لي حبها الخدمة بالرشوة ولا بالغش ولا بطرق آخرى...............وهنا مانحكيش خير على واش صرى في إحدى المسابقات التوظيفية .........كوارث الغش ..ربي يهدي

أنا نحبها تكون حلال نجيبها بعرق جبيني ..بعد التوكل على الله طبعا ...... ورغم قله السالكين مازلت مصرّا على هذا الدرب .....ووفّق كل من سار عليه

والعجيــــــــــــــــــــــــــــــــــــــــــــ ـــــــــــــــــــــــب
..........تعرفوا.................وليت مضحكة أمام الناس

لكن سامحهم الله

أتدرون مايقولون لي

والله ليس واحدا وليس اثنين وليتهم كانوا عشرة فقط والله العشراااااااات


كلمة وحدة

تقعد هاك هاك أنت يا ميلود
تظن بلي تجيب الخدمة من عند الدولة ساهلة

واحد آخر

ياميلود يهديك ربي لازمك سعفية صحيحة

واحد آخر

يا ميلود شوف المعارف ماتحبسش وإلا راك شاد الحيط

وواحد آخر

تربح عشرة في الدشرة ههههههههههههه بعقليتك

أما أحسنهم قولا

يا ميلود والله صعيبة

وقلّة القليل تقول

إن شاء الله تنجح ياميلود رانا ندعولك...............


مانيش عارف واش رايح نقووول من هدرتهم لهبطت وزني ووليت فراشة ...لكن سأنتقل إن شاء الله للمرحلة الآخرى

لكن أح نقول عناصر
1- كاين ربي والحمد لله
2- للمسؤولين أشبعوا بالمنصب ....والحمد لله...ليس الرزق محصورا في العمل عندكم
3- للشعب ربي يهديكم....وجازى الله كل من وقف معي

وفي الأخير

الحمد لله ابن مدينة....وعاشرت وشفت وحوّست وخالطت وفاهم

والخدمة ماشي عند الدولة لي تخليني حرايمي نسعى من أجل العمل وفقط

الحمد لله كاينة التجارة وراني نخمّم باه نفتح محل .........المهم الدعاء

وأعلم أنّا أمثالي كثر

ووفق الله الجميع لمايحبّه ويرضاه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بالنسبة للنظرة نتاعك لما كنت أيام الإبتدائية والمتوسطة
راهي صحيحة 100 بال 100
لخاطر بكري كان الإحتياج بزاف
زعما ذرك تلقى واحد قاري في السبعينات يقلك مزال ملقيتش الخدمة؟؟؟
مكانش منها
بصح ذرك
الناس ليها ليها راها تطبع
وكل واحد ماهوش حاكم البلاصة اللي يستهالها

السعفة والقهوة ربي يستر منهم
ومستحيل يخمم فيهم الواحد
على خاطر كل واحد كاتبلو ربي رزقو
مش شرط حتان يروح يرشي
***
**
*
عندهم الحق اللي يقولولك الخدمة ماش راح تجيك وانت قاعد
بصح مش بالرشوة باش تجيك
كاين طرق أخرى
وأنت وزهرك في الدزاير
وهذي الكلمة ديما نقولها لأخي "حفظه الله"
عندو 6 سنوات أو أكثر خريج جامعي
وراه لا خدمة لا هم يحزنون



الواحد يظل شر
ولا ياكل ماكلة فيها الرشوة
ربي يفتح عليك إن شاء الله
وميهمكش في كلام الناس
لخاطر اللي يسمع للناس ميعيشش

__________________________________________________ __________

>>>> الرد الثاني :

المشاركة الأصلية كتبت بواسطة imi02i
بالنسبة للنظرة نتاعك لما كنت أيام الإبتدائية والمتوسطة
راهي صحيحة 100 بال 100
لخاطر بكري كان الإحتياج بزاف
زعما ذرك تلقى واحد قاري في السبعينات يقلك مزال ملقيتش الخدمة؟؟؟
مكانش منها
بصح ذرك
الناس ليها ليها راها تطبع
وكل واحد ماهوش حاكم البلاصة اللي يستهالها

السعفة والقهوة ربي يستر منهم
ومستحيل يخمم فيهم الواحد
على خاطر كل واحد كاتبلو ربي رزقو
مش شرط حتان يروح يرشي
***
**
*
عندهم الحق اللي يقولولك الخدمة ماش راح تجيك وانت قاعد
بصح مش بالرشوة باش تجيك
كاين طرق أخرى
وأنت وزهرك في الدزاير
وهذي الكلمة ديما نقولها لأخي "حفظه الله"
عندو 6 سنوات أو أكثر خريج جامعي
وراه لا خدمة لا هم يحزنون



الواحد يظل شر
ولا ياكل ماكلة فيها الرشوة
ربي يفتح عليك إن شاء الله
وميهمكش في كلام الناس
لخاطر اللي يسمع للناس ميعيشش

جزاك الله خيرا
إن شاء الله يفتح عليا كما قلت

وأكيد لن أسمع للناس.......................سوى من أثق فيهم............................3a

واعلم أنها مسألة وقت ..............والواحد يصبر هذا ماكا


اوبارك الله فيك لمعرفة رايك

__________________________________________________ __________

>>>> الرد الثالث :

من ترك شيئا لوجه الله عوضه الله غير منه

__________________________________________________ __________

>>>> الرد الرابع :

يا الميلود الرزق على ربي ولكتبلو خبزة يديها بالرشوة ولا بلا بيها
الحمد لله على الرزق لحلال

__________________________________________________ __________

>>>> الرد الخامس :

المشاركة الأصلية كتبت بواسطة amall
من ترك شيئا لوجه الله عوضه الله غير منه


جزاك الله خيرا