عنوان الموضوع : محتارة ومحتاجة رايكم مشكلة
مقدم من طرف منتديات العندليب

السلام عليكم يا جماعة صحا فطوركم
يا جماعة حبيت نستشيركم في امر حدث اليوم قلقني وراني حايرة انا كنت مخطوبة منذ مدة طويلة ولكن خطيبي توفي رحمه الله شهران قبل زواجنا ومرت الآن قرابة 7 سنوات من وقاته الخاتم مازال هو هو في يدي وما قدرت نقبل بحتى واحد لانو اولا مريضة وما نقدرش نتزوج وأيضا لأنو مازال معاه في راسي وفي فكري وفي كل شي عارفة تقولولي هذا مات لكن الله غالب
المهم المشكل وين انا مازلت على علاقة طيبة مع اهلو والدتو إنسانة رائعة حقيقة ونعم الام ليه وليا يعني شهادة لله أتحبني بزاف ومازالت تزورني وتجيني فالعيد وكل شي ومازال نقولها يمى لكن اليوم إتصلت بيا وقالت إنها جايا تزورنا رحبت بيها وقلتلها مرحبا راني فالدار انا ويمى تخيلو علاش جاية قاتلي لالا ما راهيش زيارة عادية راني جاية نخطبك لفلان اللي هو اخ خطيبي تصدمت حقيقة هذي محال لوما توفى خطيبي لو راه خويا كيما خوه محال نتخيل روحي متزوجة باخ خطيبي من المستحيل فهمتها قلتلها راكي عارفة مريضة ومخلاتنيش نهدر قاتلي عادي كلنا مراض وراه عارف وباغياتك إنت قلتلها لما تجي نهدرو قلتلها لكن ما نقبلش زعفت وقاتلي دعوة الخير عليك وراكي عارفة باللي كنت نحب المرحوم وماذابينا تكوني فالدار كيما كان متمنى هذا محال يا جماعة محال نفكر نتزوج بخوه وزيد والله ما نحب نزعفها نقول لو هو حي راح يزعف عليا لو نزعفها واش ندير كيفاه نقتعها بلاما تزعف عليا غدوى تجي واش ندير دبرو عليا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم صح فطورك اختي مريم الصابرة والله ماني عارفة واش راح نقدر نقلك لكن حابة نقلك كيما يقولو اخوتنا المصاروة الحي ابقى من الميت وهو مات ربي يرحم لازم تعيشي حياتك انت كيما كتبهالك ربي ربي التفتي لنفسك ممكن راه ربي حب يعوضك على صبرك ووفاءك لخطبيك السابق
انا واش نقول الاختي صلي ركعتين صلاة الاستخارة وراه ربي ميخيبكش
واذا كان مرضك ربي يشفيك ان شاء الله ميعيقكش على الزواج اتكلي على ربي ووافقي

__________________________________________________ __________

>>>> الرد الثاني :

صح فطورك اختي
ما لقيت واش نحكي
القرار الاول و الاخير ليك انت
استخيري ربي و ربي يفرج عليك ان شاء الله

__________________________________________________ __________

>>>> الرد الثالث :

ربي يسر امرك ان شاء الله انا رأيي تفوضي امرك لربي وتصلي استخارة ومديريش المرض تاعك سبة مدام هو عارف وقابل وزاد هو رايدك وامو تحبك وكاين لي زوجو ودخلو بيهم وتوفاو ونساهم دات خوتهم عادي وعايشن كثري من الاستخارة برك

__________________________________________________ __________

>>>> الرد الرابع :

السلام عليكم و صح فطوركم ....اختي الحبيبة هذا موقف ما تتحسديش عليه ربي يسهلك و يدلك لطريق الخير شوفي والديك و استخيري ربي حتى و هي حاجة صعيبة بزاف و كاين بزاف اللي يقبلو و يعيشو هانيين المهم انت تكوني مقتنعة به هو كشخص ربي يقدملك الخير

__________________________________________________ __________

>>>> الرد الخامس :

صلي صلاة الاستخارة أختي
و خطيبك مات ربي يرحمو
أنا عندنا جارنا توفى و زوجتو كانت كي غير وين جابت طفل
و بعد ما مات تزوج بيها خوه

خاطر كيما قالتلك عجوزتك إنت عاجبتهم
بالصح إذا كنت عارفة روحك راح تظلمي هذا الشخص
ما تقبليش و إعتذري أنو ما تقدريش تتزوجيبيه و خلاص

أما بالنسبة للزواج بآخر لازم تنحي عليك الخاتم و م اترفضيش اللي يتقدملك أختي
والله نهانا عن التبتل
ربي يسرلك ما فيه خير لك