عنوان الموضوع : المشكلة اني كرهت الدراسة مشكلتي
مقدم من طرف منتديات العندليب

السلام عليكم ورحمة الله وبركاته
انا طالبة جامعية سنة ثانية جامعي، راني كرهت القراية ماعلاباليش علاش لانو راني دايرة في راسي بلي نقرا ومانلقاش الخدمة (نخدم قبل الزواج لاني مانحبش نخدم بعد الزواج)لانو درك مين راني نقرا المواد اللي راني نقراهم غير شكيل ومافيهمش فايدة حتى اني مين ندخل للمحاضرة قلبي يولي مزير والله كرهت ، للعلم اني كنت ممتازة ومجتهدة عندما كنت في الثانوي وتحصلت على معدل جيد وحبيت نقرا مدرسة عليا للاساتذة وماعطاوهاليش راكم عارفين قبلوها بمعدل 16، بصح على حساب ماسمعت كاين جابومعدل 10 ودخلولها يعني بالعرف، لاعلينا راني نبغي نقعد في الدار بزاف حتى وصلت نقول لماما كرهت لقراية وحابة نبلوووكي العام بصح راني خايفة نندم اذا ماكملتش، للعلم اني كل يوم نروح للدار يعني مانباتش في الاقامة، الجامعة بعيدة علينا ب35 كلم، حبيت ندير كونكور تاع مساعد تربوي لكن ماداروهش، حتى وصل علي الحال وقلت لماما راني حابة نتعلم خياطة لانو الخياطة تلهيني وتعمر الفراغ بصح على القراية واااااااالو
مين كنت في الثانوي كنت نعرف كل اللغات ونتحدث بهم بكل طلاقة ومين طلعت للجامعة تبلعت يعني راني مانعرف والو
سمحولي طولت عليكم
اتمنى انكم تنصحوووووني
جزاكم الله عنا كل خير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يهديك


اهم شئ هو الشهادة الي راح تحتاجيها لا محالة

ان ماكان في خدمة

في اغراض اخرى تاكدي من ذلك


موفقة

__________________________________________________ __________

>>>> الرد الثاني :

ايه فحلة من طالبة جامعية الى خياطة ؟ راكي تسالي لكان تندمي كون تبلوكي ، انا انقولك تندمي اكيد ، لقراية هي كلش يا اختي لازم تتحصلي على الشهادة و منبعد يرحمها ربي .لكان انت تخمي تبلوكي لاني راهم كاين ناس ماقدروش حتى يتحصلو على الباك مساكن .امالة احمدي ربي على النعمة لي عطاهالك . و اقراي لمعودتين و سورة البقرة يوميا وربي ينجحك ان شاء الله و يبعد عليك بنات السوء

__________________________________________________ __________

>>>> الرد الثالث :

السلام عليك أختي شوفي أختي لوكان تتخلي على دراستك الجامعية راكي رح تندمي السبب لي خلاك تخمي باش تخلي قرايتك هو أنك حاطة بيلي مش راح تلقاي خدمة يعني راكي تثبطي عزيمتك على الدراسة بنفسك أصلا وش يهمك تلقاي خدمة ولالا الخدمة خليها على ربي كي تكون مكتبتلك تجيك لباب دارك المهم هي الشهادة و أحمدي ربي علا خاطر مشي الناس كل قدرو يدخلوا للجامعة بالتوفيق أختي

__________________________________________________ __________

>>>> الرد الرابع :

السلام عليكم............يا اختي العزيزة اتمنى لو تفكري بعقلانية..........انت الان سنة ثانية وعلاش راكي تخمي من دوكا في الخدمةمازالك مشوار كبير وعلا ش ماتقوليش انا ندرس ما نتحصل على دكتوراه اسمعي الرزق او الخدمة بيد ربي سحانه وتعالى.....انت درسي من اجل الدراسة.......فقط والباقي خليه على ربي......اسمحيلي هذا تفكير تاع واحد جامي تعلم.........اسفة ارجو ان تغيري افكارك وتوكل على الله.......وعلمي اذاكنت متحصلة على شهادة الدكتوراه وربي ماكتبلكش الخدمة.........واش راكي رايحة تعملي؟؟؟؟؟؟

__________________________________________________ __________

>>>> الرد الخامس :

راكي تحكي من عقلك ؟؟؟


اصلا السنة الجامعية راهي غير وين بدات حنا درك عادا وين قلنا بسم الله ونتي بديتي تقلقي


تبانلي عين وصابتك غير اجري ارقي روحك واقرى البقرة

ربي معاك ختي