عنوان الموضوع : استشارة عاجلة من فضلكم
مقدم من طرف منتديات العندليب

السلام عليكم
ايها الاعضاء انتم والله اعلم بما في قلبي بمثابة الاخوة والاخوات لقلبي واني الجا اليكم انتم اولا ان صادفتني اية مشكلة وهده المرة اريد الاستفسار عن امر + النصيحة وهي حادثة حدثت مع امي وابوها اللي هو جدي وارجوا منكم عدم نقل الموضوع لاهمية الردود بالنسبة لي
المهم
توفيت جدتي مند 5 اشهر الله يرحمها موراها بشهرين جدي حب يعاود يتزوج وبما انوا امي هي الكبيرة فيهم قرر انوا يكلف امي بالبحث مع العلم انها مازالها تبكي على ماني الله يرحمها وقالها ادا ماحوستيليش مانسامحك لادنيا لا اخرة ونموت غضبان عليك المهم مع جدي كاين مرت خالي رافداتوا والحمد لله لكن هو حب يتزوج وفي عمروا 83 سنة كي لقات ماما المواة قالت انوا شرطها يكون سكن مستقل وجدي قال انوا يكتب جميع املاكو للزوجة المستقبلية والله الهدرة تاعوا تقول واحد في عمروا 20 سنة نديرلها نديرلها ...........خوالي اول المتضررين بماانهم معاه فالسكنة قالهم شوفوا وين تسكنوا وبداو المشاكل
ماما راهي في صراع خاوتها قالولها راح تخربينا حياتنا
جدي قالها مانرضاش عليك حبيت نعرف راي الشرع ورايكم انتو
ماما راهي في حالة مايعلم بيها غير ربي
ان شاء الله تفهموا القصة وتعانوني انا خفت نقولها ماتزوجيهش وتربح دعوة من والدها بسبتي وخفت نقولها زوجيه خاوتها وخياتها يقطعوا معاها الصلة
ارجوكم اعطوني ارائكم
انا في الانتضار
شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله غير مشكل عويص لازم ماماك اتضيعلو الوقت بلا ما ايحس كل مرة وكيفاش مرة مازلت انحوسلك مرة م علاباليش واش يعني جدك راح ايخسر اولادو ماديا ويرحل الا ادا ما نفدش واش قال وكتب لعرستو كلشي وحبيت نسالك كيفاش علاقة جدك مع اولاده وحتى مع المرحومة هدا قد يسهل التحليل للاعضاء

__________________________________________________ __________

>>>> الرد الثاني :

المشاركة الأصلية كتبت بواسطة زهورالفل
والله غير مشكل عويص لازم ماماك اتضيعلو الوقت بلا ما ايحس كل مرة وكيفاش مرة مازلت انحوسلك مرة م علاباليش واش يعني جدك راح ايخسر اولادو ماديا ويرحل الا ادا ما نفدش واش قال وكتب لعرستو كلشي وحبيت نسالك كيفاش علاقة جدك مع اولاده وحتى مع المرحومة هدا قد يسهل التحليل للاعضاء

والله ياختي المشكل الكبير انوا جدي اخوالي هوما بناولوا وداروا كلش وماحبوش يرحلوا لانوا ماني الله يرحمها كانت تحب ولادها دايرين بيها وهو ماعندوش retret ولا والوا الحوانت برك اللي ربي شاهد داروهم خوالي مام البنيان وماما راهي دوك في 5 اشهر وهي كل مرة تعطلوا بصح هو هبلها وزيد شرطها تكون ماتفوتش 40 سنة راح يهبل ماما وخوالي ورانا خايفين بزاف نص يقولك حرام عليها ونص يقولها بقالوا الماء يحمى حرنا على هدي جيت ليكم قلت نشوف اراء ممكن جدا تفيدني
علاقتوا كانت مع خوالي اكثر من جيدة لكن سبتها كي يصلي الامام قالوا اتزوج ودخلتلوا في راسوا
مشكورة اختي على الرد

__________________________________________________ __________

>>>> الرد الثالث :

راي الشرع ورايكم انتو

رأي الشرع

شوفي شكون يسقسي امام ثقة عندكم او أتصلي بالبرنامج اللي في التلفزيون

من الاحسن حتى واحد يمد رأي الشرعي

__________________

رأيي انا

قولي لماماك تقولو راني نحوس مازال مانقيتش و تقولو خليني انا اللي نحوس لك عليها و تقنعو بحجة

و اخوالك بالحنانة و الأدب يهدوا مع الاب و يقولوا اتزوج و حنا نحوس معاك على الزوجة و لكن تاني مانقدروش نخرجوا من الدار
و الا يقسم في حياتو أحسن و يخرجوا و هو يدبر راسو

__________________________________________________ __________

>>>> الرد الرابع :

شوفولوا امرأة أخرى ماهيش طماعة.

__________________________________________________ __________

>>>> الرد الخامس :

و الله هدا مشكل ناع قاع شيوخة.كي كبرو يخرفو.و انا شفت عدة حالات مثل هدا و نعرف شيخ تزوج في هدا العمر و انجب طفل و بنت و توفى بعد دلك و بقاو الاولاد يتامى بدون معيل.و كدلك شيح اراد ان يتزوج و عمره 85 سنة و زوجته توفيت مند اقل من سنة.رب يهدي ما خلق.احنا رانا شباب و ما قلناش نتزوجو.و رب يفك مشكلكم