الخيال والواقع من المجتمع

[سضكضق]

عنوان الموضوع : الخيال والواقع من المجتمع
مقدم من طرف منتديات العندليب

السلام عليكم يا جماعة صحا فطوركم
اليوم يا ريت نتناقشو على موضوع الخيال الإنسان بطبعو طموح ويحلم بزاف نلقاو الشباب يحلمو بالسيارة والفيلا والمرأة الجميلة وووو أشياء بزاف ومن كثرة الأحلام اللي ممكن ما تتحققش وحتى لو تتحقق يتحقق امر واحد بعد الحلم يتحول إلى مرحلة الخيال
مرات الخيال يكون واقعي راك قاعد فالنهار ما تحتاجش للرقاد تكون تخمم في حاجة حتى تلقى خيالك راح لبعيد نسموه الخيال نرسموفي اذهاننا صورة للمستقبل او لذاك الحلم اللي حلمناه
نفطنو على واقع مرير لا امامنا ولا ورائنا وهي فالحقيقة الصحة هي راس المال وهي الكنز والدين ورضاية الوالدين هوما الصح لكن كلام على ورق الآن مرات نشوف شيخ يدعي لشاب بالصحة وبالخير يقولو لالا الدراهم خير من دعوة الخير
يعني فرق كبير بين الخيال وواقعنا كاينة حاجة لاحظتها إحنا الجزائريين لما ناكلو البقوليات بزاف العدس اللوبيا العجائن الماقارون السباغيتي نحلمو واحد الاحلام بقرة تجري موراك كلب حاشاكم يعض فيك الواد والحملة مغرقاتك ولما ناكلو اللحم والستاك الله الله ماكان والو ما نحلموش انولي
الاوروبيون مهنيين راضيين بواقعهم ويحبو العمل والتطبيق يحلمو بالنوار والحدائق والروائح
خيالنا مرتبط باحلامنا
واش رايكم وين مرات يديكم خيالكم واش تتخيلو فرغو قلبكم لمريومة راني عارفة راني من جماعتكم شكرا وبارك الله فيكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا صح فطورك ...ما كان علاه تروحي بعيد ههههههههههه.

صحيح أختي مريم كيمايقولو اللي ما شرى يتنزه .......و اللي طلب ربي يطلب الفردوس ...علابيها اللي يحلم يحلم بحاجة ما يقدرش يوصلها ....ماكان علاه يغبن روحو حتى في الأحلام

__________________________________________________ __________

>>>> الرد الثاني :

هههه عجبتني تاع البقوليات هههه
اذا ركي على الامنيات الدنيوية يا حسراه لا تحصى
باختصار معيشة الأغنياء تاع المسلسلات .. وخااااااااااااااااصة هاذوك لي كي تنفحلهم ياكلو وللا يشربو حاجة يلقاوها في الفريجيدار واجدة
وحاجة اخرى انا نشتي التحواس بالصح منشتيش الخطرة .. وعليه..ههه.. نتمنى تكون طيارة خفيفة توصلني وين نحب بلا ما تدي وقت

.........
بالصح لي راني حابتها هاذ ليامات نسمن شوي برك نزيد 5 كيلو برك
...
والحمدلله
صدقيني مريومتي مكاش خير من الصحه و العافية و الهنا
يلعن بوها دراهم مقابل الصحه و الهنا ... شوفي الواحد تدخلو في صبعو شوكة برك وش يصير فيه
يا رب اعطينا الصحه و العافية و الهنا

__________________________________________________ __________

>>>> الرد الثالث :

السلام عليكم

راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان

بلاك راني دايخ بيا الصيام والخدمة ................على الاقل نتخيلو خير من مكانش

تقبل الله منا ومنكم الصيام والقيام

__________________________________________________ __________

>>>> الرد الرابع :

المشاركة الأصلية كتبت بواسطة الواثق السلام عليكم راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان بلاك راني دايخ بيا الصيام والخدمة ................على الاقل نتخيلو خير من مكانش تقبل الله منا ومنكم الصيام والقيام

ان شالله يصير وش قلت

.......................
اين ردي من ردك ..... احرااااج

__________________________________________________ __________

>>>> الرد الخامس :

المشاركة الأصلية كتبت بواسطة الواثق السلام عليكم راني نتخيل في في رجوع هيبة الاسلام ................وياترى من يفتح القدس ؟؟؟.....................وياترى هل سنشهد لمعركة حسم مع الغرب الذي استباح كل شيء عندنا حتى انه استولى على عقولنا ؟؟؟.....................راني نتخيل نمشي في الشارع مكانش التبرج ................. المدارس والجامعات ليست مختلطة ...............المرأة محترمة ومصونة في عملها ودراستها وكذلك الرجل ...................مساجد مملوءة بالمصلين ......................العدل في كل شيء ..................وووووو..................والله المستعان بلاك راني دايخ بيا الصيام والخدمة ................على الاقل نتخيلو خير من مكانش تقبل الله منا ومنكم الصيام والقيام

زعما يتحقق ادا يتحقق ............................ مام انا هدا هو خيالي اختي ليليا