عنوان الموضوع : سؤال خطر على بالي للمقبلات على الزواج من المجتمع
مقدم من طرف منتديات العندليب

السلام عليكم حبيت نسقسيكم و خاصة البنات المقبلات على الزواج
هل راهي منتشرة عندنا عقلية مين تشري حاجة مثلا ذهب او فراش او ادوات منزلية او اثاث تطلبي un bon من عند البائع و تكتبيه باسمك


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذا سراق للاسف ربي يهديه

__________________________________________________ __________

>>>> الرد الثاني :

المشاركة الأصلية كتبت بواسطة la perle noir
السلام عليكم حبيت نسقسيكم و خاصة البنات المقبلات على الزواج
هل راهي منتشرة عندنا عقلية مين تشري حاجة مثلا ذهب او فراش او ادوات منزلية او اثاث تطلبي un bon من عند البائع و تكتبيه باسمك
في حالة لا قدر الله و صرى طلاق تسترجعي ممتلكاتك بالقانون
راني نحكي لانو شفت بنت عمي مين طلقت قاللها زوجها معندك حتى حاجة عندي قالها جيبيلي الدليل بلي انتي شريتيهم



وعليكم السلام

انا و الله شفت بزاف هدي الظاهرة نتاع يمدلهم un bon
بصح ماسقسيتش علاه

لكن راهي فكرة هايلة لان حتى و ان كان الطلاق ابغض الحلال عند الله ومانتمناوه حتى لوحدة
لكن الاحتياط واجب


__________________________________________________ __________

>>>> الرد الثالث :

السلام عليكم اختي
واش هذا العجب ثاني إسمحيلي اختي كيفاه ديري بون على صوالحك اللي تشريهم هذا راح يكون راجلك كان ما راكيش راحا ديري ثقة فيه علاه راحا تتزوجيه نهو امنك على حياتو ومالو واهلو وإنت ديري بون على تقاهات الحياة ربي يهديهم ما تعاندي لا بنت خالك ولا بنت عمك اختي ديري النية وغن شاء الله زواجك يدوم للموت وحتى لا قدر الله وصرا طلاق يا اختي كل شي بالتراضي وما نظنش كاين رجال يديرو هكذا هذا راه واحد فالألف وممكن بنت خالك او عمك هذي ضراتو بزاف اختي دراها زكارة ما تبعيهاش وماكانش منها هذي جامي سمعت بيها اول مرة يا حوجي عليها الرجال كرهو الزواج ربي يكون معاهم شكرا

__________________________________________________ __________

>>>> الرد الرابع :

الله يحفظ ويستر تفكرو في الطلا ق قبل الزواج

شكون هذا الغبي ليتزوجكم


__________________________________________________ __________

>>>> الرد الخامس :

المشاركة الأصلية كتبت بواسطة مريم الصابرة
السلام عليكم اختي
واش هذا العجب ثاني إسمحيلي اختي كيفاه ديري بون على صوالحك اللي تشريهم هذا راح يكون راجلك كان ما راكيش راحا ديري ثقة فيه علاه راحا تتزوجيه نهو امنك على حياتو ومالو واهلو وإنت ديري بون على تقاهات الحياة ربي يهديهم ما تعاندي لا بنت خالك ولا بنت عمك اختي ديري النية وغن شاء الله زواجك يدوم للموت وحتى لا قدر الله وصرا طلاق يا اختي كل شي بالتراضي وما نظنش كاين رجال يديرو هكذا هذا راه واحد فالألف وممكن بنت خالك او عمك هذي ضراتو بزاف اختي دراها زكارة ما تبعيهاش وماكانش منها هذي جامي سمعت بيها اول مرة يا حوجي عليها الرجال كرهو الزواج ربي يكون معاهم شكرا

انا نعرف فتاة و الله ما شاء الله تزوجت واحد في الظاهر كي تشوفيه تقولي منه مكاش تزوجها بعد شهرين و الله بلا ماتديرله والو حاوزها بلا حوايجها
قلنا اكيد المرأة لازم تدير النية من نهار لول
لكن الاحتياط واجب