عنوان الموضوع : ايــام اعلاميــة تختتم ببــحّة الوزير علــئ المبــاشر
مقدم من طرف منتديات العندليب

ســلااااااااام



كامل تسمعوا و تعرفوا و ممكن حتئ تتابعوا الحملة الاعلامية اللي راهي تنظمها الاداعة الوطنية تحت عنوان " بــركــات " و اللي هي حول التقليل من حوادث المرور و ما يسمئ اصطلاحا بارهاب الطرق الذي حصد و لا زال يحصد المهم هي كانت ثلاث ايام مفتوحة حتئ علئ الاداعات الجهوية لكن ان تختتم هذه الحملة باستضافة وزير النقل السيد عمار تو في الحصة الصباحية لقاء اليوم علئ الاذاعة حدث ما لم يعلمه الكل

فقد السيد المستضاف صوته الشحروري الشجي و اصيب ببحة علئ المباشر مما اجبر طاقم الاذاعة علئ بث اغاني تفاديا للخلل المفاجيء .

تعب اتي علئ وزراء طاب جنانه في الوقت المناسب ...

اكيد مقصودة !!!

السؤال : الئ متئ يرتقي مجتمع بكامل مسؤولياته و يكون قادر علئ المواجهة هذا بالنسبة للشطر الثاني ؟
بالنسبة للشطر الاول هل ترئ انو الايام الاعلامية هذه قادرة علئ تغيير الوضع مع العلم انو الكل معني بها ؟


ســلامتــكم


BAROUD


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
بالنسبة ليا الايام التحسيسية يمكن يكون عندها دور كي تكون في بعض المواضيع لي يجهلها العامة خاصة في مجال الصحة
انا بالنسبة لحوادث المرور انا شخصيا يباني ماتقدر دير والوا خاطر رانا كامل علبلنا واش هي اسباب هذي الحوادث و كيفاش نقدرو نحدوا منها و كل واحد فينا علابالو واش هي مسؤولياتوا اتجاه هذه الظاهرة
انا نتباع حصة كل يوم الاثنين و ثلاثاءو كي جيت نسمعها و لقيت يهدرو على حوادث المرور انا معجبنيش الحال و نفس الشيئ سرالي اليوم
دمتم في رعاية الله و حفظه

__________________________________________________ __________

>>>> الرد الثاني :

المشاركة الأصلية كتبت بواسطة سعاذ
السلام عليكم
بالنسبة ليا الايام التحسيسية يمكن يكون عندها دور كي تكون في بعض المواضيع لي يجهلها العامة خاصة في مجال الصحة
انا بالنسبة لحوادث المرور انا شخصيا يباني ماتقدر دير والوا خاطر رانا كامل علبلنا واش هي اسباب هذي الحوادث و كيفاش نقدرو نحدوا منها و كل واحد فينا علابالو واش هي مسؤولياتوا اتجاه هذه الظاهرة
انا نتباع حصة كل يوم الاثنين و ثلاثاءو كي جيت نسمعها و لقيت يهدرو على حوادث المرور انا معجبنيش الحال و نفس الشيئ سرالي اليوم
دمتم في رعاية الله و حفظه

شكر لك الاخت سعاذ
معليهش ابقاي متابعة لانو الحصة علئ المباشر و تصبب العرق البارد علئ المستضافين
بالنسبة للموضوع الكل يرمي الكرة الئ مرمئ الغير وزير النقل يقول لالا وزارة الاشغال العمومية هي السبب و تبرر انو وزارة الداخلية تفتقر للمنظومة القانونية و تقول انو وزارة الاعلام مقصرة بزاف في ذلك من جهة اخرئ قالت وزارة الصحة والله ما قدرت و تبقئ ماشية هكذا
العنصر البشري كما قلت انت هو الرئيسي لانو كلنا نعرف بعضانا و نعرفوا القانون غير اذا حبينا نتعوجوا و نديروا رواحنا منعرفوش و عليه التغير لازم يبدا من الذهنيات لااااااازم لانو الوضع اصبح لا يسر و الاحصائيات رغم ارتفاعها
الا !!!!!!!!
ف الجزائر حضيرة السيارات تقارب 4 مليون سيارة و حوادت المرور يقل بكثير عن حوادت فرنسا التي بها حضيرة سيارات يفوق نصف سكان الجزائر
واش جاب هذا لهذا !!!
اين الخلل
اين الحل

__________________________________________________ __________

>>>> الرد الثالث :

السلام عليكم
كيما قلتها انتيا المشكل في عقولنا لي مركبين بالمقلوب عندنا نديرو سنتولرا باش مانديوش بروسي ماشي باش نحميو روحنا و حجا تاني لحظتها عندنا بزاف انو كي يكون كاين باراج لي يحطوه في مناطق حساسة باش يحكمو لي يخالفو قانون المرور خاصة ظهرة التجاوز في المناطق الممنوعة تلقاي اصحاب السيارات لي عقبو على باراج ينبهواصحاب السيارات القادمة باش مايجوزوش و هكظا الباراج لي داروه مافيه حتى فايدة و اصحاب السيارات يحترمو القانون ظاهريا فقط
دمتم في رعاية الله و حفظه

__________________________________________________ __________

>>>> الرد الرابع :

الحملات التحسيسية حول حوادث المرورليس لها جدوى إذا ما لم نتخذ إجراءات أخرى ردعية مثلا

__________________________________________________ __________

>>>> الرد الخامس :

المشاركة الأصلية كتبت بواسطة رجل الفضاء
الحملات التحسيسية حول حوادث المرورليس لها جدوى إذا ما لم نتخذ إجراءات أخرى ردعية مثلا

القوانين اصبحت تعتمد علئ الردع بشكل مقصود لكن ماذا لو علمت انو المتسببين ف حوادث المرور يدخلوا للحبس من التاقة و يخرجوا من الباب
اذا قلت له فدية مثلا 100 مليون هو يعطيك 200 مليون
اذا سحبت منه الرخصة الصباح يرجعخا العشية
تلقئ طفل صغير يسوق لانو باباه qqu واحد ما يوقفه
اذا قال الامام قتل النفس حرام ف الخطب كل الناس يقولوا نعرفوها
اذا عملوا ايام تحسيسية يقولك الناس فارغة شغل ف البلاد

طيب

الحلول وين !!!