عنوان الموضوع : فوت العيد الكبير بلا مرتو قضايا اجتماعية
مقدم من طرف منتديات العندليب

صح عيدكم و كل عام و نتوما بالف الف خير ينعاد عليكم ان شاء الله بالخير في حياة الناس الي تبغوهم ان شاء الله.بمناسبة العيد راح نحكي على وحد الظاهرة كاين في بعض المناطق عندنا في الشلف والي هي الكنة يجو ماليها يدوها تفوت العيد الكبير عندهم معنتها نهار الوقفة يجو يدوها و تخلي راجلها يفوت العيد وحدو مع ماليه. عندكم هاذا الشي و لا لالا .اختي تقدري تروحي و تخلي راجلك يفوت العيد وحدو.و انت خويا كيفاه راح يكون الموقف تاعك كون تقلك مرتك راني رايحة نفوت العيد عند ماليا و راهم جايين يدوني ماليا.الي فهم هذا الشي يفهمني لانو انا هذا الشي ماقدرتش نفهمو.اليكم الخط


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مستحيل نعيد انا في الدار و هي في بلاصة اخرى حتى كون تكون دار باباها و ادا راحت تبقا ثم ما نحتاجهاش ترجع

__________________________________________________ __________

>>>> الرد الثاني :

رانا من ولاية وحدة ,,,,,,,,,,صح عيدك و كل عام و انت بخير

كيما قلت هاد العادة كاينة بزاف و مازالوا لحد الآن يديروها و انا من رأيي الزوجة تقعد تعيد مع راجلها خاصة انو عيدها الاول في دار راجلها و من بعد العيد تروح لدارهم تغافرهم ,,,,,,,,ماهيش جاية تخلي راجلها وحدو و يلا هي قاتلوا مانروحش على جالك أكيد راح يفرح : و زيد هي متعودة تفوت العيد مع دارهم و هاد المرة لازم تبقى مع راجلها ,,,,,,,هذا يلا كانت تفهم طبعا,,,,,

__________________________________________________ __________

>>>> الرد الثالث :

هذه ليست خاصة بالشلف او غيرها هذه خاصة برجال ما عندهمش النيف في كل مكان وزمان .

__________________________________________________ __________

>>>> الرد الرابع :

يالطيف ..
البنت لما تتزوج يصبح زوجها أولا ، وإلا لو بقينا نتبع تخاريفهم ، البنت تعيد في بيت والدها ، لكن بلا والدتها ، التي ستقضي العيد مع أهلها

،،

لا توجد عندنا هذه العادة الغريبة الكنة تزور بيت أهلها في عشية العيد ، أو ثاني أيام العيد .
لو كنت رجلا وتركتني زوجتي في العيد لأجل أهلها اقول لها ابق عندهم ..

عيدك مبارك عزيزتي وكل عام وأنت بخير


__________________________________________________ __________

>>>> الرد الخامس :

السلام عليكم صحا عيدكم اختي سيرين



خويا البارح عيطلو نسيبو( اخو زوجته يعني)

من اجل ان ياخذها للعيد



اخي رفض رفضا قاطعا

انا في عايلتنا ما شفتهاش هاذي الظاهرة

ربما هي موجودة

ولكن ان شاء الله لن اقبل بهذا ابدا

على الاقل تروح اليوم الثالث تبات ليلة او اثنين و ترجع

ولكن العيد ضروري تكون زوجتي معي
=====================


هذا اذا تزوجنا اصلا