عنوان الموضوع : نطمع نشري خبز الدار من لبرا نطلق مرتي ....ماتخلعوش من المجتمع
مقدم من طرف منتديات العندليب

السلام عليكم ورحمة الله وبركاته
واش راكم ان شاء الله بخير

في كل موسم عيد وقبل يومين تبدا تظهر لاشان والطوابير أمام المخبزات لأجل شراء خبز الدار ...

وكم اتعجب ونحير كيفاه في مناسبة ويوم في العام حتى خبز الدار يشريوه ؟؟؟؟؟ ثم نترحم على الوالدة بالخير الله يحفظها
ماكانش قد يطيب فالدار والريحة تاعو تضرب فالدار ويديوه يطيب فالبلاطو وو هاذي هيا بنة العيد وبنة خبز الدار ، ماوش تشريه طيبهولك سماعيل الكواش وتروح فرحان تكونجليه ....
حتى إسمو خبز الدار الدار الدار
ولكن هذا كامل ومازال المشكل المحير، وهي البعض يشريو الخبز العادي تاع ألف فرنك نهار العيد ؟؟؟؟
انا نحير والله، حتى نهار العيد تضربو الخبز ؟؟ ماكانش حجة مقنعة تشري الخبز نهار العيد، واليوم والأطم قالك راهم استوردو الخبز من الإمارات مكونجلي في حاويات لتفادي الندرة ؟؟
يعني عيد عيد ونشري خبز من الإمارات جاي في حاويات مكونجلي ؟؟ كاريثة مانتخيلهاش تصرا
لا أدري المشكل في الرجال ألي مايزيروش نساهم يطيبولهم خبز الدار ؟؟ ولا لمرا ألي ماتعرفش ؟؟؟؟، ولا تاع سماعيل المخبزة بنين ؟؟ ولا ماكانش الصوارد ؟؟؟

العام لي فات كان واحد مداير لاشان يشري خبز الدار وكي لقا الغاشي خرج من لاشان وقالي لوكان نطمع مرتي نشريلها خبز الدار من برا نطلقها ، قتلو صحيت صح كنت مداير لاشان تشري لحليب ....

اذا عندكم أجوبة وأراء اتفضلوا
ملاحظة:
المقصود من الموضوع ماوش على الكسرة ولا الرخساس كيفاه يسميوه البعض هذاك الحمد لله يومي يطيب فالدار
الموضوع على خبز الدار تاع المناسبات ولا رمضانات ولا مانعرف ...
صورة خبز الدار




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يحفضلي يما
واحد الخبز مكانش كيفو
وكي نزوج لازم تعلم مرتي دير الخبز ادا متعرفش
الحوايج هادو ميصلحش يتشراو

__________________________________________________ __________

>>>> الرد الثاني :

المشاركة الأصلية كتبت بواسطة seddik 3223
ربي يحفضلي يما
واحد الخبز مكانش كيفو
وكي نزوج لازم تعلم مرتي دير الخبز ادا متعرفش
الحوايج هادو ميصلحش يتشراو


أمين أمين
كيما قلت حوايج مايتشراوش

__________________________________________________ __________

>>>> الرد الثالث :

السلام عليكم
بزاف علينا نصنعوا زليف ودوارا ووووو,,,,,,,,,,,نهار العيد
نزيدو تاني نخبزوا
صح عيدكم ,,,,,,,,,,ان شاء الله تكلوا خبز الدار

__________________________________________________ __________

>>>> الرد الرابع :

المشاركة الأصلية كتبت بواسطة optimism
السلام عليكم
بزاف علينا نصنعوا زليف ودوارا ووووو,,,,,,,,,,,نهار العيد
نزيدو تاني نخبزوا
صح عيدكم ,,,,,,,,,,ان شاء الله تكلوا خبز الدار


أمين علينا وعليكم بالصحة والعافية
بصح خبز الدار يطيبوه يوم قبل ...


__________________________________________________ __________

>>>> الرد الخامس :

السلام عليكم اخي
فعلا كلامك صح لانو رجع كل شي يتباع لكن هذا فالمدن الكبرى انا نظن الارياف مازالو يعجنو رحت لمنطقة فولاية الجلفة ونزلنا نشرو الخبز في بالنا كيما عندنا يتباع قالنا حنا الصباح بطري نصدقو منو اما نبيعوه خبز الدار عيب لالا يعني عجبوني فالمقولة هذي بزاف
الصراحة حنا فالعيد ما نعجنوش لانو من عادات امي وخلاتي وغيرو يوم العيد يكونو مع الكبش وامورو مش العجين الصباح بكري نديرو المسمن وكاين يقولولو المدلوك هذاك نديرو بكري ونخرجوه صدقة
لكن كيما قلت والله عيب إنو مرا فالدار ويروح الراجل يشري من برا عيب حتى لو ما تعرفش مرتو مش عيب اول ما تتزوج تبدا تتعلم من عجوزتها عادي جدا ومع الوقت تتعلم ماكانش اللي زاد متعلم
شكرا لك