بين مطرقة الحب وسندان الحياة مشكلة

[hamida]

عنوان الموضوع : بين مطرقة الحب وسندان الحياة مشكلة
مقدم من طرف منتديات العندليب

راني نكتب في هده الكلمات والله وحده اعلم كم قلبي يتمزق ...كان اول حب في حياتي فتحت عينيا عليه حبيتو و والفتو وتمنيتو زوجي جوزت معاه مشاااااكل كبار وايام حلوييييييييييييين ولكن دائما نوقف معاه مرت سنوات وتكلل هدا الحب بالخطبة كنت اسعد امرأة في العالم واخيييرا ساتزوج بمن حبيت بدات المشاكل مرة اخرى وتدخلت الضروف ...وقفولنا والديه في زواجنا قالولو غير هديك منقبلوهاش كنتنا مع انهم كانو قابلين في الاول هو عانى بزاف جرب جميع الوسائل خرج من الدار بكا مرض علاجالي ولكن لم يتغير رايهم ...مازال نهار لعيطلي يبكي بين عينيا قالي انسايني وشوفي حياتك ربي يهنيك مازال صوتو المخنوق في ادني ...بكيت عليه وسوفريت ما قدرتش نتخيل حياتي بلا بيه وانا كل حاجة بنيتها معاه .....مرت الايام وبديت نتعود على حياتي الجديدة ورضيت بواقعي المر وقلت اللهم ااجرني في مصيبتي واخلفني خيرا منها ..... مرت الايام ولا جديد في حياتي وصدفة وفي يوم تلاقيت مع صديق قديم نعرفو ويعرف اني كنت مخطوبة سألني عن حكايتي فاخبرته عن معاناتي المهم هو من الاول كان معجب بيا وعندما علم اني احب غيره انسحب بهدوء ....بعد ما عرف قصتي صارحني بمشاعره وقالي راني ناوي الحلال ونتي لكنت متمنيك انا ترددت في البداية خفت نضلمو معيا خفت ما نكونش مستعدة لتجربة اخرى وانا مازال الماضي بين عيني وقتلو اعطيني الوقت ...قالي خوضي الوقت لحبيتيه بديت نتعلق بيه مع الايام واكتشفت فيه صفات انا نحبها وحسيت انو ربي عوضني خيرا خصوصا بعد واش عشت من سوفرونس ......جا خطبني من والدي ولكن هنا كانت الصدمة ...بعد القبول الاولي من والدي غيرو رايهم ورفضوه لمجرد انه مطلق ...ما دنبه هل اصبح الطلاق عيبا في مجتمعنا ؟؟ مع انو متواجد بكثرة ونجده في كل عائلة؟؟........هو ليس كبير بل فارق السن معقول كما انه مقبول من كل النواحي واي بنت تحلم بيه زوج ...انا اعلم مدى معاناته مع زوجته السابقة ...انا جد تعيسة فهو الوحيد لقدر ينسيني حبي الاول هو الوحيد لقدر يخرجني من حزني بالرغم من عروض الزواج المتعددة ولكن عمري ما ريحت مع شخص كيما هو ...هل هو قدري ان احرم من الحب مرتين...هل هو قدري ان اعيش نفس الالم مرتين قلبي مازال مابراش من الجرح الاول وما رانيش حاملة جرح اخر.....اخوتي ارجو منكم النصيحة والمساعة انا اعلم اني ادا انحرمت من حلمي للمرة الثاني سأجن ...دعوة في ضهر الغيب راني اختكم في الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليك و رحمة الله تعالى و بركاته
أنا مرا كيما نتي و راني حاسة بيك و الله صعيب فراق الحب
مجتمعنا فهذا الوقت اللي رانا فيه كلمة المطلق ولا المطلقة ميحملوهاش و المطلقين سوا المرا و الراجل ميقبلوهمش يعاودو الزواج لخطرش غير يطلقو يندار فيهم العيب يقولو و كان مفيهش ولا مفيهاش حاجة ميش مليحة ميطلقش
منيش عارفة كيفاش يفهموها بصح ميش قاع الناس كاين اللي تجيه عادي
و الوالدين توعك إعذريهم بالاك راهم خايفين عليك يقولو بالاك هذا السيد كي طلق الأولى بالاك يجي الدور على بنتنا
ولا كاش واحد من باب الغيرة عمرلهم ريسانهم بكلام كاذب عليه
يا ختي متقلقي روحك متقنطي و خلي إيمانك بربي قوي و ربي مراحش ينساك و يطيك اللي تتمنايه و تزول عليك هذي الشدة
و إن شاء الله يفرج عليك و بالاك الوالدين يرجعو فرايهم نتي ثان أهدري معاهم بالعقل و حاولي تحبيهم فيه

__________________________________________________ __________

>>>> الرد الثاني :

المشاركة الأصلية كتبت بواسطة raboha السلام عليك و رحمة الله تعالى و بركاته أنا مرا كيما نتي و راني حاسة بيك و الله صعيب فراق الحب مجتمعنا فهذا الوقت اللي رانا فيه كلمة المطلق ولا المطلقة ميحملوهاش و المطلقين سوا المرا و الراجل ميقبلوهمش يعاودو الزواج لخطرش غير يطلقو يندار فيهم العيب يقولو و كان مفيهش ولا مفيهاش حاجة ميش مليحة ميطلقش منيش عارفة كيفاش يفهموها بصح ميش قاع الناس كاين اللي تجيه عادي و الوالدين توعك إعذريهم بالاك راهم خايفين عليك يقولو بالاك هذا السيد كي طلق الأولى بالاك يجي الدور على بنتنا ولا كاش واحد من باب الغيرة عمرلهم ريسانهم بكلام كاذب عليه يا ختي متقلقي روحك متقنطي و خلي إيمانك بربي قوي و ربي مراحش ينساك و يطيك اللي تتمنايه و تزول عليك هذي الشدة و إن شاء الله يفرج عليك و بالاك الوالدين يرجعو فرايهم نتي ثان أهدري معاهم بالعقل و حاولي تحبيهم فيه

ان شاء الله ربي يكون معاكم حبيباتي
بصح انا ننصحكم ادا فات الحال و ماكاش امل باش تولي ليه
افضل شيئ انك تحاولي تنسايه
خير ماتقعدي تتفكري و تتعدبي حاولي
وشوفيها من الجانب المشرق
اتخيلي لو كان اتزوجتي
وبعد الزواج اكتشفتي بلي اهلو مارامش قابلينك
ماشي تولي فالمشاكل وتقولي لو كان كونت عارفة هكدا يصرالي كنت ما قبلتش
ربي ان شاء الله يفرج عليكم وما تنساوش بلي بعد العسر يسر اكيد
ولي فيها الخير ربي يجبها ان شاء الله

__________________________________________________ __________

>>>> الرد الثالث :



__________________________________________________ __________

>>>> الرد الرابع :

الله يجيب الخير

__________________________________________________ __________

>>>> الرد الخامس :