عنوان الموضوع : ياناس راهو هبلني الراجل هاذا تم حل المشكلة
مقدم من طرف منتديات العندليب

صحا فطوركم خاوتي
حبيت نسقسيكم علي وحد الموضوع وراني طامعة فيكم باه تنصحوني
عندي مشكل مع خطيبي كل يوم نداوسو عليه لي هو انا مازال ما قتنعتش بلي كل ما نجي خارجة لازم نعيطلو و نقولو بزاف ولا خانقني بهاذي العقلية تاعو مازالني فدارنا ومازال بابا هو اللي يحكم فيا كي نجي خارجة نسقسي بابا و نزيد نسقسيه هو انا هاذي مدخلتليش فراسي و وخاصة في رمضان علابالكم الخرجات فاليل و الله عندي ملي بدا رمضان دابزنا ثلاثة مرات و لا ربعة غير علجال الخرجة بلامانقلو و المشكل انا كي نكون هدرت معاه من قبل و علابالي بلي خارجة نخبرو مي كي نخرج علي غفلة انا في بالي عادي ماشي لازم محبة خاطر برك نقولو
جيتكم بجاه النبي ياخاوتي قولولي اذا فالدين يعني مادامني فدارنا و مازال مادانيش لازم نقلو واذا زعما راني غالطة كي منحبش نقلو ونتقلق منو ?



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

المفروض مازلتي في حكم الوالد
كبري بالك ، يحبك ويغار عليك هادا ما كان


__________________________________________________ __________

>>>> الرد الثاني :

salam
farki mabin
hal tatkalki mano katar maykalikch tokarji
wala mojarad alistiidan mano ikalkak
ida kan assabab lawal rah tat3bi m3ah ba3d azwaj bihokm ano ihabak wigir 3lik
ama atani
banatli normal ki tgolilo
lakinlibabak howa li yahkam

__________________________________________________ __________

>>>> الرد الثالث :

ههههههههههههه البارح كانت ماما رايحة عند جارتنا فالليل طاحت تكسرت راحت توقف عليها وانا مارحتش اختي الصغيرة قاتلي وانتي علاه ماتروحيش قتلها ماخلانيش راجلي زعما غير نفوت فيها قاتلي ياخي ماهوش باباك ههههههه قتلتني بالضحك وشوكاتني يعني يا لالة كلنا في الهوا سوا وانتي وش خسرتي كي تقوليلو بالعكس تكبري بيه وديريلو قيمة هادا راهو راجلك وراح يعود الآمر الناهي في حياتك هو جنتك وهو نارك ادا مليح معاك ويحبك ويقيمك مام نتي حاولي ترضيه ماهيش حاجة صعيبة

__________________________________________________ __________

>>>> الرد الرابع :

مهمتش هل ركي عاقدة ولا لالا

اذا كنتي عاقدة فهو زوجك ولازم تخبريه


وان كنتي معقدتيش فلا يجوز لكي اصلا الكلام معه


__________________________________________________ __________

>>>> الرد الخامس :

المشاركة الأصلية كتبت بواسطة nadjet.alwalid
المفروض مازلتي في حكم الوالد
كبري بالك ، يحبك ويغار عليك هادا ما كان

هاذا هو المشكل انا نقول انو بابا هو اللي يحكم فيا مادامني تحت جناحو
واش ندير لازم نكبر بالي بصح درك وليت مانحملش المشاكل بزاف وليت نتقلق منو و الله
المهم شكرا علي النصيحة اختي