عنوان الموضوع : ربي يستركم عاونوني تم الاجابة
مقدم من طرف منتديات العندليب

السلااام عليكم
ربي يستركم راني ضايعة عاونوني انا مقبلة على الباك والمشكل اني اصبت بكسل بسبب غلطة ارتكبتها في حقي اني كنت احب شخص الحمد لله انا لم ارتكب اخطاء لكنني تجنبته لاني لا اريده كعشيق بل اريده كزوج لهذا انا تجنبت اي علاقة
اخوااني راني حااسة بلي ابتعدت عن الله وليت نتكاسل في الصلاة قولولي كيفاش نواضب على الصلاة و كيفاش نظم وقتي راني حابة ننجح بمعدل ملييح امي مسكينة مريضة بمرض مزمن وهاداك نهار كانت مريضة بكات وقالتلي راني خايفة نموت ومنشوفش بنتي ناجحة هادي الكلمة بزاااف قاستني عانوني تعيشو وقولوي في اي وقت احفظ في اليل او الصبااح


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم

ما تضيعيش ان شاء الله كي راكي بعدتي على العلاقات نتع المراهقة والحمد لله انك واعية لانك تحوسي على الزوج الصالح مش لي يتلاعب ببنات الناس لانوا لازم تكوني مركزة في قرايتك وتنحي المشاكل من بالك

اما بخصوص الصلاة لازم تحسي انوا كاين رب يحبك ويحوسك تذكريه كل يوم وحقيقة انوا الانسان لي مواظب على صلاتوا هو الناجح مع ربي في لدنيا والاخرة وبما انك تتكلمي على الباك وراكي مقلقة منوا انا نقلك الدنيا راهي امتحان وباش تنجحي فيه لازم اول حاجة هي صلاتك وعلاقتك مع ربي سبحانوا

اما بخصوص المراجعة نتمنى انك تكوني بديتي من قبل المراجعة اما بخصوص الوقت المراجعة انتع وقت صلاة الصبح مليحة ونوصيك ما نسهريش وما تظغطيش على روحك في المراجعة نهار تتعبي ريحي وعليك بحل الاسئلة نتع السنوات الماضية

في الاخير ربي يوفقك وتهلاي في الوالدة نتعك وفرحيها وفرحينا معاك كي تجيبي الباك ان شاء الله

اخوك علي

__________________________________________________ __________

>>>> الرد الثاني :

شوفي اختي

المراجعة هي حركة ديناميكية

اذا صح التعبير

يعني ابداي بشيء بسيط

حُلي دالة بسيطة جدا في الرياضيات

و لما تكمليها ستشعرين براحة

وزيدي حلي دالة صغيرة

وزيدي حلي دالة صغيرة

او تمرين صغير و بسيط


ستشعرين بالثقة و هذا هو المهم


و تشعرين برغبة في حل دالة اكبر منها

حليها ولكن ليس مباشرة بعد الاولى

ستشعرين براحة اكبر و اكبر

وازداد ثقتك بنفسك و رغبتك في الدراسة


احفظي جُزء من درس تاريخ او جغرافيا مثلا

جزء فقط


ولما تحفظيه ستشعرين بالحماس يزداد

و الرغبة في الدراسة تزداد

ابداي باشياء صغيرة


و ستكبر بمرور الزمن

مازال الوقت لتدرسي و تنجحي

ادعي ربي و حاولي تحافظي على صلاتك

لانها هي الصح

__________________________________________________ __________

>>>> الرد الثالث :

احفظي كي تنوضي الصباح وقت الفجر هذا طبعا بعد الصلاة والدعاء
وفقك الله

__________________________________________________ __________

>>>> الرد الرابع :

انا صراحة نقلك صيحتي لانو بعدتي عليه هكداك خير هو مينفعك لا دنيا و لا اخرة بصح هداك الحب لي كنت تكنيه للطفل بدليه و حطي في بلاصتو حب الله احسن لك و الصلاة ماهيش رايحة تجيك طول يعني مراكيش رايحة تبداي تصلي بدون تقطيع ابداي قبل صفي قلبك و دهنك من كل شيء و اقعدي وقت وحدك و يكون وقت كافي باه تلراجعي نفسك و صدقيني هادي الطريقة تنجح ممباعد كي تصفي روحك من كل شيء روحي صلي و ادعي ربي يهديك و حداري انو الصلاة تولي عندك عادة راهم بزاف الناس يحسبو الصلاة عادة ميش عبادة و تاكدي انو ربي يحبك و هو الوحيد لي راح يبقى معاك طول حياتك و انشاء تفرحينا و تجيبي الباك و انا الاهلية و تفرحي يماك و انا شخصيا ندعيلك ان شاء الله الحنونة تنجحي و بمعدل كبير يرفع راس يماك و يولو دموعها دموع فرح علابالي طولت بالهدرة
اختي ادا عندك ف ي س ب و ك او س ك ا ي ب او م س ن ج ر اعطيلي تاعك و ادا حبيتي نهدرو مع بعضانة هيا سلام

__________________________________________________ __________

>>>> الرد الخامس :

استعيذي بالله من الشيطان
ادعي الله و انتي ساجده ( اللهم لا توغ قلبي اللهم ثبت قلبي على دينك )
راجعي و خضري للباك في اي وقت تحسي فيه انك تنجمي
و تذكري دائما كلام والدتك خليه بين عينيك حافز
اما العشيق او الحبيبر ولا ما نعرف عليه
تأكدي ان لي كاتب لك يجي لو كنتي في المريخ
ربي يفتح على اختي ا العزيزه
تحياتي ~