عنوان الموضوع : مشكلتي أهل زوجي مشكلتي
مقدم من طرف منتديات العندليب

أنا امرأة متزوجة و أعيش مع أهل زوجي ... و هذا يسبب لي الكثير من المشاكل ... و لا أعلم كيف أتعامل معهم ...لانهم لا يحترمونني
يقولو عليا هاذيك البرانية
فهم في بعض الأحيان يتدخلون في خصوصياتي و خاصة الأخت الوحيدة لزوجي تقلي واش رايحا دوشي ؟؟؟؟ راكي رايحا لداركم راكي تاكلي بزااااااف و على بالك مانقدرش نرد عليها و كي عاد مانيش حاسبتها دوكا و لاة يماه حماتي دخل روحها فيا و تدخل للشانبرا نتاعي و تقلي و شكون شرالك هاذي ووكيتا رايحا تروحي لدار يماك و يابنتي راكي دوشي بزاف
و الله ما نرقد في غرضي 5 دقايق نصيبها فوق راسي هاذي جات امرا ارواحي طيبي هاذي العين ساحت ارواحي سيقي حاسة رحي خدامة و ندمت علاه تزوجت تزوجت باش نبني دار و نريح زدت الهم لرحي ..
واش نحكيلكم وواش نخلي فهي دائما ما تسمعني من الكلام الذي يكدر خاطري .. في آخر مرة في بيتي و أمام مجموعة من الضيوف تحدثت علي بصوت مرتفع أمامهم و بخصتني حسيت رحي مانيش مرا كرهت رحي ... بعدها صعد الاخ الأصغر لزوجي أيضا في بيتي و رفع صوته علي...= بكلام لا يليق=....
و ضعي مع زوجي غير مستقر انني اعاني كرهت حياتي ما نلبس كي لعرايس نلبس غير في الحجاب في الدار و نضل في الكوزينة و مع الشغل و كي يجي الليل نطيح طابلة و من باعد يقلي راجلي راكي زايداتيلها ........... ... و قبل و قت قصير كنا على مشارف الطلاق ... هو لا يلتفت لما يفعله أهله ... و لا يحرك ساكنا يكتفي بالسكوت ...
قايما بواجبي و زيادة مشكلتي زوجي لاصق في دارهم رغم انو كاين بيت للكراء باطل قالي مانخطيش والديا
علاه تزوجني و ضلمني معاه رغم انه قالي راكي تعيشي معززة مكرمة و كي جيت لبيتهم صبت رحي خدامة النفس راحتلي
هذا حيط اغسليه و هذا دير هاك اغسلي ماعن البيفي راني كرهت حياتي
قالتلي يماه احنا جبناك باش تعاونينا غير شمري على يديك يا المدللة ؟؟؟؟؟؟
أريد أن أحافظ على زواجي .. كلما أحاول ذلك ... يؤثر علي ما يحدث من أهل زوجي ...
أرجو التكرم و الإشارة علي .انني اعاني ؟؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليك أختي

لم تخبرنا كم عنك سنة زواج وهل عندك اولاد أو لا

نصيحتي لك أختي ان تحافظي على علاقتك مع زوجك مهما جرى وإياك الطلاق


احترميه لا ترفعي صوتك عليه كذالك إختاري الوقت المناسب للشكوى وليس كل وليس كل وقت


كذالك لازم تربحي ثقته فيك ولا تخسريها


ونصيحة أخرى عليك بالصبر ثم الصبر وراني فهمت جميع الكلام والمعاني اللي قلتيه على الدوش وغيره والله ربي يهديهم

كذلك انصحك أدخلي لموضوعي ممكن تستفيدي من الأخوات المتزوجات أو تستفيدي من نصيحة
إليك الرابط

https://www.djelfa.info/vb/showthread.php?t=962948

__________________________________________________ __________

>>>> الرد الثاني :

الله يهديــهـمـْ و يوفقكـْ علــيهم يــآ ربـْ....؛

و راآيحــينْ ندعيولكـْ كــآمل إنْ شاآء الله بــآهْ تكونــي هــآنيهْ في حيــآتكـْ.....

أختــكِ في الله {ملــآكْـ}*

ســــلــآمْـ.~

__________________________________________________ __________

>>>> الرد الثالث :

ربي يهنيك يا رب ....... اصبري و اصبري و اصبري

__________________________________________________ __________

>>>> الرد الرابع :

أختي ما عليك إلا الصبر فقط و ربي يفرج عليك

__________________________________________________ __________

>>>> الرد الخامس :

السلام عليكم

ربي يعينك و يوفقك

قصتك هي تقريبا قصتي لكن انا هو الزوج

عندي نفس المشاكل تقريبا

الحكمة فقط

تأكدي ان الزوج يعاني ويعاني ... ويعاني

حاولي الاندماج معه و شاركيه همه الاسري

الصبر مقتاح الفرج