عنوان الموضوع : كرهت كرهت 2 تم الاجابة
مقدم من طرف منتديات العندليب

سلاام اخوتي أعجبتني ردودكم وشكرا جزيلا خاصة لأخي لقرع بوكريشة فقد أثلجتم صدري وخففتم من لواعج الالم التي تختلج قلبي ولكن اعتماد أنت لا تدري معاناتي ولهذا سأقص لك جزء من الالف منها :
كنا انا وابي كالعادة مديني نقرا شفت بنت خالتي مع واحد تضحك وتشغل وداخلين يتغداو أخبرنا امي من هول ما رأينا سيما كنا نحن وامها متقاربين فقد كانت كاختي التي لم يهبها لي ربي ..باختصار بعد ما قلنا لعائلتهم قاطعونا واتهمونا احنا نخرجو فيهم استخيلو انا عقبت بيام وهذي مها تقري عربية ولا مرة غلطت قاتلي ارواح نراجعلك وهدي تخدم معها عمتي بعتتلي سيجويات طيشتهملي في دار جدي و ولاو ما يسلموش عليا ويكرهوني يتجمعو مع بنات خالاتي لخرين ويخلوني احنا كي عقبت هذي الباك بعتنا ميساج وهما ما رجعوش بصح ربي او كاين
مالا خويا اعتماد متحكمش بلخف وزيد محيتلكمش الديثاي ولا او تهبلوا وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و لاه الفضيحة

الستر الستر الستر

و النصيحة في الستر

ربي يهدينا و يسترنا

__________________________________________________ __________

>>>> الرد الثاني :

السلام عليكم
شوفي ختي نتي غالطة ياختي وكان تشوفي واش راني نشوف تنخلعي عمري ماعاودت على لبنات وهدرت لدارهم كي نشوف حاجة ماتعجبنيش نعيط للبنت في سترة وننصحها دارت بكلامي صحا وادا مادرتش عليها نقول الله يهديها نصحيتي ليك مهما تشوفي سكتي سترة مليحة وديها عبرة لاخطر هادي دنيا ماكانش ليتضمن روحها ستري بنات ربي يسترك
الله يستر قاع بناتنا

__________________________________________________ __________

>>>> الرد الثالث :

ربي يهديهم
أختي عيشي حياتك و لا تهتمي لأحد
و كما قال ناس بكري
اللي يحبك ما بنالك قصر و اللي يكرهك ما حفرلك قبر
معظم العائلات الجزائرية فيها المشاكل العائلية ، منها التي وصلت لحد التهديد و الفتل
و أيضا لا تتركي دموعك الحل السهل للهروب من الواقع بل تقبلي النقد كما تتقبلين المدح ، وواجهي الحياة و مشاكلها بعزم و تحد
وعلى ما أظن أنك تحصلت على شهادة الباكالوريا فألـــــــــــــــــــــــــــــــــــــف مبروووووووووك

__________________________________________________ __________

>>>> الرد الرابع :

يااختي سامحيني رايحة نكون قاسية عليكي

هاد المشاكل العائلية كون نحكيلك عليهم تهربي بصح هادي ماشي سبة كامل باه تنتحري "مع العلم انا تاني معنديش اختي ولي كنت حاطتها ختي هههههههه كون نحكيلك "

الا عندك رسائل الخاصة ابعتيلي و نحكيلك ان شاء الله

الله انعم علينا بحوايج بزاف والله انا كي نقلق والالالا نحمد ربي علي واش عطاني الي رانا عندنا عنين و بصحة جيدة و كاملين ووووووو ناس خرين راهم صح صح الموت نعمة ليهم و ربي مازال مخليهم يعيشوووووووووووا


نولي نقول الحمد للله مانسحق والوا غير اني بصحة مليحة و خاوتي و والديا قدامي

نولي انا ندعي لناس صح محتاجين للدعاء

و نستني منك تراسليني "

__________________________________________________ __________

>>>> الرد الخامس :

أنا أخت لا أخ يا أختي
بطبيعة الحال سيكون الرد كالذي قلت لأنك عنونت مشكلتك بكرهت و لم تحددي السبب و لا الحيثيات !!!
و الآن كتبت جزئية صغيرة و أراك على خطأ فقد أمرنا الله تعالى بالستر فكيف ترين البنت و تذهبين مباشرة لإخبار أهلها و تريدين أن يفرحوا بما قلت ؟ عجبا ضعي نفسك مكانها و مكانهم و احكمي
كما قلت سابقا لا تعطي الأمور أكثر مما تستحق