مشكلتي و المسابقة مشكلة

[chichaki]

عنوان الموضوع : مشكلتي و المسابقة مشكلة
مقدم من طرف منتديات العندليب

السلام عيكم و رمضان كريم
منذ الاعلان عن المسابقة الخاصة بالأساتذة و أنا حزينة وخائفة من عدم النجاح ، و والديا راهم امقلقين اكتر عليا خاصة ابي ، أنا انقلكم اصح اصحباتي كنت نقرا خير نمهم ونجحوا و على هذا راهي غايضتني عمري بزاااااااااااااف و من جهة أخرى راني خايفة مننجحش و نبقى انا البونيشا انتاع دارنا للعلم خياتي كامل خدامين مرسمين غير انا مرة نخدم مرة لالا و نبقى وحدي في الدار لازم نخدم كل حاجة تقول ما قريت ماشفت ، المهم اليوم كي رحت انجوز اتلاقيت مع صحابتي ولا وحدا فيهم خايفة باسكو كامل اتزوجوا، وحدا اتقولك عادي اذا منجحتش نقعد انربي و لادي و الأخرى اتقولك عادي راني في دار راجلي و انا واش انقول؟؟؟؟؟؟؟؟ المهم النتيجة تظهر هذا الأسبوع و الله ربي لي عالم بيا مراني حابا نتكلم حتى مع واحد ، الهاتف انتاعي هذي مدة ملي غلقتوا ، عايلتي مرانيش حابة نتكلم معاهم راني حابا انروح نسكن وحدي في قمة الجبل وين منشوف حتى واحد ، راه غايضني بابا بزاف لي راه متقلق من جهتي مي انا اعلاش رحت للمسابقة سقساني واش من سنة اتخرجتي برك معندي علاه الوم روحي مي الله غالب
يارب فرج عليا ، يارب انك تعلم الجهر و ما يخفى يارب اجعلني من الناجحين سبحانك لا اله الا انت اني كنت من الضالمين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يوفقك ويرزقك زوج صالح اختي....




...

__________________________________________________ __________

>>>> الرد الثاني :

وعليكم السلام ورحمة الله وبركاته
نسأل الله لك التوزفيق والسداد في الدنيا والآخرة وان يرزقك الله الزوج الصالح
فقط اختاه كتذكير لي ولك ولجميع الاخوة والاخوات
يقول الله عزوجل في كتابه الكريم: {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
لذا مهما كانت النتائج والمجريات فلا تيئسي اختاه فالله تعالى لا يضيع اجر المومنين
فالحل هو الصبر فقط ومهما طال الامد فلا بد ان يأتي الفرج من الله عزوجل وحينها نندم كلنا على الاوقات التي لم نصبر فيها
وفقكم الله


__________________________________________________ __________

>>>> الرد الثالث :

ربي ينجحك اختي إن شاء الله و يرزقك الزوج الصالح

__________________________________________________ __________

>>>> الرد الرابع :

ربي ينجحك إن شاء الله و يزوجك بسيد الرجال
و ما تقلقي روحك ما والو كلش بالمكتوب مانقدروش حنا نعرفو خير من ربي سبحانو عليم قادر و لي فيها الخير يجيبهالك ربي

__________________________________________________ __________

>>>> الرد الخامس :

ان شاء الله ربي انجحك .