مشكلتي الباكالوريا مشكلتي

[amira]

عنوان الموضوع : مشكلتي الباكالوريا مشكلتي
مقدم من طرف منتديات العندليب

السلام عليكم

اخوتي انا لم اتحصل على الباكالوريا للمرة الثالثة

هذا العام عندي ارادة اني نعاودو ونجيبه بمعدل مليح بصح حاشم نقرا ليكور خاصة اني راح نقرا مع الاصغر مني

وانا نحشم ياسر وعدت نشوف في الناس يشوفو فيا منيش راح ندي لباك ومنفهمش وراحت ثقتي بنفسي واش تنصحوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله تعالى و بركاته

اخي ارضاء الناس غاية لا تدرك لا تجعل من كلام الناس هاجسا في حياتك و الا تتعب

دير العزيمة و توكل على ربي و شوف لي يناسبك بلا مايهمك كلام الناس اللي مايخلاصش

ربي يوفقك ان شاء الله هذا العام

__________________________________________________ __________

>>>> الرد الثاني :

وعليكم السلام ورحمة الله تعالى وبركاته

أخي المثل يقول العود اللي تحقرو يعميك

فاجعل أملك بالله كبيرا

ولا تنصت لما يقوله الناس لأن الناس كلامهم لايقدم ولايؤخر والناس حتى لو أنك جبت الباك راح يتكلموا عليك ........

المهم أنت تقرا والدير اللي عليك والباقي على ربي سبحانه

موفق أخي

__________________________________________________ __________

>>>> الرد الثالث :

اخي هذا شيء لا ينعاب عليه اينشتاين عاود الباك 7 مرات

و انا نزيد نقلك عندي خالتي عاوداتو 3 مرات و ما جابتوش من بعد زوجت و طلقت و عاودت الباك تاعها و ذرك الحمد لله راهي دكتوراه فالصحافة

اذا كنت حاب تقرا اقرا ما فيهاش حشمة و ربي يكون فالعون خويا لعزيز

و ما ديرش هدرت الناس في بالك ربي سبحانو و هدرو فيه عبادو فما بالك فينا حنا لعباد

تحياتي ليك اخي

__________________________________________________ __________

>>>> الرد الرابع :

المشاركة الأصلية كتبت بواسطة زمردة17 السلام عليكم و رحمة الله تعالى و بركاته اخي ارضاء الناس غاية لا تدرك لا تجعل من كلام الناس هاجسا في حياتك و الا تتعب دير العزيمة و توكل على ربي و شوف لي يناسبك بلا مايهمك كلام الناس اللي مايخلاصش ربي يوفقك ان شاء الله هذا العام

المشاركة الأصلية كتبت بواسطة علم وأدب وعليكم السلام ورحمة الله تعالى وبركاته أخي المثل يقول العود اللي تحقرو يعميك فاجعل أملك بالله كبيرا ولا تنصت لما يقوله الناس لأن الناس كلامهم لايقدم ولايؤخر والناس حتى لو أنك جبت الباك راح يتكلموا عليك ........ المهم أنت تقرا والدير اللي عليك والباقي على ربي سبحانه موفق أخي

المشاركة الأصلية كتبت بواسطة setouta اخي هذا شيء لا ينعاب عليه اينشتاين عاود الباك 7 مرات و انا نزيد نقلك عندي خالتي عاوداتو 3 مرات و ما جابتوش من بعد زوجت و طلقت و عاودت الباك تاعها و ذرك الحمد لله راهي دكتوراه فالصحافة اذا كنت حاب تقرا اقرا ما فيهاش حشمة و ربي يكون فالعون خويا لعزيز و ما ديرش هدرت الناس في بالك ربي سبحانو و هدرو فيه عبادو فما بالك فينا حنا لعباد تحياتي ليك اخي

إذن ماذا تنتظر ،،

أنت دير لي عليك ،،واطلب المعونة من الله .

__________________________________________________ __________

>>>> الرد الخامس :

انا 23 سنة باش جبت الباك او كنت نروح نقرا عادي كانوا يقولولي نتاجاتك تخرجوا او انت مازالك تقراي مع بنات صغار