عنوان الموضوع : مشكلتي ثقتي في نفسي مشكلتي
مقدم من طرف منتديات العندليب

السلام عليكم
مشكلتي راهي معروفة من العنوان انا عندي انعدام في الثقة وهذا الامر راه مقلقني ياسر ياسر ياو غدوة عندي محاضرة امام الناس ومرانيش عارفة كيفاش راح نلقيها راني عييت من هاذ الأمر راه مدمرني محطمني راني في منصب تمناه الجميع بصح صراحة انا كرهتو كرهتو راني باغا نحبس نترك هذا المنصب راه خلاني مقلقة كارهة حياتي ديما نبكي ملقيتش الحل قولولي واش ندير راني حابة الاطباء النفسانيين متاع المنتدى يساعدوني يعطوني دورات في الثقة في النفس رجاءا حباتي رجعت جحيم. ديما نقول علاش أنا من دون الناس نعاني من هاذ المشكل يا ربي واش نجير ما لقيت حتى واحد نحكيلو من غيركم سامحوني راسي راح يتفجر والله
نتمنى تعرضوا المشكل هذا باسرع وقت ممكن


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كل شخص عنده قدرات هائلة إذا عرف كيف يستغلها و اكيد عدم الثقة في نفسك لها أسباب حصلت في الماضي عليك التفكير بإيجابية و تعويد دماغك بفكرة أنا قوية أنا واثقة من نفسي و كرريها كثيرا و إياك من الأفكار السلبية لأن الدماغ يصدق ما تقولينه له
توكلي على رب العالمين و أنت مثلك مثل غيرك من الناجحين "و ماكاش واحد خير من واحد"
ربي يوفقك

__________________________________________________ __________

>>>> الرد الثاني :

شوفي اختي باه ماتخافيش في القاء المحاظرة اعملي تمرين وتدريب قدام المراآة او قدام اخواتك هكذا تتعودي تلقي محاضرات ونزعي الخوف من قلبك ولازم تحطي في بالك اننا قاع كيف كيف كلنا عندنا محاسن وعندنا مساوئ امالا اختي لازم تتغلبي على الخوف وتقعدي دايما ترددي كي تكوني وحدك انك قادرة وماتهمك حتى حاجة وانك تقدري تتغلبي على كل شيء باه مخك يتبرمج على هاذي الفكرة ويولي يخدم بيها وماتسمعيش للانتقادات

__________________________________________________ __________

>>>> الرد الثالث :

أختي ....أنتي راه عندك رهاب اجتماعي بدليل انك خايفة تلقي المحاضرة ....والحل أنك تقعدي مع صحاباتك و توسعي دائرة معارفك ...لأنو لما تكوني مع الجماعة راح تقدري تعطي رأيك و تشاركي في كل المواضيع ...وثاني حل ابتعدي عن الخلوة .يعني ما تقعديش وحدك باش ما تسمعيش لعقلك الباطن....وآخر نصيحة:خليك عفوية

__________________________________________________ __________

>>>> الرد الرابع :

اياك و الاستسلام فهده الحالة عادية وتصيب الكثيرين ,لست الوحيدة كما تظنين ..ادعي ربي واستغفري وحضري نفسك رتبي افكارك انا على يقين بانك وبمجرد الاحتكاك مع الحضور سيزول عنك هدا القلق .
بالتوفيق ان شاء الله

__________________________________________________ __________

>>>> الرد الخامس :

اختي

ثقي تماما أن الخوف امر طبيعي عند القاء محاضرات امام حشود من الناس

لكن ثقي ايضا ان الخوف سيزول باذن الله بمجرد مرور 5 الى 10 دقائق او ربما اقل

ركزي فقط في ما ستقولينه و دعك من الحضور

ربما يكون هذا المنصب سبيلك لكسب الثقة بالنفس

اثبتي لنفسك انك مؤهلة للبقاء في هكذا منصب

بالموآآآجهة

موفقة ان شاء الله