عنوان الموضوع : قلة احترام قبل الزواج مشكلة
مقدم من طرف منتديات العندليب

قلة احترام قبل الزواج لسلام عليكم ارجوكم انصحوني بدون تجريح ........ خطيبي منين يصرا اي مشكل يهيني و يسبني و يسب دارنا و يقولي ندمت كي خطبتك بصح يولي عادي كان شيئا لم يكن و السبب لي يخليني منقدرش ندافع على روحي هو اني درت غلطة قبل ما يخطبني مع انسان اخر و هو علابالو ودارنا علابالهم لانو هذاك الانسان كان يهدد فيا بصوري بصح الحمد لله ابي و خطيبي عاونوني بزاف ......... خطيبي عاوني على اساس زميلي و نهار جا يخطبني ابي رفض قالي حاكم عليك غلطه يولي يحقرك بصح انا اصريت و امنت هدرتو بلي نسا كلش و مدام استعرفت قدام دارن بالغلطه عادي لكن في الواقع شيء اخر ابسط مشكل يجبدلي وش صرالي و يعايرني انا مليت مالاهانات حابه نبطل بصح حشمت من دارنا لي وقفت ضدهم باش يقبلو و عندي عامين خطبة و هو ثاني حبني انا لي نبطل مش حاب يربح العيب مع دارهم قولولي وش ندييييييييييييييييييييييييييييييييييييييير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حاولي معرفة السبب الذي يدفعه دائما إلى شتمك وإهانتك
إذا كان يعامل فيك هكذا على أساس الخطأ اللي ارتكبتيه فما بالك يوم تتزوجين به
لازم تشوفي لبعيد وتخمي بعقلك في المصير تاعك
وإذا راكي حابة تبطلي صح ومكيش مرتاحة مع هذا الإنسان هذا حقك ومكانش اللي يرغم عليك
وليكن في علمك أيضا أن الكمال لله وحده أي أنه مكانش إنسان مغلطش في حياتو
أخيرا أقول لك لاخاب من استخار ولاندم من استشار
استخيري وربي يقدم اللي فيها الخير


__________________________________________________ __________

>>>> الرد الثاني :

والله لا اعلم شيئ انتظري ردا من الاخوة في المنتدي واذا ذاقت بك الدنيا عليك بدعاء الله والاستخارة

__________________________________________________ __________

>>>> الرد الثالث :

هذا في فترة الخطوبة و يفعل هذا بعد الزواج ماذا يفعل؟؟
والدك تنبأ بالأمر لانه رجل و يعرف كيف يفكر الرجل و قد نصحك ارى إن تكررت هذه الأفعال أتركيه و ربي يعوضك بالأحسن


__________________________________________________ __________

>>>> الرد الرابع :

هداه الله

ولكني ارى انه سوف يعل اكثر من هذا بعد الزواج

نسال الله الواحد القهار الاحد ذو الجلال و الاكرام العلي القدير ان يهديه

__________________________________________________ __________

>>>> الرد الخامس :

ايه هدي الغلطة نتاعك وحدك
لما الانسان يخمم بقلبه يولي اعمى
اكيد راح يعايرك وماعندك ماتديري
وماتقدريش تردي عليه
احكي مع يماك وقولها حبيت نبطل وهي تشرح للاب نتاعك
قبل ماتولي عنده وتولي في كارثة
والا احكي معاه الحوار تاني مفيد..قال يا ولد ناس خلينا نتفاهمو صح غلطت وخلاص مكاش لي مايغلطش وخلاص راك خاطبني يلزم احترام........
والباقي تعرفيه
المهم يكون حل قبل الزواج