عنوان الموضوع : دبروا عليا واش ندير تم الحل
مقدم من طرف منتديات العندليب

السلام عليكم
انا تعرفت على شخص و بعد عام تقريبا جا لبابا و خطبني و لكن بعدها بدات تجي المشاكل و ماحبتش تحبس
المشاكل من ناحية اهلو ..في الاول باش يجيب يماه قعدوا تقريبا 7 شهور لانها كانت مريضة و فوتت ايام صعيبة بزاف لانو والديا تقلقوا و هدا من حقهم و انا ماكان بيدي حتى حاجة نديرها .بعدها جات يماه و زادوا خمس شهور اخرين
و باش يرجعوا تاني بسيييييف و بعد مشاكل كبار لانو كان باغي يرجع هو و يماه برك بحجة باباه خدام
و لكن والديا ماحبوش و بعد اخد و رد جا باباه اخيرا و اتفقوا باش يرجعوا يديرولي لخاتم ..عيطوا و قالوا في هاد العطلة نجوا بصح فاتت العطلة و مابان والوا و انا كل مانسقسيه يقولي الظروف المالية نتاع بابا و للعلم هو مازال يقرا و باباه هو لي راح يتكفل بزواجو ...انا درك بقيت في النص و ماعرفتش واش ندير من جيهة راني نحس بالذنب تجاه والديا لي حطيتهم في هاد الموقف و من جيهة اخرى راني عارفة بلي خطيبي راه شاريني و راهي فوق يدو لحكاية ..مرات نقوله والديك مارهمش حابين بالاك. يحلفلي و يقولي و الله ظروف برك ..راني حابة تشوروا عليا و تقولولي واش ندير لاني قريب غادي نهبل و تعبت من التخمام راني قريب عام و انا في نفس المشكل



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

كيفاش اصلا رايحة تنوجي مع واحد ماهوش قادر علي المسؤولية اسمعي انا من راي تزيدي تخممي شوية في الموضوع لان الزواج ماهوش عرس و فرات الزواج هو تحمل للمسؤولية من طرف الزوج

__________________________________________________ __________

>>>> الرد الثاني :

غريب امرك انت.انت قبلتي بواحد ماهوش خدام.غدوة يحاوزو باباه من دار كيفاش تدير.الراجل تاع الصح يبان بخدمتو و يجيب المهر تاعو بعرق جبينو
رب يسهل

__________________________________________________ __________

>>>> الرد الثالث :

يابنت الناس الواجب أن والدك يستدعي والده وبعض من حضر الخطبة ويحدد معه كل شيئ من جديد ويركز على تحديد تاريخ العقد .ويوم الزفاف. والله أعلم.

__________________________________________________ __________

>>>> الرد الرابع :

هذا الشخص ما زال أجنبيا عنك ولا يمكنك محادثته هكذا لا تتساهلي في الأمر
إن كان رجلا بحق سيُقدّم كل ما يُوضّح حسن نيته أنت ما عليك إلا أن تنتظري ولا تكلميه أكثر فأنت طلبت منه أن يتقدم رسميا وهذا اللي عليك لا تتنازلي وطيحي بقيمتك واصبري حتى يحكم الله ..

__________________________________________________ __________

>>>> الرد الخامس :

استخيري وربي ايجيب لي فيه الخير ليك