مشكلتي بنت عمتي تم حل المشكلة
عنوان الموضوع : مشكلتي بنت عمتي تم حل المشكلة
مقدم من طرف منتديات العندليب
بسم الله نبدا
يأجماعة قصة قصة بكي وضحك في نس الوقت ولي هي بنت عمتي وفي نفس سني
والله يا جماعة الخير غير راهي محيرتني مشكلتي معاه أنو أي حاجة نديرها أنا لازم ديرها هي تاني سواء في شراء الملابس أو أي حاجة أخرى
تحكي كيما تلبس كيما أنا وغير لي ماشفتني درتها تروح طول ديرها هي تاني حتى لوكان نشري مشوار تقلهم أنا نشري كيفو وتروح تحوس في الحوانت لازم غير لي تلقى كيفو وزيد مثلا لو كان نلقاها كيما اليوم ونقلها أنا راني كل يوم نقرا القرآن ونقعد وسمانة ونعاود نلقاها تقولي من نهار قولتلي راني كل يوم نقرا القرأن وأنا تاني نقرا
زيد شراء حذاء شرات كيفو بدلت منغوشي بدلت هي تاني
شريت بيجاما شرات كيفهم والله يا جماعة حتى في الزواج وحابة ديري كيفي مع العلم في 2 ماناش مخطوبات بصح لوكان أنا نقول لازم نتزوج مع واحد خدام هي تاني تقول نفس الكلام
أي حاجة في أبسط الأشياء
ولي زادت صحكتني وخرجت القرون كي درت رنتي دين دارت هي دين درت أنا وحدة راي درت هي نفسها
صحيحة متعرف لا حرام ولا حلال المهم دير كيفي
أنا بديت نتقلق ودارنا تاني ويما قاتلي هذا حقد وحسد ماشي معاندة أنا في الأول قلتلها يا يما قالك عاند ولا تحسد بصح درك كرهت عندها فايت عامين وليت نشك بلي حسد صح
قولولي كيفاش ندير معاها دبروا عليا الله يحفظكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بالعكس خممي أنك تكسبي أجرها
يعني قوليلها على أشياء إيجابية و خليها تديرهم
بعد مدة رايحة بدون شعور منها تتحسن شخصيتها إن شاء الله و تكوني ساعدتيها في التخلص من المشكل الذي تعانيه
__________________________________________________ __________
>>>> الرد الثاني :
من علامات الحب اتباع المحبوب ...
إبنة عمتك تحبك و تراك قدوة لها ... فلا تجرحيها بفعل أو قول يجعلها تنظر إليك من فوق و باحتقار بعد أن كانت تنظر إليك من تحت و بمودة ....
البنت شخصيتها ضعيفة نوعا ما و هذا ليس سبب لظلمها ... حاولي فقط مساعدتها بالتحدث معها عن أحلامها و مشاريعها في الحياة و اغرسي في نفسها الثقة بالنفس و في خياراتها ...
__________________________________________________ __________
>>>> الرد الثالث :
هذا دليل على أنها تقتدي بك... لا أرى أبدا أن هناك حسد أو غيرة ... لو كانت تغار منكي لما قلدتك بعفوية لتصبح مثلك بل لكانت تسعى كي تكون أفضل منكي ...
__________________________________________________ __________
>>>> الرد الرابع :
عادي ختي هادي بنت عمك و تحبك و بلاك هي متعرفش راهي تتعلم عليك مافيها والو
انا كنت انا وبنتي هكا كي التوام بصح عمرنا الا خممنا بلي حسد و غيرة انت راكي تكبري في الموضوع برك
__________________________________________________ __________
>>>> الرد الخامس :
المشاركة الأصلية كتبت بواسطة ناصرالدين الجزائري 
من علامات الحب اتباع المحبوب ...
إبنة عمتك تحبك و تراك قدوة لها ... فلا تجرحيها بفعل أو قول يجعلها تنظر إليك من فوق و باحتقار بعد أن كانت تنظر إليك من تحت و بمودة ....
البنت شخصيتها ضعيفة نوعا ما و هذا ليس سبب لظلمها ... حاولي فقط مساعدتها بالتحدث معها عن أحلامها و مشاريعها في الحياة و اغرسي في نفسها الثقة بالنفس و في خياراتها ...
بعد التحية والسلام
... إلى صاحبة المشكلة لا يوجد أي تحليل و تفسير لمشكلتك سوى ما قاله الأخ الفاضل ناصر الدين و ربنا ينصرك إن شاء الله
و فقك الله أختي صاحبة المشكلة و جزاك خيرا في مساعدة إبنة عمك على تزاوج محنتها و كافئيها على محبتها لك .
و السلام عليكم ورحمة الله وبركاته.
رد مع اقتباس
