عنوان الموضوع : مشكلة ابنة خالتي مشكلتي
مقدم من طرف منتديات العندليب

مرحبا جميعا في الحقيقة المشكلة ليست مشكلتي بل مشكلة ابنة خالتي المهم في هذا سأبدأ القصة.


ابنة خالتي فتاة مأدبة، جميلة جدا و ممتازة في الدراسة وعمرها 13 سنة المشكلة أنه عندها (شعر زائد )في جسمها (في ذراعيها ورجليها وحتى في وجهها (عندها موستاش وتبان بزاف) ).............. . وهي تدمرت نفسيا وعادت معندهاش ثقة في نفسها وصلت بيها الحالة حتى عادت كي يوصل وقت افريل و ماي يعني السخانة ودومي منش تلبس بليمنش في السبور ومتصيفش توسوست مسكينة و أمها محبتش تنزعولها لانها سمعتها تهدر مع ختها وقالتها سمعت في الاذاعة بلي ماشي مليح تنحي الشعر ونتي صغيرة واختها قالتلها بلي راهو يبان وكذا .....


مالقات مادير ، وزيد الوحيدة اللي تقدر تهدر معاها هي أنا تقلي اسرارها قاع وانايا ما نلقى واش ندير .


..................


ونتمنى تساعدوني باش نعاونها وشكرا.



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الحل دير الحجاب 13 سنة اختي هداك هو وربي يزيد يعاونها

__________________________________________________ __________

>>>> الرد الثاني :

السلام عليكم ورحمةُ الله وبركاته
خيرا إن شاء الله ، أظن الأولى والله أعلم زيارة طيبية لترى إذا كان هناك خلل في الهرمونات أو شيء من هذا القبيل، فلعلها تصف لها العلاج.
ومن ثمّ ، إذا وصلت الفتاة لسن التكليف فالواجب عليها التحجب لا أنها "تصيّف ".
وأيضا ، لو تعززون ثقتها في نفسها وأنها ليست بالمشكلة بل ربما الكثيرات تعانين منها ، وفي هذا العصر الحمد لله كل الوسائل متوفرة لعلاج مثل هذه المشاكل ، المهم لا تزيدوا عليها بكثرة التلميح وامدحوا ماهو جميل فيها ، والله أعلم.

__________________________________________________ __________

>>>> الرد الثالث :

اختي كيما قالو لبنات تدير حجاب خاصة اذا كانت بصحتها
كاين وحدة كانت تخدم معايا عندها نفس المشكل الشعر فيها تقول راجل في الذقن وفي الصدر المهم راحت للطبيب قالها عندك هرمونات الذكورة بزايد انصحيها تروح للطبيب وتداوي وربي يجيب الخير ان شاء الله

__________________________________________________ __________

>>>> الرد الرابع :

لديها مشكل هرمونات و الله أعلم
قوليلها تزور طبيب

__________________________________________________ __________

>>>> الرد الخامس :

فعلا اراه رأي سديد تلبس الحجاب و تؤجر عليه بنية مرضاة الله لا اخفاء الشعر