عنوان الموضوع : مكالمات مستفزة لي مشكلتي
مقدم من طرف منتديات العندليب

السلام

ندخل فالمووضع مباشرة

انا طالبة طب سنة 3 كي كنت 1 تعرفت على واحد حتى هو يقرا كان اخر عام ليه
و ذرك راهو خلص و يخدم

و ذرك عندنا تقريبا 4 شهر مخطوبين
انا نموت عليه

بصح المشكلة اللي تكرهني فيه مش نكرهو بصح نديقوتيه و نعفو هي كي يعود يخلط فالهدرة

يا جماعة يعيطلي ساعات فالليل و يقولي وش لابسة
و يهدر غي بالشوي
انا يظربني السكن نقولو لابسة برقع و نكوبي في وجهو
و تاني اسفة عالجراة بصح مرة كان يخدم فالليل عيطلي قالي واحد الفرملية تلبس بالاك 46
قريب قتلتلو وين وصل يهدر

و تاني يقولي لوكان جيتي مش محجبة تلبسي سروال و ودي راكي بومبة


و مرة قتلو خويا شرالي كادو هكذا قالي ايه يشريلك بصح ما يقدرش يشريلك ..... والا.....
تاني نكوبي عليه

ما نحبش نغلط معاه فالهدرة
انا فاهماتو لواه حاب يوصل بصح مازال عالهدرات هاذو

كي يعيطلي يبانلي متخدر كي يكون يهدر هكذاك
و غير نكوبي في وجهو يزيد شوي و يعاودلي يكون نورمال و ينسى كلش

راح يهبلني


واش ندير معاه


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي الكريمة
انتما الإثنان مثقفان وعليك مقاطعته في الهاتف تدريجيا وافهميه ان هاته الامور حرام وحسيسيه بذكر الله والموت
وقولي له يدعي الله ان يكمل لكما بالخير ويعجل لكم بالزواج ويحقق مبتغاه واقعيا بدل من الاحلام التافهة


__________________________________________________ __________

>>>> الرد الثاني :

سحا حكيمة
شوفي ختي
ابقاي بالعقلية تاع تكوبي عليه حتى يكره
و الا اهدري معاه و بينيلو بشوي زعاف قوليلو باللي فاهماتو واش حاب و باللي عيب و انك تقلقي منو كي يعود يطيش هكذاك لكلام

برك
ما عندي ما نقولك مش مشكلة كبيرة
فهميه و نقطة انتهى

و ربي يكمللكم على خير
و تجيبو صبيان و بنات يخرجو هوما تاني اطبااء
ربي يبارك
ههه


__________________________________________________ __________

>>>> الرد الثالث :

فهميه و نقطة انتهى

__________________________________________________ __________

>>>> الرد الرابع :

الخطوبة لا تجيز لكما الحديث في الهاتف حتى وإن كان الكلام عاديا ، حرام يا اختي توبي إلى الله فنحن لا نعلم متى يستلم أمانته ، وأمرا آخر الخطوبة ليست أمر مضمون على ان هذا السيد سيتزوجك فأنت لا تعرفين ماذا سيحدث في المستقبل ، في ذلك الوقت فقط ستشعرين بأن كرامتك قد فقدت وستتألمين مع كل كلمة غير شرعية قالها لك خطيبك اتقي الله في نفسك ، وحاولي بأي طريقة أن تقنعيه بأنه يفعل شئ محرم ...
وما دام السيد كل مرة يحاول أن يتجاوز الحدود التي لا تصح إلا بين زوجين ، فليعجل بالزواج ويفعل ما يحلو له في الحلال، لا سيما وانه يعمل وإلا فليصبر الى حين يكون جاهز والله الموفق .


__________________________________________________ __________

>>>> الرد الخامس :

شيء غريب ماتنتجه الجامعة الجزائرية مستوى ثقافي متواضع جدا واسفاه طبيب يسأل ماذا تلبس خطيبته في ساعة متأخرة من ليل . هذا الذي يداوي المرض . هذا الذي تأتي عنذه النسوة ليداويهن . . يا أمت ضحكت من أجلها الأمم