عنوان الموضوع : مشكلتي في الدراسة تم الحل
مقدم من طرف منتديات العندليب

السلام عليكم

انا فتاة ابلغ من العمر 16 سنة ندرس اولى ثانوي

كنت نجي من الاوائل لما كنت في المتوسط و نجيب 16 17 عاود طحت و جبت مرة 15

و في الثانوي في الفصلين الاولين جبت 13

و المشكل الفصل الثالث كارثة قاتلي صحبتي جبتي 11 راني مخلوعة انا مارحتش شفت لاني راني خايفة و دوك يبعتوا لبيلتان لدار

و راني خايفة واش نقول لماما ؟؟

واش نقولها قبل ماتجي بيلتان ولا نخليها حتا تجي

ساعدوني راني في حيرة و كيفاه ندير باش نولي كيما كنت في الاول

مع العلم اني حابة تقني رياضي

و درك مين طحت في المعدل المعدل العام يطلعلي 12.93

و راني خايفة ما يقلبلونيش وانا راني مصرة باش ندير هاد الشعبة

بلييز ممكن مساعدة و افيدوني كذلك عن الشعبة شحال لازم يكون المعدل باش يقبلوني

سلام



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

قوليلها الحقيقة متخبي عليها ماوالو
وربي يجيب الخير وتعوضي فسنوات القادمة ان شاء الله

__________________________________________________ __________

>>>> الرد الثاني :

بالنسبة للشعبة هوما مايعتامدوش على المعدل العام بل توجد عملية حسابية لبعض المواد+الاختيار اللي خيارتيه نتي

__________________________________________________ __________

>>>> الرد الثالث :

و ماهو السبب اللي خلاك تطيحي كيما هاك
عاودي روحك


__________________________________________________ __________

>>>> الرد الرابع :

لازم تقوليلها ... و راجعي نفسك .. ماهي الأسباب التي أدت من هبوط مستواك

... أنا بنفس عمرك و بنفس السنة الي تقراي فيها ... أنا بالنسبة لي قعدت أنا أنا ماهبطت و طلعت
مع اني مستوااي عادي إذا نكثر نجيب 15
و اذا هبطت نجيب 12
في هذا العام جبت في الأول 12.39
و في الثاني 13.45
و في الثالث مازال بص راني باين ندي 13 و لا اكثر

أختي لازم تعرفي الأسباب لي خلاتك ماتديش مليح
و الله يوفقك

__________________________________________________ __________

>>>> الرد الخامس :

المعدل مقترن بالمجهود الذي يبذله الطالب ..
الام تحب لك الخير .. و حسب علمي .. الام لا تريد اعى معدل و افضل شعبة .. بل تريد انتقال ابنها الى القسم الاعلى ..
انا اسف لاني لا املك معلومات عن المعدل المطلوب ..

بالتوفيق