عنوان الموضوع : ماعرفتش واش ندير مشكلتي
مقدم من طرف منتديات العندليب

السلام عليكم
حابة نحكيلكم على مشكلتي وياريت تفهموني
من مدة اتعرفت على شخص وصار اتفاق مابينا واعجاب وتفاهمنا على الخطوبة في الاول قالي اصبري شوي حتى نقدر نقول للوالدة عليك لانو الوالدة عندها مشكل قلت ليه ماعليهش نصبر عليك لاني حاسة بيك
بصح من نهار الي تعرفت عليه وهو من موصيبة لموصيبة اتخيلو في الاول تكسر من ايدو بعد مابرا زاد اتكسر من ايديه في زوج بعدها دخل للمستشفى بسبب حساسية جلدية وفوق كل هذا الشيء هو عندو حساسية من الادوية المهدئة ومخففة الالم يعني يبقى يتوجع على طووول اتعذب
من بعد السيارة نتاعها خسرتله ودفع فيها الي فوقه والي تحته ( هذا الشيء كله وانا ساكتة مالقيت مانقول )
والي زاد مؤخراا انو ممكن راح يخرج من الخدمة ( رايحيين يستغناو عنو ) سنين وهو يخدم وهادي هي اخرتها ( ان شاءالله ماتصيرش)
كل مايهدر معايا يقولي راني مغمووم مايتفاهمش مع والده والوالدة مريضة عندو خوه توفى من عامين ومزال جمرته شاعلة في قلب امه وفي قلبه
الصراحة انا بديت نشك ونقول في بالي انو ممكن انا وجهي مش خير عليه يعني كيما نقولو ماربحش عليا
فكرت اني نقولو ننفصلو رغم اني والله العظيم غير نحبو ورايحة نصبر عليه وقابلة بيه باه كان بصح شفتو من نهار اتعرف عليا وهو من موصيبة لموصيبة عييت وانا نسمع فيه يتعذب ويقولي راني مهموم وكي نتلاقا فيه نحس بيه ذابل
يقولي راكي انتي الحاجة الزينة في حياتي
انا نحبو بكل ظروفو وقابلة بيه ونصبر عليه بصح نفكر انو ممكن كي نبعد عليه يرجع كيما الاول بخدمتو ومالو وصحتو من نهار عرفني وهو في الهم والمصايب
رايحة نهبل ماعرفتش واش ندير نظل نصلي وندعي ليع ربي يفرج همو وهم كل المهمومين ياااارب


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعني لو تعرفتي عليه قبل سنتين و توفي اخوه نتي السبب؟؟؟؟


انفصلي عنه ليس لانك وجه نحس بل لانك قاعدة تغضبي في ربي بعلاقتك هادي


ربي يكتبلك للي فيه الخير

__________________________________________________ __________

>>>> الرد الثاني :

يا اختي واش نقولك , مشي قضية انتي مكيش وجه خير عليه كيعاد تعرفي بلي الطيرة في دينا مكانش وراهو من الجاهلية والرسول عليه الصلاة والسلام كان يكره لطيرة يعني الفكرة هدي غير نحيها من بالك

وراهو غير ابتلاء فقط وربي يفرجها عليه
ومستحيل ان عسر يغلب يسرين
فان مع العسر يسرا ان مع العسر يسرا

قولليلو يكثر الدعاء وقيام الليل والاستغفار وباذن الله ربي يجمعكم في الحلال

__________________________________________________ __________

>>>> الرد الثالث :

هذا اسمه تطيّر وهذا من الجاهلية وغير جائز في الإسلام

ثانيا توقفي عن هذه العلاقة وقوليلو كي تخبر أمك راك تعرف وين راهي دارنا وتفضل في أيّ وقت ولا داعي لاغضاب الله حتى يكن الله معك ورب يفرج همك لا تنسي الاستغفار لك ولناولكل المؤمنين ورب يسعدك


__________________________________________________ __________

>>>> الرد الرابع :

معلاباليش مي نعرف شي ناس عباقرة في التمثيل


__________________________________________________ __________

>>>> الرد الخامس :

مقدمة مشكلتك أشعرتني أنك التقيت به مرة وحدة وتفاهمتو وتم المشكل وراح يجيك يخطبك
لكن بعد تتمة القراءة ولت الأمور معقدة وظهرت فيها حكايات وأخذ ورد والسيد يحكيلك على مشاكلو ومعاناتو في حياتو كل وكأنه سيجد عندك حلول!
أختي العواطف والحنان تاعك وفريه لزوجك الذي يتقدم لبابك ويحارب ظروفه للظفر بك أما الباقي قوليلهم ربي يعاونكم والسلام