عنوان الموضوع : هل هذا هو المكتوب مشكلة
مقدم من طرف منتديات العندليب

السلام عليكم
انا شابة تقدم لي خاطب منذ شهر وانا رحبت بالفكرة بطريقة غريبة ارتحت لهم يعني ومدو لامي رقم هاتف باش تتصل بيهم وتقلهم رد منعرف وين راح رقم بحثنا علييييييه ومصبنااااااااهش مهم بعد اسبوعين رجعت ومدتلي رقم مرة اخرى وقاتلي كي تكونو واجدين باش نجو نزوروكم مهم مدتلي رقم انا قلت مرة هاذي نسجلو ف هاتف تاعي احسن سجلتو فعلا وبعد مدة كي عولنا باش نعيطولهم باش يجو طاحلي تيليفون ف ما وجريت باش نخدمو راحو كامل نوامر منو قالولي سي بو راحو نوامر زعما هذا معنتها مكانش لمكتوب بيناتنا ولا كيفاه وهي اخت لخاطب صديق مع بنت عمي ف لفيس بوك وسألتها عليا هل ممكن نقول لبنت عمي تقلها رقم ضاعلي وتمدولي للمرة الثالثة ؟
2 بيني وبين هذا الخاطب مكانش تكافؤ علمي بحيت هو نيفو تارمينال وشوفور وانا مهندسة دولة ونخدم وش رايكم هل هذا عائق ام لا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم اختي الكريمة

من فضلك دعي عنك هذه الترهات
فكما قلت ان مستواك عالي - مهندسة- فلا يليق لك ان تنحدري الى هذا المستوى من التفكير

هذه الامور عادية جدا و اتركي عنكي الوساوس

فابليس لعنه الله لا يترك بابا للخير الا و حاول ان يغلقه ويبدأ في طرح الافكار السلبية

مثل مستواك ليس من مستواه . او فارق العمر . او ان يغيضك بصديقاتك فتقولين فلانة وفلانة تزوجت فلانا وانا مع هذا

المهم ربي يجمع بيناتكم في الخير

و بداي من الان تخططي لمستقبلك مع زوجك كيفاش يكون

من الافضل ان تقولي لبنت عمك عن الرقم خير


اختي الحلال دايما فيه العراقيل و الحرام ساهل

ربي يسرلك امرك و يفتح عليك بيبان الخير

__________________________________________________ __________

>>>> الرد الثاني :

أضحك الله سنك عجيب كيف ضاع الرقم مرتين أنا لو منك نظرتين نحفظ الرقم مهما كان صعبا خاصة أنهم خطابك!
المفروض هم يتصلون بأهلك ويسألوا عن رأيك
زيدي اصبري شوية يومين أو ثلاثة ان لم يتصلوا اطلبي الرقم من صديقة بنت عمك
المهم أن تتفائلي ولا تعتقدي سوء في حكاية ضياع الرقم مرتين هذا شيء يحدث مع أي رقم
كذلك مسألة تفاوت المستوى ليست بالخطيرة يوم يأتي الخاطب للرؤية الشرعية تعرفي تفكيرو ومستواه من طريقة كلامو
الوعي والنضج يعوض كل الشهادات حتى الدكتوراه ربي يوفقك ويكتبلك الخير حيث كان..

__________________________________________________ __________

>>>> الرد الثالث :

أختي موضوع الرقم سهل ابحثوا عن شخص مقرب لتلك العائلة و اطلبوا منه الرقم سرا.

لدي ملاحظة عن الجملة التي صارت مشهورة عند البنات اليوم:

بيني وبين هذا الخاطب مكانش تكافؤ علمي بحيت هو نيفو تارمينال وشوفور وانا مهندسة دولة ونخدم وش رايكم هل هذا عائق ام لا

وان يكن فما المشكلة ألم يقل الله تعالى عنكن " ناقصات عقل و دين ".
فمهما بلغت أختي من مستوى علمي فستبقي تحتاجين لرجل يكملك و لو كان ذلك الرجل ذا مستوى ابتدائي.
ابعدي عنك هذا التفكير و ان صح التعبير انسي مستواك العلمي تماما لحياة زوجية دون مشاكل.

__________________________________________________ __________

>>>> الرد الرابع :



نورمالموا كنتي تكتبي النيميروا في حيط الكوزينة

آآآآآآآآآآآه

المكتوب يعلم بيه ربي

__________________________________________________ __________

>>>> الرد الخامس :

محرج جدا الموقف ...لكن لابأس حاولي الحصول على الرقم وربي يجيب اللي فيه الخير

المستوى ...لا يوجد فارق كبير بينكما ، اعرف فتاة في غاية الجمال والأخلاق استاذة بالجامعة خطبت لشخص سنة ثانية ثانوي ، المهم الدين والأخلاق ...ربي يسهلك أختي