سانتحر تم الحل

[mira]

عنوان الموضوع : سانتحر تم الحل
مقدم من طرف منتديات العندليب

السلام عليكم يا اصحاب المنتدى الكرام ويامشرفين ربي ينور عليكم اقبلوا موضوعي فاقرب وقت لاني رح نموت
سامحوني سوف اتكلم بالعامية حتى اوصل مشكلتي التي اقل مايقال عنها كارثة بل وخطيئة
راني حابة نفرغ قلبي يا ناااااااااس لعل وعسى ربي يسامحني اذا دعيتولي وعاونتوني قلبي راه يتمزق ودموعي سايحة شا ندير باه يسمحلي ربي ياناس هاذي اول مرة نكتب مشكلتي هنا وماحكيتها الا لربي فصلاتي وموحال نحكيها لاي شخص يعرفني لانهم رح يحتقروني بل ويقتلوني انا نستاهل الموت واكثر لاني حقيرة اعزكم الله سامحووووني يا خاوتي والله قلبي راه يتمزق وقررت ننتحر اكثر من مرة واخر مرة من شهر كنت رح ناكل دوا تاع لفيران حاشاكم لكن في اخر لحظة تفكرت ربي والنار لي راح تاكلني فالاخرة والعياذ بالله عموما حشمت نحكي مع انكم مرحش تعرفو هويتي ياااااارب انا فتاة عمري 22 سنة طالبة وكانو هادرين عليا لوليد جيراننا بدات مشاكلي كلها من لما تخطبت اختي انا ماشي متربية مع خاوتي فنفس الدار لان خالتي هي لي تكفلتني لانها بابا لي هو راجل خالتي عاقر وربي معطاهش الذرية المهم ختي لي عمرها 27 سنة تخطبت من راجل اقل مايقال عنه الرجولة بعيتها هذا وش كنت نتصور لكن للاسف الحقيقة غبر ذلك كان خطيب ختي يجي لدار ماليا علما انه قريب لنا من لبعد وانا جيت في احد الايام وصبتو هناك بدينا نهدرو انا وختي وخطيبها وماما كنت معانا -ماما الحقيقية- ولانو راجل وسيم جدا والشيطان اعماني عجبني بزااف وربي يسامحني دخلت خلسة لغرفة ختي وسرقت رقم تاعو وعيطتلو على اساس فتاة غالطة فالرقم في الاول محبش يتفاعل وماعبرنيش وقالي راني خاطب يا بنت الناس عموما انا فالاول كنت جايبتها لعبة برك لكن لما كثرت لقائتنا تعلقت بيه اكثر واكثثثثثثثر ياااارب في الهاتف بقا على نفس المنوال مايقيمنيش لكن جا نهار وين رد عليا وقالي واش راكي حابة يا بنت الناس قتلو نتا تعجبني بزاف وحبيت نكون معاك قالي لكن انا منعرفكش وزيد راني خاطب قتلو نتلاقاو في المكان الفلاني نسحقك فامر مهم وفعلا جاء وانصدم لما شاف اخت خطيبتو قتلو انو يعجبني وماقدرتش نعيش بلا بيه مالقيت ولا محاولة رفض منو قالي فقط كلشي بلكتوب المهم فاتو شهرين ومزادش كمل هدر معايا كي يشوفني يشنف لكن لما مرو شهرين جا عندي للجامعة وقالي راني قررت ننفصل ونفسخ الخطبة يااارب انا فرحت داخليا مثل الحقيرة ونسيت ان الضحية ختي مسكينة لي غدرت بيها ولينا في علاقة انا وهو وختي مسكينة كانت تقول بحار عليه مزيا جا لعيب منو هو وماشي مني انا حسيت ان ختي مكنتشتحبو بزااف ولقيتها حجة باش ننسى ضميري المهم بنيت معاه علاقة قوية وحبيتو بزاف وهو ايضا وامي لي رباتني بدات تشك فيا لكن الحمد لله ربي ستر ومعرفتش ختي بعد مرور 4 اشهر من فسخ الخطبة تخطبت لوليد عمتي وراهي في دارها ربي يكمللها نشالله وربي يسامحني وانا ياناااس لاني حبيتو بزاااف وهو يقولي منقدروش نبينو علاقتنا قدام ناس عيب المهم صبرت عليه بزاف وهو والووو وقالي وكنا نتلاقاو في دار ختو لكبيرة لي رحلت وخلاتلو لمفاتح وجا نهار لكحححل لي متتصوروهشششش يااااااااااااااااارب عذبني في الدنيا واحرمني من كلش لكن ساحني فقط يااارب وقعت الخطيئة وخسرت اهم حاجة في حياة الطفلة وقاعدة نبكي وهو يقولي متخافيش راح نتزوجو هو متخلاش عليا لحد الان لكن متقدمش خطوة للقدام راني حايرة واش ندييير شهريت ونص من الحادثة وهو يوميا يقولي نجي نخطبك كي نقول ليما وتفهم بلي نتي اخت خطيبتي سابقة دايما يوعدني ولاني بلهاااء وليت منفرقش بين لحلال ولحرام ونتلاقا بيه كل سمانة نهار وربي ستر وماحملتش لكن انا راني فالخطر والله يا ناااااااااس تبت ومازدتش رحت عندو للدار هو يقولي نتي راكي في مقام مرتي لكن انا خلاااص تبت وااللله لكن كيفاش نسامح روحي خنت ختي وخنت شرفي وخنت راجل لي كان هادر عليا وناويني للحلال علما انو ميعرف والوو ومزالني مع وليد جيراننا كان شىء لم يكن هو ميعرفش لكنو شاك فيا بزااف وقالي الا حبيتي نحبسو ضرك ماشي حتا نعقدو يا ناس راني حاصلة انا لازم نتزوج فاسرع وقت لكن خطيبي كيفاش نقولو خلاص بيناتنا ولي نحبو كيفاش نقنعو يجي يخطبني فاسرق وقت يااااااااااااارب ارحمنى ادعولي ياناس ربي يخليكم راني محتاجتكم كثيراااااا ويابنات حافضوا على روحكم من ذياب راهب طفلة معندها غير شرف تاعها وكونو قراب من ربي لان اي شخص بعيد يوقع في الرذائل
ساعدوني بنصائحكم لاني قررت ننتحر الا مالقيتش حل علما اني حبيت نعمل عملية باه نولي كيما كنت لكن واله معندي دراهم فلوقت لحالي اضافة اني خايفة منها ربي يجازيكم اقبلو موضوعي فاقرب وقت لاني منهاررررة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أختي ما راحش نزيد عليك لأنو فعلا اللي فيك يكفييك

لكن حبيت نقوولك حاجة اذا تبتي توبة نصوووحة لربي سبحانو خالصة لوجه الكريم ما تستنايش فيه يجي يخطبك

أقطعي علاقتك به اطلاقا و عودي الى الطريق فاذا جاء و خطبك فبها و نعمة أما اذا لم يأتي ما تنقلبيش على أعقابك لأانو حتى نكون صرحاء احتمال كبير ما يجيش و تعرفي السبب ما يخسر عليك غير كلمة يقولك انتي اللي جيتي ليا و ما تنسايش الفعل الي أقدمتي عليه ماشي صغيير لازم تتحملي نتائج أفعاالللك

لكن هذا لا يعني تختاري طريق الإنتحار باب التوبة مزااال صلي أستغفلي أدعي ربي سبحانو أكبر خسارة للإنسان لما يخرج من دنيا هذي و هو لم يتب

و انتي حمد لله مزلت الفرصة امامك ....

__________________________________________________ __________

>>>> الرد الثاني :

انصحك نصيحة الاخ لاخته اولا اقطعي العلاقة مع هذا المخنث
تانيا عودي الى الله وحافظي على الصلوات و قراءة القران
تالتا انصحك بان لا تتركي الشيطان يوسوس لك ان الله لن يغفر لك ان الله غفور رحيم يغفر جميع الذنوب
رابعا اجعلي الله في قلبك واتركي امرك لله اختاه فهو الذي سيحل لك هذا المشكل
والسلام عليكم

__________________________________________________ __________

>>>> الرد الثالث :

والله يا أختي لا أريد أن أزيدك تعبا ، وضيقا في نفسك ، لكن حاولي كيف تهدئين وتسمعي للنصيحة ، أنت أولا إرتكبت إثما كبيرا وخطئا كبيرا ،،،لكن خير الخطائين هم التوابون ، عليك أن تجلسي مع هذا " الذئب " الذي إغتصبك ونال من شرفك ووقع معك في الحرام وأن يتقدم لزواجك فوراً ، وإلا عليك أن تبلغي ما دار بينك وبينه لأعز الناس إلى قلبك وتثقين فيه ، وتبلغي أختك أو خالتك عن عن الفعل الدنيء الذي قمت به مع هذا " الذئب البشري " هذا بعد ما تجلسي مع أختك الكبيرة وأبلغيها الحقيقة ،،،وستجدين الحل أنا متأكد أن الحل بيدك لا بيد غيرك ، حاولي أن تهدئي وأرجعي إلى دينك وصلاتك ،،وإن شاء الله تخرجين من هكذا أفعال مشينة قمت بها إلى الزواج وإقامة علاقة في الحلال ،،،ما أروع الحلال يا أختي لماذا أخطئت ويا أسفاه بنت في عز شبابك تخليت عن شرفك بسهولة . لكن لا تقلقي ولا تفكري في أخطاء تفوق الأخطاء الأولى , والله الموفق ,

__________________________________________________ __________

>>>> الرد الرابع :

السلام عليكم
معليش ختى اولا الشيطان واش يدير يسهلك الامر ومن بعد يضخملك الامر باش يديك الى الانتحار
اولا ديرى فترت نقاهة لنفسك انقطعى عنو وتوبى الى الله وتقربى باى عمل ولا تستهينى واكثرى من الدعاء
ثانيا صلحى غلطتك معاه تفاهمو انه وبزاف ناس حبو بنات كيما ماكتبش ربى داو خاوتهم لازم يبان الامرهكا على جال هدرة الناس على جال الناس الان عادت مثل البعير تشغل غير بحدبة اناس اخرين هادى خدمتهم واياكى تخليلهم الفرصة مادام ربى يقبل االتوبة لان الناس تبحث دائما على نقاظ ضعف الاخرين باش تستغلها واياك هته النقطة
لازم يعاود يجى يخطبك وتقنعى والديك انو عجبتو العائلة لهدا حب ىديك وفقط
وتبنو علاقتكم فى الحلال وانتى لازم تحطى من روحك لانك فعلا اخطئتى وتحولتى لانسانة بدون ضمير يعنى لازم فى حياتك الباقية تكونى مراة ونص بعقل ونص وتعوضى على غلطتك مازلتى صغيرة والحياة قدامك باه تصلحى نفسك وتربحى احترامك لنفسك لانو الانسان لما يفقد احترامو لنفسو راح

__________________________________________________ __________

>>>> الرد الخامس :

ارى بعض ردود ماشى فى محلها وراح تقوى شيطان الفتاة عليها