عنوان الموضوع : لا أعلم ماذا حدث لي تم الاجابة
مقدم من طرف منتديات العندليب

السلام عليكم ورحمة الله تعالى وبركاته
عذراً لم أجد العنوان المناسب، لأنني كتبت الموضوع على عجالة
سأبدأ في طرح مشكلتي
أنا تلميذة في السنة الثالثة ثانوي أي مقبلة على شهادة البكالوريا، مشكلتي هي أنني كنت متفوقة في السنوات الماضية، لكن في هذا العام لا أدري ماذا جرى لي؟؟؟ صرت لا أبالي بالدراسة وكأنني لست مقبلة على إمتحان مصيري، أرى زميلاتي وزملائي يتناقشون في أمور الدراسة أحاول مناقشتهم لكن سرعان ما أصاب بالملل،
صدقوني أنا جد خائفة، بقي على البكالوريا 19 يوم وأنا لم أحرك ساكناً، خاصة وأن أهلي ينتظرون مني النجاح على أساس أنني كنت مجتهدة في السنوات الماضية،
هل يجب علي الرقية الشرعية أم ماذا ؟
انصحوني من فضلكم، وجزاكم الله عني كل الخير
دمتم في رعاية الله وحفظه.



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حاولي الرقية فالقرآن شفاء ، و سينفعك بإذن الله



__________________________________________________ __________

>>>> الرد الثاني :

بصراحة أنتم كل شيء تلصقونه بالعين والحسد

لا ننكر أن هذه الأمور موجودة ولكن لا يجب المبالغة

لربما شيء آخر في عقلك يجعله لا يفكر في أشياء أخرى

فمن المستحيل ان يصاب الإنسان من ملل في مثل ظروفك وهي البكالوريا

__________________________________________________ __________

>>>> الرد الثالث :

على حساب كلامك مشكلتك بدأت منذ بداية العام الدراسي
وهو شيء لا يجب ان يحدث فكما نعلم جميعا انو عام الجد والكد والجري
وراء الدروس الخصوصية وخلف الحوليات وحل التمارين
لابد وان هناك شيء ما قام بتشتيت فكرك وشغلك عن الدراسة
واخذ منك عاما كاملاااااااااا
حطي في بالك حاجة قرايتك اهم من كل شيء قادر يثنيك عنها
انصحك بطرد الافكار من راسك والقيام بالمراجعة فلم يبق من الوقت الا القليل
ربي يوفقك


__________________________________________________ __________

>>>> الرد الرابع :

السلام عليكم :

والله لو كان تشوفو وش صرالي ايامات الباك ... تحيييييرو ... كنت نبكي في الليل ....... ونقول ماعلاباليش الا نربح ولا والو ..علالاه نحفظ ونتعب روحي..

ماكنتش لاحقة للدروس سيرتو الفيزياء كنت نكرها...

هداك الوقت قعدولي اسبوعين على الباك و انا ضايعة وناكرة لحالتي....

محبطة و محطمة نفسيا ...

ما شكيت لحتى واحد ...نتعذب غي الداخل...

ماشي كيما انتم راكم تكونيكتيو ...وتستعينو بالناس.... احمدو ربي ... هادي نعمة انكم تقراو ردود الآخرين..

المهم ... من بعد قلت معليش ياك في الاخير ...مستحيل مانروحش نهار الباك والناس كاملة رايحة تروح ... ايا قلت معليش حتى الا ماجبتوش ماشي من بعد نلقى معدلي 6 ولا 7 ...على الاقل 9 هههه انا هاكا كنت غي نسوي لروحي ... وهكدا قررت نبدا نهني من كاش مادة نلقاها ساهلة عندي ... بديت بالمواد المحببة واللي نعرفها ومن بعد الرياضيات ولقيت صعوبة ولكن من بعد لخصت وحليت تمارين اللي سي سير رايحا تجينا مشابهة ليها ... ومن بعد العلوم واخدتها على محمل حصة وثائقية وبديت نرسم ونتمسخر في رسوماتي ... المهم نفحتها لروحي بالدراع .... والفيزياء مانكدبش عليكم هـــــــــــــــادي ماقدرتلهاش.... راجعت شوي وحبست بالصح ماديروش كيما انا ....
نهار الباك مشيت هاااايلة ... ودخلت القسم وانا راضية على روحي لأني حفظت اللي قدرت عليه .... ونهار الفيزياء عندي مابكيت ...ماخدمتش...

في
الاخيـــــــــــــــــــر

الحمد لله ديت الباك ويييييييييي... وبمعدل مقبول .... كل هادا بالثقة في الله لأنه لا يرد يدين رفعت له .... لأني وثقت بنفسي و رضيت عليها ...

أعملو كيما انا......... على كل حـــــــــــال مستحيــــــــــــــل تكونو أسوأمني هداك الوقت .... قولو الصح ياك راكم موجدين رواحكم ...على الاقل شوي ...

طولــــــــــــــت بزااااااااااااف ولكن ثقوا بانفسكم..... واهم حـــــــــــاجة ادعو ربي ... وربي يوفقكم...

__________________________________________________ __________

>>>> الرد الخامس :

انا ننصحك بالقرآن حاولي تسمعي ليه راح تحسي براحة عظيمة صلي و دعي و نحي اي مشكل في بالك حاولي تحطي كامل تركيزك على الباك ربي يوفق الجميع و ان شالله ربي يكون معاكم