عنوان الموضوع : سؤال للرجال فقط ؟ مشكلة
مقدم من طرف منتديات العندليب


السلام عليكم
وجهت سؤالي للرجال لأني اعلم جيدا لن يفهمني إلا رجل و المرأة بالنسبة لها هذا ليس بمشكل يذكر لكنه بالنسبة لي ذا اهمية و يمس إستقراري مع زوجتي
قبل ثلاثة سنوات كنت أبحث عن الزوجة الماكثة بالبيت و وفقني الله الى أن أجدها بالمعايير التي تمنيتها لكن المضمون الداخلي ليس لي سبيل لمعرفته ، زوجتي لا تعمل لكن تمدد هذا المفهوم حتي الى بيتي فهي لا تحب العمل المنزلي و بالذات المطبخ تصورو معي لا تحب الطبخ يعني أنا يا رجال وش راح نعمل معاها دوامي من 8 الى غاية 12 زوالا ثم 14 الى غاية 17 مساء أعود لمنزلي بعد تعب و جهد و بعد مسافة تقابلني برفضها للقيام بالواجب المنزلي و اليوم الوحيد الذي تطبخ فيه هو يوم السبت و تطبخ فيه أكل كل الأسبوع قوقولي يا رجال في أي مدرسة تعلمت هذا الدرس قلتها و فهمتها انا مانحبش أكل الثلاجة ردت علي كول من هذا الحوت ولى موت و لي معها طفل
يا صاحبي راني مديقوتي للحد لوكان جات خدامة كنت اتقبل الفكرة لكن هذه ماكثة في البيت و اليوم كل تقضيه على التلفاز في الفترة الأخيرة أصبحت أشتري أكلي من الخارج أجده كما أحبه طبخ على الأقل في نفس اليوم
راني نادم على اليوم لي تزوجها فيه و خيرتها أنا مرانيش متزوج مع مرة فكرت في إعادة الزواج لكن مرانيش قادر نفتح دار اخرى
حكيت مع والديها مكان والو
دبرو عليا يا إخواني



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

هذا الامر نجاوبوك عليه نحن النساء قبل الرجال
هذه زوجة فنيانة مدللة متعودة الناس تخدم عليها اجيبولها الماكلة لفمها

تكلم معها و اعرف لماذا تفعل هكدا

__________________________________________________ __________

>>>> الرد الثاني :

يا أخي حتا أنا فتاة و أستاء من هذه التصرفات
ولكن سؤالي كيف كانت في بيت أبيها هل كانو بنفس الطريقة أقصد الطبخ مرة في الاسبوع
اذا كانت بهذه الطريقه فسايسها و مع الوقت ترجعها كيفك و تفهمها انو تقصير في حقك كزوج

__________________________________________________ __________

>>>> الرد الثالث :

هاذي فنيانة وموالفة بالماكلة جيها حتى لعند رجليها زير روحك معاها ما كش حاقرها هادا واجيها يخي راك قايمها ومتهلي فيها يخي نسا يخي كيفاه يخليهم قلوبهم يديرو عفايس كيما هاك الله يهدي ما خلق

__________________________________________________ __________

>>>> الرد الرابع :

e bein nta bayna 3lik 3A9EL sinon madirch haka,
lhal lwahid beyenelha ke rak baghi tjib mra wahdoukhra, ou bien echkor nssa li ya3arfou ytaybou , balek galbha yetharek
ya khouya , az3af, echki menha,goulha ya ljayha, laliyetek methalyin fi rjalhoum w ntiya lahiya fi tv
nahilha la television
ya khouya nta bayna sahel, sinon welah madirlek haka, wa3lech rak mestahmel ya akhi
lebnet rahoum bezaaaaaaaaaaf, yla matssagmetch alors kayna khtha
w weldek machi lewel w machi lakher li waldih mtal9in,
wech men 3icha hadi
w tjr ngoul deniya hadi chhel ghadi n3ichou fiha, lazem n3ichouha aumoin fi dar bien, lhem te3 berra w lkhadma, w ki tji ledar bech treyah non tel9a hamha aussi
ya akhi zayer rohek m3aha, l3assa limen 3assa,
w dar lwaldin machi kima dar rajel, c pas pareil
zayer rohek akhi

__________________________________________________ __________

>>>> الرد الخامس :

السلام عليكم

شوف خوي علابالي حبيت رأي الرجال وردينا عليك حنا النساء

خوي هذه بكل بساطة خاصها طريحة من الكبار باش تفيق من تفنيين والكسل

واش ديتها غير تتفرج في تلفزيون

قوللها و شدد معاها واذا بقات في طبايعها بعتها لدارهم تكمل المسلسل

رانا رجالنا غير نقلشو فيهم وديما يتقلش ما بالك ما لقاش كل متطلباته واجديين

وكلمة كل هذا الحوت ولا موت هذه والله ما لفظ تقوله المرا لراجلها

ربي يعينك أخي ولي فيه الخير ربي يجيبو ويفرج عليك ويهديها