عنوان الموضوع : الي عندها خبرة في التربية بليز افيدوني لتربية طفلك
مقدم من طرف منتديات العندليب

بنتي عندها اربعة اشهر تبارك الله و ربي يحفظها
قولولي نقدر نقعدها ؟؟؟
عندي شحال وانا ندرب فيها باش تقعد يعني نحاول نساعدها و هي تنوض بسلمتها بصح منخليهاش نرجعها راقدة و درك قالولي ديريلها مخايد وقعديها

و الماكلة راهي ترضع من عندي نحسها جيعانة مين داك يخلاص لحليب و هي راهي ترضع وتبدا تبكي هل من الممكن نمدلها بتي سويس

افيدوني جزاكم الله خير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مرحبا عزيزتي 4 اشهر الله يطول في عمرها راها قد القعاد قعديها باشوية في حجرك وتاني تقدري تدوري بها المخايد يكونو ثقال باش يحكموها وقعديها نورمال حنا ولادنا على 3اشهر نقعدوهم والاكل ابدي تذوقيها مش توكليها اكل او وجبة كاملة لكن اذا حليبك غير كافي لها وما يشبعهاش فمن الضروري تعطيها شي اخر اضافة له تقدري تعطيها ياورت تاع الذراري او هريسة الفواكه حضريها في البيت وتاني السيريلاك بالعصير الطبيعي تاع البيت وماتخافيش عليها ربي يحفظها ويصونها وادعيلي ربي يرزقني بنوتة تملى عليا البيت لون وردي يارب مشتاقة جدا يكون لي طفلة

__________________________________________________ __________

>>>> الرد الثاني :

السلام عليكم
بالنسبة للقعاد نورمال ديريلها المخايد باه يشدوها مليح بصح ماتخليهاش مطولة
وبالنسبة للاكل اذا خليبك ماساعدهاش عونيها بالابلامين تاع ليبيبي
ربي يحفظهالك

__________________________________________________ __________

>>>> الرد الثالث :

اختي القعاد وقتها بالصح لازم تعسيلها ظهرها يكون قدقد و ماتخليهاش تطول بزاف والاكل مديلها البتي سويس و كومبوط بيبي و لااخدميهولها في الدار رابي كعبة تفاح ولا اجاص وغليها مليح في الماء منين تبدا تنشف شوي زيدي ارحيها في الميكسور مع نص مغرف زبدة ونص مغرف سكر ولا استغناي على السكر احسن و ربي يوفقك
وربي يرزق اختي زهور الفل ببنوتة شابة كيما خالد يارب

__________________________________________________ __________

>>>> الرد الرابع :

انا بالنسبو لوليدي بديتلو الماكلة في 3 اشهر غير ب petit suisse و التفاح انفورو ثم نرحيه و نمدهولو بدون سكر

__________________________________________________ __________

>>>> الرد الخامس :

السلام عليكم هل من مرحب ***اولا ربي يحفظلك بنتك و رزقك برها بالنسبة لاطعام الطفل يقول اطباء الاطفال اطعام الطفل يكون بداية الشهر السادس لتجنب الاصابة بالحساسية لكن في حالة قلة حليم الام اوصيك حبيبتي باعطائهاla farine بدون قلوتين موجودة عند الصيدلية صباحا عند 10 و مساءا عند 5 مع مواصلة ارضاها .اضافة اعطائها بتي سويس و عصير البرتقال للمزيد انا موجودة ................