عنوان الموضوع : انا في حيرة اجيبوني تربية الأطفال
مقدم من طرف منتديات العندليب

سلام
ارجو من اخوات الي حاطين ولادتهم في الحضانة (لكرش)يخبروني عليها لاني سمعت قصص خوفتني على الحضانة وخاصة راه عمر بنتي عام انا مانيش حابة ندخلها بصح راجلي مصر باه يدخلها كنت نخليها عند امي وجاتها هذا الوقت ظروف ما تقدرش تشدها
قولولي يا خواتاتي على بالي راكم ريحين تنصحوني من قلبكم واش نعمل و الحضانة في عمر بنتي مليحة ولا والو
من فضلكم انصحوني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اختي لا كان ماكيش مضطرة مادخليش بنتك للحضانة مازالت صغيرة
تحتاج رعايتك وزيد ماكيش حاتلقاي لاكراش كيما تحبي
انا ولدي 3 سنوات دخلتو يومين وحبستو مارتحتش خلااااص جاني صغير
مايلعبوش مدايريلهم كراسى وطاولات وهو مازااااال صغير حاب يلعب
عاد في الليل يبات ينازع من القلقة والغيرة نتاع الاولاد
وكي حبستو رجع يرقد كيما بكري
نصيحة اذا ماكيش مطرة احضني بنتك وربيها بالهدوء كيما تحبي انت
تكبار وتعود تقرا تتوحشيها

__________________________________________________ __________

>>>> الرد الثاني :

صغيرة بزاف اختي شوفي حل اخر وافضل هدا راي

__________________________________________________ __________

>>>> الرد الثالث :

لوكان تحطيها عند إمرأة ثقة وتخلصيها كل شهر

__________________________________________________ __________

>>>> الرد الرابع :

الناس راهي في هذا الوقت تحطهم من اربع اشهر و عادي جدا لان الامهات الجدد يعملن
عموما استخيري الله
اما نصيحتي لك فهي ا تبحثي عن امرأة ماكثة في المنزل و اعرضي عليها فكرة التكفل بابنتك نظير مقابل مالي
مثلا انا و ضعت ابنتي عند جارتنا مقابل مبلغ 3000 دج شهريا و الحمد لله

__________________________________________________ __________

>>>> الرد الخامس :

اما نصيحتي لك فهي ا تبحثي عن امرأة ماكثة في المنزل و اعرضي عليها فكرة التكفل بابنتك نظير مقابل مالي
امراة ماذا بيك تكون مقربة وثقة مثلا اختك خالتك عمتك.................