عنوان الموضوع : حوار المتزوجات فقط للنساء
مقدم من طرف منتديات العندليب

السلام عليكم ورحمة الله تعالى وبركاته
اردت في هذا الموضوع ان نناقش كل مشاكل المتزوجات ايا كان نوعها عسى ان نفيد بعضنا البعض
الى من تريد ان تسال او تستفسر او تحكي عبئا اتعبها ام هما ارهقها او مشكلا واجهها
لنحاول ان لا نحس اننا وحدنا في هذه الدنيا لا من يحس بنا ولا من يسمعنا ويساعدنا
لنسعى للتآخي و التعاون
سنكون لبعضنا آذانا صاغية وستفيدنا كل متزوجة بتجربتها



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى

__________________________________________________ __________

>>>> الرد الثاني :

ربي يعطيك الصبر ويرزقك بذرية الصالحة ان شاء الله اختي الكريمة

__________________________________________________ __________

>>>> الرد الثالث :

اصبري اختي وكاديريش على ام زوجك الصح في راجلك واطلبي من ربي يهدي ام الزوج نتاعك وان شاء الله يا ربي تترزقي بالذرية الصالحة وتعمري الدار

__________________________________________________ __________

>>>> الرد الرابع :

بسم الله الرحمن الرحيم والسلام عليكم
انا ايضا لدي مشكلة مع الزوج نتاعي صح يحبني ويعزني لكن في بعض الاحيان يصبح شخص اخر ويصير ميفهمنيش ويغضب لاتفه الاسباب لدرجة انه يجرحني بالكلام ثم يندم ويطلب المسامحة لكن انا في بعض الخالات منقدرش نسمح وايضا منتفاهموش في العقلية ...........راني صابرة واللي مصبرني حبه ليا لاني مننكرش انه يعزني و يموت عليا

__________________________________________________ __________

>>>> الرد الخامس :

المشاركة الأصلية كتبت بواسطة تسنيم 22
مساء النور والله اعجبتني فكرتك ساعات تكون الوحدة منا تعبانة وماهيش حابة تحكي للي يعرفوها انا رح نبدأ هذا النقاش ونطرح الموضوع اللي معمرلي راسي بزاف
انا متزوجة صافي عامين ومازال ربي مانابش علي كي رحت للطبيب قال للراجل نتاعي بلي تحاليلو مليحة وبلي لنل عندي تكيس مبايض وعدت ندير في كلوميد و اوفستن لكن ماحدثش حمل انا و الزوج ديالي شادين في ربي و مقاليش الكلمة اللي توجعني حاس بيا والطبيب الي نقول عليه يديني المشكل في العايلة نتاعه خاصة يماه كل شهر تسقسيني كاش ماناب ربي وكي نقلها مازال تبكي وكي تشوف طفل صغير تبكي تقولو عندي 10 سنين متزوجة والله تعبتني بزاف
هادي حكايتي واش تقولولي فيها والي تقرأ تدعيلي من قلبها بالذرية الصالحة
راني نستنا في ردودكم وفي مشاركات اخرى






شوفي اختي العزيزة هذه راهي كثرت بزاف

و ماكيش وحدك

أنا من 2006 متزوجة و ما زال ما عنديش ولاد

بصح الحمد لله

أما الأهل كامل يتحيرو و يتقلقوا

كبري بالك برك و توكلي على الله