عنوان الموضوع : مجموعة كتب خاصة بمؤكولا العيد
مقدم من طرف منتديات العندليب

السام عليكم اليوم جبتلكم كيش بالطون كونت نديرو بطريقة و مع الملل قررت نغير و نختارع شوية و الحمد لله جا هايل

***اولا : العجينة المكسرة :

250 غ فرينة
125 غ زبدة انا استعملت فلوريال
نخلط الفرينة مع الزبدة و نسي اننا ندخل الزبدة في كل الفرينة
من جهة اخري ندوب قرصة ملح في شوية تع ماء بارد حوالي 4 م ك و نلمها بدون عجب نتركها في الثلاجة اكبر وقت ممكن(من الافضل انكم ديروها مع النوضة تع الصباح و تحطوها في المول عند الظهر بدون حشو و طيبوها كي قريب يأدن المغرب)

***تانيا : الحشو : صراحة انا مكيلتش عيني هي ميزاني و ايضا على حساب البلاطو ديالكم العجينة ديرت نصفها خاطرش البلاطو ديالي صغير

*الموطارد
*علبة طونة مصفات من الزيت
*زيتون اخضر دينوايوتي مقطع روندال
*حبة بصلة مقطعة طويلة بصح رقيقة كي الشعرة
*طماطم مقطعة مربعات صغيرة
*ثوم درت 3 سنينات متوسطة
*معدنوس
2 فرماج طارتينو نقدرو تستبدلوه بالفرماج رابي انا ماكانش عندي
*كمية صغيرة من الكمومبار للاطراف

***صلصة البيشاميل :

*درت كمية صغيرة ربع رتل بما يعادل كأس
*م ك فرينة
*م ك زبدة
*ملح فلفل اسود + حبة بيضة

***طريقة تحضير الحشو :

هنا عندنا نحضرو البصل و الطماطم مع الثوم و المعدنوس فقط + صلصة البيشاميل
في مقلاة نقليو البصل في شوية زيت و نصف م ص تع الفلفل اسود و شوية ملح باه ماجيش صامطة حتي يدبال البصل نحيوه و نحطوه في صحن و في نفس المقلاة باه مديروش لماعن بزاف و تحصلو فيهم نحط الطماطم و الثوم مسكرفج مع شوية ملح ( الملح هي كمية وحدة برك قسمتها بين البصل و الطماطم)
نخلوها على نار متوسطة باه تنشف من الماء ديالها و تدبال شوية متخلوهاش حتى تتحرحر بعدها نجيبو البصل و نفرغوه عليها و نحطو المعدنوس المقطع رقيق و ننزعوها من على النار
اما صلصة البيشاميل هي كالتالي :
في كسرونة نحط الزبدة مع الملح وكي تدوب نحط الفرينة و كيتنشف الفرينة نفرغ الحليب بشوية و نحط الفلفل الاسود و ادا عندكم جوزة الطيب ديروها و قعدو حركو حتى تثقال (هنا جي جارية شوية) و كي تبرد حطولها حبة بيض و تقدرو ماديروهاش

اعتدرعن الاطالة فضلت نشرح هكدا خصوصا للمبتدءات

****الان جينا للتطبيق :

نخرج المول من الثلاجة و نتقب العجينة بالشوكة نسبغها بالموطارد تكون طبقة رقيقة
نحط الطونة من فوق بعدها الخليط تع البطل و الطماطم و التوم و المعدنوس ونحط الزيتون وحطيت الطارتينو و ادا عندك الفرماج رابي ديريه
وفي الاخير حطي صلصة البيشاميل و دري بالفرماج رابي
اما يالنسبة للحواف انا قطعت الكاممبار رقيق و درتو على الحافة و غلقت و طيبتها

****و شهية طيبة****










ان شاء الله تعجبكم




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيكي الصحة
رمضان مبارك

__________________________________________________ __________

>>>> الرد الثاني :

الله يسلمك اختي
شكرا على المرور العطر
صح فطورك

__________________________________________________ __________

>>>> الرد الثالث :

يعطيك الصحة تبان تشهي

__________________________________________________ __________

>>>> الرد الرابع :

تشهي ماشاء الله تكليه بالصحة و الهناء

__________________________________________________ __________

>>>> الرد الخامس :

المشاركة الأصلية كتبت بواسطة nournour59
يعطيك الصحة تبان تشهي

الله يسلمك شكرا على الزيارة

المشاركة الأصلية كتبت بواسطة boulanouar amira
تشهي ماشاء الله تكليه بالصحة و الهناء

الله يسلمك اختي ومرحبا بك