عنوان الموضوع : رجاء طبق جزائري
مقدم من طرف منتديات العندليب

السلام عليكم ورحمة الله اريد منكم الطريقة الصحيحة لصنع الشاي وخاصة تاع الصحراء


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

nshalahh lebnett yfidoukkk

__________________________________________________ __________

>>>> الرد الثاني :

تاي اخضر ذات نوعية جيدة 2 كسان من كاس التاي. نفس الكاس بي 10 ماء . كمية من النعناع الاخضر . وكمية من النعناع اليابس . و السكر حسب ذوق كل عائلة.
طريقة التحضير.
نحط الماء على النار حتى يغلي. ثم نحيه و نحط فيه كمية النعنتع اليايبس. و زريعة التاي. ونخليه لمدة 10 دقائق. ثم نبدى نخلط فيه حوالي 15 مرة لانو كلما نزيد نخلط كلمل يزيد يثقال. ثم نصفيه بالصفاية تع التاي. ثم ندير كمية من السكر العادي حسب ذوق كل عائلة و نبداء نخلط من كسرونة الى كسرونة اخرة حوالي 15 مرة حتى يذوب السكر بالاضافة تولاحضون الرغاوي البيضة في التاي ايي لكشكوش تع التاي. ثم نزيد ندير كمية من النعناع الاخضر في كسرونة و نخلط التاي من كسرونة الى اخرة لمدة حوالي 10 دقائق حتى التاي تعود فيه رائحة النعناع الاخضر و الطعم كذالك .

__________________________________________________ __________

>>>> الرد الثالث :

تجيبي قيس لتر ماء و2 مغارف كبار لاتاي ونعناع يابس قيس 5 مغارف كبار ولا زوج كمشات بيدك
تغلي الما ء وكي يغلي اغسلي لاتاي والنعناع وارميهم داخل الماء وخليه يغلي بلعقل نقصي عليه النار وخليه قريب 20 دقيقة يغلي بلعقل وديري السكر معاهم قيس 3 او 4 مغارف سكر (كيما تحبي ) وخليه يغلي مليح قد مايغلي يطلق لاتاي ويولي ثقيل
وفي الابريق نتاعو حطي نعناع يابس ولا عادي بعد ماتغسليه حطيه داخل الابريق وكي يطيب خلاص لاتاي فرغيه داخل الابريق وخليه ييرد شوية واذا تحبيه سخون نورمال وكي تجي تفرغيه في الكاس فرغي بشوية وابداي طلعي في الابريق بلعقل للفوق حتان تولي عندك رغوة
كي تجربيه قوليلي
انا هكذا نديرو(بابا صحراوي) دار اللي تزوجت عندهم قبايل قع يحبوه ويشكروني

__________________________________________________ __________

>>>> الرد الرابع :

شكرا اخواتي وجزاكم الله كل خير زيدو اعطوني نوع الشاي اللي تستعملوه وشكرا

__________________________________________________ __________

>>>> الرد الخامس :

انا ندير الشاي والله نسيت اسمو بصح بواط نتاعو تجي خضرة ومكعبة الشكل بالاك نتاع الجمل تلقاي مكتوب بالشينوية
وكاين واح ثاني وسمو الراقي بواطتو تجي قهوية بالذهبي
على حساب مانعرف قع ملاح ورخاس في السومة وشنو ماتديريش لاتاي لحمر ديري وين تلقاي شاي اخضر صيني
وان شالله يجيك مليح