دبروا عليا طريقة جزائرية
عنوان الموضوع : دبروا عليا طريقة جزائرية
مقدم من طرف منتديات العندليب
السلام عليكم
حبيت نطلب منكم طريقة جديدة نطيب بيها الباذنجان على خاطر زوجي البارح جابهولي و قالي حابو بطريقة جديدة.انا عجبتني طريقة OM Mita الي طيباتو في الكوكوط.بصح المشكل انو الكوكوط تاعي ماتتسكرش.معناها مانقدرش نطيب فيها.خفت نحطو فيها و مايذباليش مليح.
ربي يخليكم دبرو عليا كيفاه ندير. و شكرا مسبقا
راني نستنا فيكم حبيباتي.
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
'شوفي انا البارح شوفت في سميرة فارس دارو مقلوبة جات هايلة شوفي قشر جيهة بجيهة مقشروش كامل وقلاه على طول ومبعدجاب مول كيمة تاع مسكوتش ودهنو بالزبدة ودار البدنجان بالطول وفي القاع وحط فيه الدجاج مفتت طايب من قبل وزاد 2حبات بصل دوائر وطماطم دوائر و روز وسقاه بهذيك لصوص لي طاب فيها الدجاج و سكر بالبدنجان ودارها في الفور .
__________________________________________________ __________
>>>> الرد الثاني :
اختي انا البيضنجال نحبو عندي قداه من وصفة نمدلك هاذي اذا عجباتك نزيد نكتبلك ندير مرقة بيضاء بطرف دجاج مع حمص كي تخثار نكون فورت البيضنجال نضيفلو شوي دبشة 2 فصوص ثوم حبة بيض شوي فلف اسود وشوي كمون وشوي هريسة مع طرف نتاع الدجاج مفتت نضيفلو الفرينة ونهز الخليط بالمغرف ونقليه في الزيت نزيد نقلي البطاطا نديرها في لصوص البيضاء ونضيف البيضنجال المقلي ونزينها بالمعدنوس او دبشة من فوق
__________________________________________________ __________
>>>> الرد الثالث :
شكرا على تدخلاتكن المفيدة ربي يحفظكم
__________________________________________________ __________
>>>> الرد الرابع :
شكرا حبيبتي الهام 07راني قريت رسالتك و حبيت نردلك بصح ماقدرتش قالولي لازم تكون عندك 1000 مشاركة.المهم الوصفة الي قلتيلي عليها باينة بنينة و تشهي ربي يخليك.
__________________________________________________ __________
>>>> الرد الخامس :
رد مع اقتباس
