عنوان الموضوع : ميني بيتزا سهلة التحضير من مطبخي طبخ جزائري
مقدم من طرف منتديات العندليب

السلام عليكم ورحمة الله تعالى وبركاته
السلام عليكم ورحمة الله تعالى وبركاته
هاذي اول مرة نحط موضوع في هذا القسم نتمنى ان ينال اعجابكم
اليوم جبت لكم وصفة شابة يحبوها صغار وكبار على حد السواء
ميني بيتزا فهي سهلة التحضير وماتكلفش كثيييير ..




نبدأ على بركة الله :
المقادير :
-3 كيسان كبار فرينة
-3مغارف صغار انتاع سكر
-2 مغرف خميرة الخبز
-نصف كيس خميرة كيميائية
-نصف كاس زيت
ومن بعد نلمها بشوية انتاع الما حتى تتحصلي على عجينة طرية وخليها ترتاح في الثلاجة مدة طويلة ...
ملاحظة : انا عجنتها بنهار سبق واستخدمتها في نهار الموالي ..
jومن بعد جبدي العجينة من التلاجة وقرصيها الى كويرات صغيرة وخليها ترتاح شوية ...

ومن بعد قرصي الكويرة غي بيدك وطليها بلاصوص طومات مقلية طبعا والتزين لك الاختيار ..



نتركها حوالي 15دقيقة في الفرن ..وبالهنا والشفا ((:

.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مي انحب بيتزا تاع الدار

__________________________________________________ __________

>>>> الرد الثاني :

المشاركة الأصلية كتبت بواسطة adrari
مي انحب بيتزا تاع الدار

يا ريت تجربوها وردولي الخبر . ..

__________________________________________________ __________

>>>> الرد الثالث :

وعليكُم السَّلاَم وَ رَحمةُ الله ،

يَايْ تهبَّل ، نجرّبهَا أختي وْ نمدلك تشُوفي تَطبيقي اِنْ شَاءالله
بصَّح عندِي سُؤال فيمَا يخُصّ المَقادِير، ذكرتِ 3 ملاعِق منَ السُّكَر
يعني البيتزَا تجي حلوّة ؟ ومَا نقدرش نديرهَا مَالحة ؟


__________________________________________________ __________

>>>> الرد الرابع :

المشاركة الأصلية كتبت بواسطة « أبْجَدِيَّاتْζ »
وعليكُم السَّلاَم وَ رَحمةُ الله ،

يَايْ تهبَّل ، نجرّبهَا أختي وْ نمدلك تشُوفي تَطبيقي اِنْ شَاءالله
بصَّح عندِي سُؤال فيمَا يخُصّ المَقادِير، ذكرتِ 3 ملاعِق منَ السُّكَر
يعني البيتزَا تجي حلوّة ؟ ومَا نقدرش نديرهَا مَالحة ؟

رب يخليك حنونتي
واه حطي 3 مغارف صغيرة انتاع سكر في العجينة تجي هااااااايلة جربيها وردولي الخبر
قاع ما تستبنيش الحلاوة تحسبيها بيتزا اللي تباع برا

__________________________________________________ __________

>>>> الرد الخامس :

آمينْ ، تعيشي أختي ،
وياريت لو كان تمدّيلي المقادير تاع الصّلصة و كِيفاش نعملها ،
ما زلت نُحبي في الطّبخ.. خايفة ندير حاجة من عندي و نخليها ^^"
و اسّمحيلي بزّاف على تعبك