عنوان الموضوع : باذنجان بطريقة جديدة المطبخ الجزائري
مقدم من طرف منتديات العندليب

السلام عليكم\
اليوم جبتلكم وصفة ساهلة ونشاله تعجبكم
لما قريت علا الفوائد الكثيرة للباذنجان لقيت بلي اكثر الفوائد تاعو تكون في القشرة الي حنا بالطبع نحيوها بدون استاذان ولذلك جربت اني نطيبو بالقشرة بطريقة اقتصادية وصحية
ندخلوا في الوصفة
كوكوطة ديري فيها شوية زيت زيتون او عادي

اغسلي الباذنجان وقطعيه كيما في الصورة وحطيه في الكوكوطة زيدي شوية زيت من فوق ورشة ملح واغلقي الكوكوطة وديريها علا نار هادية وديري الصفارة وخليه 50 دقيقة واحيانا حركي الكوكوطة
نخليكم مع الصور تفهموا خير





بعد مرور 50 دقيقة افتحي الكوكوطة تلقايه هكذا


حركيه وعاودي اغلقي عليه بالطبع اذا لقيتيه طاب مكلاه
حتى هذه الخطوة تقدري ديري بيه حوايج بزاف كيما راه ديري شوية لحم مرحي وبيض فرماج ومعدنوس
يجي روعة او اذا حبيتي ديري بيه قراتان بلا قليان اقتصاد في الزيت يجي روعة = طبقة بطاطا مقلية وطبقة بادنجان وجريوات ......= في الاخير بيشاميل او بيض
نرجعو للوصفة
زيدي 10 دقائق وافتحي تلقايه طاب

ضك ضيفي عليه فصوص ثوم وخليه يتقلى راح تجي وحد الرائحة روعة امممممممممممممممم انا عندي كونجلي

وتكوني شويتي طماطم =انت وش تحبي بزاف ولا قليل = ورحيتيها ارميها من فوق خليها حتى طيب
والي تحب المعدنوس تظيفوا
وهاهو ليك كي وجد


نشاله تعجبك الوصفة لانها مفيدة جدا وصحية والقشور تحتوي علا نسبة كبيرة من مضادات الاكسدة الي تمنع الاصابة بالسرطانات عافانا الله واياكم
وديما متنساونيش بدعواتكم والله غير تعبني باه حملي هذ الصور وكاين الي محبوش يتحملوا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكراااااااااا حبوبة وصفة رائعة يعطيك الصحة

__________________________________________________ __________

>>>> الرد الثاني :

شكرا على الوصفة

__________________________________________________ __________

>>>> الرد الثالث :

شكرا على الوصفةالعفو حبيبتي

__________________________________________________ __________

>>>> الرد الرابع :

اممممممممممممم بنينة و ساهلة

__________________________________________________ __________

>>>> الرد الخامس :

merciiiiiiiiiiiiiiiiii