عنوان الموضوع : بوراك بطريقتي طبخ جزائري
مقدم من طرف منتديات العندليب

بغيت نوريلكم طريقة ساهلة نعمر بيها البوراك هي كي تشوفوها تقولو بالفلفل تبان مش شابة بصح صدقوني تجي روووووووعة مانكثرش عليكم
اول شنحكم فلفل حلو اللي هو طرشي ربع حبات ولا خمية علا حساب الكمية اللي راكم باغين ديروها نغسلو ونقيه ونقطعو كاريات صغار كيما راكم تشوفو


ومن بعد نقليها مليح كي تتقلى نحها بجيه ونرابي حبة طماطم كبيرة ثانيك على حساب كمية الطرشي قلنا نرابيها ونرابيلها سنة ثوم صغيرة وشوي ملح وملعقة صغيرة تاع طماطم مصبرة ونديرها في المقلى تكتكت تقلى مليح كي تولي عاقدة نضيفلها الطرشي اللي قليناه نقلبهم مع بعض ونضرب زوج حبات بيض ونضيفهملهم ونخلط مش شرط ينشف مليح باسكو راه يتقلى في البوراك


نطفي عليها ونروح للحم مرحي ندير حوال 150غ ولا 200غ ونقليها مع شوي بصل وفلفل اسود لما ينشف شوي نضيف شوي ملح ونقليه مليح كي نطفي نضيف فرماج ومن بعد نخلط كل شيء مع بعض يعني التشكشوكة اللي خدمتها واللحم ونخليها تبرد في غرضها ومن بعد نعمر بيها الديول نتاعي كيما موالفين ونقليهم
انا مانكثرش الزيت كي نقلي كي شغل نحمرهم برك فهمتوني

ان شاء الله تجربوها وتعجبكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ya3tik sahha

__________________________________________________ __________

>>>> الرد الثاني :

امممممممممممممممممممممم يعطيك الصح اختي يبان هااااااااايل

__________________________________________________ __________

>>>> الرد الثالث :

ya3tik saha fikra hayla saha ftorek

__________________________________________________ __________

>>>> الرد الرابع :

myaaaaaaaaaaaaamyyy

mrçççççççççç

__________________________________________________ __________

>>>> الرد الخامس :

تسلم ايديك يا شاطرة الله يبارك