عنوان الموضوع : بريك بنين من مطبخي
مقدم من طرف منتديات العندليب

اهلا حبوبات
حبيت نشارككم اليوم وصفة علابالي كامل تعرفو اديروها لكن المكونات تختلف
الوصفة هي البريك

بسم الله


الحشو تاعو درت: فلفل حلو ،طماطم، بصل( بورو ) كامل قطعتهم مربعات صغار وزدتلهم دبشة مقطعة و التونة
تقدرو تزيدولو زيتون اخضر مقطع يجي هايل انا مكانش عندي

المهم الحشوة تبلتها بالملح و الفلفل اكحل



خرجو البيض من الثلاجة قد عدد البريك الي رايحين اديروه و كدلك بالنسبة للجبن

باه ما تفسدش الورقة تع الديول كي تحطي العضمة لازم تدوبلي الديول لكن ماشي بوحدة كاملة يعني كل حبة بريك تديلك ورقة وربع تع ديول طريقة اقتصادية و ناجحة شوفو الصور باه تفهموني



تفرشي ورقة تع ديول كومبلي و تزيدي تفرشي في النص ربع وحدة

من الافضل العملية هادي تكون في صحن شوي غامق في الوسط



مبعد ديري الجبن هو الاول


حطي كمية من الحشو
وديري حفرة في
الوسط باه تحطي البيضة و ما تسيحلكش من و من



اقفليها بسرعة كي لبرية و حطيها في مقلات فيها زيت سخون طبعا و نقصي شوي باه اطيب البيضة لداخل و ما يتحرقش




و شهية طيبة

ما نحكيلكمش على البنة كي تجربوه ردولي لخبر


ما تشوكاوش في لكوزينة راني كارية وعييت ما نرقع فيها




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شريراااات تطلو و تهربو



__________________________________________________ __________

>>>> الرد الثاني :

إن شاء الله موفقة

__________________________________________________ __________

>>>> الرد الثالث :

شكراااااااااااااااااااااااااااااااا

__________________________________________________ __________

>>>> الرد الرابع :

السلام عليكم بارك الله فيك والله غير شهيتيني

__________________________________________________ __________

>>>> الرد الخامس :

يعطيك الصحة شهيتيني على صباح ربي, انا نستعمل تقريبا نفس طريقتك , عوضا عن الطماطم ندير بطاطا مقلية مكعبات. باذن الله نجرب طريقتك.