عنوان الموضوع : قوارب الباذنجان مع crono طريقة جزائرية
مقدم من طرف منتديات العندليب

السلام عليكم

وش احوالكم يا بنات
نتمنى تكونو كامل بخير وبصحة وفي رضى من رب العالمين

حبيت نوريلكم وصفة هايلة قوارب لباذنجان


تلبيتا لطلب أخت ام حمزة22 و أخت آنثى آلمطر




شحال من واحد فينا مايحبش الذوق تاعو بصح بهاذي الطريقة ولادي رجعو ياكلوه و يعجبهم بزاف
حتى راجلي مايحبوش
غير حميص او يكون مفور
لكن لما درتو بهاذ الطريقة مابقا في الصحن ولللللللللللللللو
طبعا مع بطاطا مقلية ولا حاجا وخداخرا ولا حساء

المهم مانطولش عليكم

نغسلو البتنجال بلا مانقشروه نقطعوه بالطول على 2 كل حبه قسمين








نشلحوه من الداخل على شكل مربعات كيما واضح في الصورة و نرش عليه الملح ونحمروه في شويا زيت على جهة اللحمة




منبعد نستفوه في المول للكوشة ندهنوه بشويا زبدة ونفرشو هداك البتنجال


ونقطع الطماطيش على شكل دوائر ونستفها فوقو

ونرش الملح و فلفل اكحل و زعيطرة و الثوم نرابوه فوقهم ونغطوه بورق الالمنيوم





وللكوشة تقريبا ساعة كل وحدة و الكوشة ديالها من بعد ياكل مع البطاطا او الشيء الي حبيتوا تقدموه معاه ويجي خفيف بزاف و مايشربش الزيت جربوه و رجعولي الخبر

انا نقدمه اما مع الشوربة ولا الحريرة

والبنة هايلة والله واللي تجرب باذن الله راح يعجبها ويعجب عايلتها



[










ان شاء الله تكون اعجبتكم يالغاليات

وشهية طيبة ا






ماتنساوش ادعوتكم لبنتي هاد العام عندها الباك
وان شاء الله ربي يرضى علينا ويجعلنا من عباده المخلَصين


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سمحولي نات تقيلة عندي منبعد نزيد نحط

__________________________________________________ __________

>>>> الرد الثاني :

الوصفة بانتلي تشهى تعيشي صغرى الصور
بانتضار تكملة الوصفة
شكراااااااااااااااااااااااا

__________________________________________________ __________

>>>> الرد الثالث :

المشاركة الأصلية كتبت بواسطة حيهتى كلها امل
الوصفة بانتلي تشهى تعيشي صغرى الصور
بانتضار تكملة الوصفة
شكراااااااااااااااااااااااا


حمدوالله كملت الوصفة نستنى تطبيقك اختي :
وفيك بارك ربي يحفظك

__________________________________________________ __________

>>>> الرد الرابع :

سلام اختي كرونو
يعطيك الصحة على الوصفة
انا عنبالي نسيتينا اليوم كنت رايحة نصبح عليك فالخاص ههههههههههه
في الغد راح يكون طبقي البادنجات ان شاء الله
ربي يخليلك صحتك وينجح بنتك الباك ويسترها ويحفضها بادنه تعالى
امييييييييييييييييييين

__________________________________________________ __________

>>>> الرد الخامس :

المشاركة الأصلية كتبت بواسطة ام حمزة22
سلام اختي كرونو
يعطيك الصحة على الوصفة
انا عنبالي نسيتينا اليوم كنت رايحة نصبح عليك فالخاص ههههههههههه
في الغد راح يكون طبقي البادنجات ان شاء الله
ربي يخليلك صحتك وينجح بنتك الباك ويسترها ويحفضها بادنه تعالى
امييييييييييييييييييين

هههههههههههه والله منسيتكم الله غالب نات مهبلتني حت اليوم صليت فجر بديت نكمل في باقي الصور
نتمنى تجربيها وتعجبك
اللهم اميييييييييييييييييين اجمعين حنونة ولكي بالمثل يا اختي
ربي يباركلك في حمزة
نورتيني حبيبة