عنوان الموضوع : الفرق بين المثوم و الدولمة
مقدم من طرف منتديات العندليب

السلام عليكم خياتي حبيت نسقسيكم عن الفرق بين المثوم و الدولما و كيفاش نديرهم في 2 و خاصة طريقة ناس العاصمة في تحضيرهم
ارجو المساعدة وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم هناك فرق شاسع بين المثوم والدولمة اولا الدولمة هي الخضر محشية باللحم المفروم و المرق ابيض او احمر كما تشائين اما المتوم ديري كريات من اللحم المفروم ومرق ابيض مع قطع دجاج واذا حبيتي ديره احمر كيما حبيتي .

__________________________________________________ __________

>>>> الرد الثاني :

المشاركة الأصلية كتبت بواسطة جزائرية90
السلام عليكم هناك فرق شاسع بين المثوم والدولمة اولا الدولمة هي الخضر محشية باللحم المفروم و المرق ابيض او احمر كما تشائين اما المتوم ديري كريات من اللحم المفروم ومرق ابيض مع قطع دجاج واذا حبيتي ديره احمر كيما حبيتي .

بارك الله فيك يا اختي على التوضيح و شكرااااااااااااااااااااااااااااااااااااااااااااااا اااااااااااااااااااااااااااااااااا

__________________________________________________ __________

>>>> الرد الثالث :

السلام عليكم بالنسبة ليا أختي ماكانش فرق راهم يتحضروا بنفس الطريقة الفرق الوحيد الدولمة عبارة عن خضر محشية باللحم المفروم والمثوم عبارة عن كريات وحدهم وطريقتي نحط البصل والثوم والزيت والحمص والدجاج أو اللحم قطع يتقلوا مع الملح والفلفل الأكحل وسكن جبير إذا كانت المرقة بيضاء والفلفلة الحمراء أي العكري إذا كانت المرقة حمراء ونمرق ونخليه يطيب ثم نوجد اللحم المفروم نحط فيه شوية بصل وثوم ومعدنوس وقصبر مقطعين صغير وملح وفلفل اكحل وشوية قرفة ونلمو بحبة بيض ونكوروا إذا كان مثوم ولكانت دولمة نحشي الخضرة ونحطهم يطيبو في المرقة بعد ما يطيب الحمص شوية وشهية طيبة ونتمنى نكون وفقتك


__________________________________________________ __________

>>>> الرد الرابع :

صح كاين فرق بناتهم

الدولمة بعد ما تنقي الخضرة الكورجات أو الفلفل حلو او البطاطا او الباذنجان لامهم الخضرة اللي تحبي ويمكن تخلطيهم مع بعض

بالنسبة للحم المفروم تاع الدولمة ينضاف له البصل والروز والفلفل الاسود والملح والمعدنوس والبيض حسب الكمية حطي نص حبة وشوفي والمرقة كذلك البصل و الحمص والتوابل اللي هي الفلف والملح والكركم وشوية قرفة وطماطم مكرفجة او مرحية

أما المثوم فهو يندار بالثوم يعني شوية بصل والثوم يتقلاو مع الحمص والتوابل فلفل وملح وكمون

واللحم مرحي تاع المثوم نضيفله الثوم والفلفل والكمون والملح والبيض باش ما يتحلش ونعجنوه مليح

__________________________________________________ __________

>>>> الرد الخامس :

إضافة لقالوه الأخوات اللحم المرحي في المثوم ماديريلوش الأرز يعني يجي لبولات مع الحميصة فقط ومن الأحسن يكون احمر