عنوان الموضوع : طريقتي في اعداد الحريرة بلا تعب طبخ جزائري
مقدم من طرف منتديات العندليب

مساء الخير حبيباتي و الله اني ستفدت منكم بزاف و اليوم جا الدورعليا
حنا في الغرب نحبو الحريرة بصح فيها الماعن بزاف و عندي حبيبتي ربي يحفظها وراتلي طريقة سهلة في الاعدادو تجي بنينة بزاف ابداء باسم الله
اولا ناخد كوكوت نحط فيا الخضر التالية
بصلة كبيرة او زوج بصلات متوسطين نقطعوهم قطع صغيرة
حبة طماطم نعملوها علا اربعة
حبة بطاطا متوسطة
و نعمل طرف لحم دجاج و نحط ملعقة صغيرة طماطم مصبرة و نحط ملح و فلفل و قرصة كمون و كروية
و من جهة اخرى نحط عروق القصبر و نحتفظ بالاوراق للاخير و ورقة رند و عود قرفةنحزم الكل مع بعض باش في الاخير ننزعهم بسهولة و نحطهم مع الخضر ة اللحم و ونسقي الكل ب5ملاعقزيت و الان ناخدهم فوق النالر و في نفس الوقت نسخن الماء نغطي الكوكوت ونترك على نار متوسطة 10دقائق بعدها نحرك و نترك تتقلى تم نمرق بالماء السخون و نغلق
نترك 30 دقيقة تم نفتح ننزع اللحم و الباقى اللي حطينا فيها القرفة و عروق القصبرو الرندو نرحو الخضر و المرق مع اضافة زوج فصوص توم و ملعقة صغيرة طماطم مركزة و الاوراق اللي حتافظنا بيهم تاع القصبر و نرحو الكل ب peid
تم نرجع للنار و و نترك يغلو و نضيف التشيشة او الشعير لما نقرب نطفي نزيدو شوية راس الحانوت كروية و نطفو و نرش عند التقديم شوية معدنوس مقطه نتمنى تجربوها راهي مافيهاش الماعن خلاص


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مشكورة اختي ربي يجازيك

__________________________________________________ __________

>>>> الرد الثاني :

مشكورة على المرور الطيب

__________________________________________________ __________

>>>> الرد الثالث :

امممممممممممممممم راح نجربها ان شاء الله
شكرا

__________________________________________________ __________

>>>> الرد الرابع :

وانا نديرها بنفس الطريقة بصح نحط الحريرة مع الخضرة و نرحيها معاهم راهي تجي تغير لكن ما نديرش المعدنوس فيها نحط القصبر و النعناع الاخضر

__________________________________________________ __________

>>>> الرد الخامس :

سلام انا ما نستعملش الكمون والكروية في الشربة ندير البسبس حبة حلاوة القصبر طريقتك مليحة شكرا